అభ్యుదయ గేయాలు తేది : 29-07-2022 శీర్షిక : మానవత మరలిరాదా ...

 అభ్యుదయ గేయాలు

తేది : 29-07-2022

శీర్షిక :  మానవత మరలిరాదా ... 

కవిత సంఖ్య : 949

జీవరాశి చరితలో 

మానవాళి మిన్నరా 

స్వాతంత్య్రం వచ్చింది 

సంబరాలు తెచ్చింది 

స్వార్థాలు మాయలేదు 

సంకుచితం వదల్లేదు ... 

పార్లమెంటు ప్రాంగణం 

పాలకులతో కిటకిటలే  

పనికిరాని లెక్కలేవో 

పల్లెదాకా చేరపాయె ..... // జీవ // 

త్రివర్ణ పతాకాలు 

రెపరెపలు ఆకసాన  

తిండి తిప్పళ్లకింక

తెల్ల రేషన్ కార్డులే 

లక్షలు కోట్లల్లో 

లగాయించి బడ్జెట్టులు 

అయినా లక్ష్యం చేరని 

అరకొరల గమ్యాలు // జీవ // 

షెడ్యూళ్లలో రాజ్యాంగం 

సేదలు  దీరుతున్నది 

వడ్డీలకు బెదిరింపులు 

లక్ష్యంగా అమాత్యులే ..... 

లెక్కకు మించిన చట్టాలు 

చక్కబెట్టలే ఒక్కటన్నా 

ఒంటరిగా మహిళనేడు 

ఓటి కుండ తీరు చూడు // జీవ // 

నాగరికత మైలురాయి 

యాంత్రికత పెరిగింది 

బాలలను భిక్షుకులుగ 

బలవంతం మానలేదు ... 

సాంకేతిక సంబరాలు 

చేరుకునే అంబరాలు 

బతుకుదెరువు విదేశాల 

కటకటలు కన్నోళ్లకు ...  // జీవ // 

పాలకుడు అధికారి 

పక్కాగా సేవ చేస్తే 

ఫలితమింక సులువే 

ప్రజలవంక పాలనతో ... 

ఆత్మీయతలల్లుకుంటే 

అనురాగం పెల్లుబుకితే 

మానవత మరలిరాదా 

మనుషులంతా కలిసిపోరా  .... // జీవ // 

నగునూరి రాజన్న