మే డే
01-05-2020
శీర్షిక: అసలయిన పండగ
సంఖ్య: 408
యుగాలు మారినా మారని మనిషి
స్వార్థాలతో పక్కవాణ్ణి తొక్కడమే
పదుల్లో పాలకులు దళారులు
పడేది శ్రమంతా తొంబైలది ....
శ్రమించినోడికే అగచాట్లు
ఆకలి కేకల అన్నార్తులు
అందుకే అన్నారేమో విజ్ఞులు
సాధించిన దానికి సంతృప్తి చెందకని....
అగచాట్ల వేలజనం
ఆనాడు చికాగోలో సాధిస్తే
రూపం మార్చుకున్న స్వార్థం
కార్పొరేటయి కన్నెర్రజేస్తుంది
మళ్ళీ మొదటికొచ్చిన
మన సాఫ్ట్ వెర్ రంగం...
నిరంతరం పోరుబాటేనాయె...
దళారుల్లేని కర్షకలోకం
ధనవంతుల పాలుగాని కార్మికలోకం
కావాలి ఆత్మహత్యలు లేని దినం
న్యూసులు వ్యాసాలు అచ్చుగాని రోజు
అసలు సిసలైన మే రోజు....
నగునూరి రాజన్న
హైదరాబాదు.
