దివ్యాంగులు

నగునూరి రాజన్న 

అంశం : దివ్యాంగులు 

తేదీ : 19 - 12 - 2018 

శీర్షిక : నిజ మార్గదర్శకులు 

సంఖ్య: 108  

సర్కారులో సేవకుడైతే గొప్పేంటి

సాధారణ పౌరుడైతే ఒప్పేంటి

సర్వాంగాల సహకారమున్నా

సహృదయత లేదంటే

సంఘములో అనామకులే... 

సర్వాంగసుందరుడైతే మాత్రమేంటి

సర్వోన్నత సుర సములైతే మాత్రం...

కన్న తల్లిదండ్రులను

కడదాక కాచనివాడు 

చెల్లని కాసు సముడే..

తోటి మనిషిని 

చల్లగచూడలేని 

కళ్లుండి లాభమేంటి .....

సాటి ఆడపిల్ల 

సౌశీల్యతను లెక్క చేయని 

గుణముంటే గొప్పేంటి........

కాలు చెయ్యి  లేకున్నా 

కత్తిలాంటి పదనున్నది.... 

ఆటా పాటల్లో ..........

కన్ను ముక్కు బాగోకపోయిన 

కమ్మని మనసున్నది....

సర్వాంగులకన్నా............

అందుకే దివ్యాంగులే మిన్న

సర్వాంగులకన్నా........... 

నిజమార్గదర్శకులు

ఈ జగాన.................. 

నగునూరి రాజన్న. 

బినామీలు

నగునూరి రాజన్న
అంశం: బినామీలు
తేదీ 18 -12 -2018
శీర్షిక : అడ్డగోలు సంపాదనలు
సంఖ్య: 107

మాటలలో చాక చక్యం
మంత్ర ముగ్దుల్ని చేయగలిగే నైపుణ్యం
మతులు పోగొట్టే మాయల మరాఠీ తత్వం
మేక వన్నె పులి జాడలు ......

మానవత్వపు ఛాయలు కానరావు
మాలిన్యాల మతలబుల చిట్టా
మకుటం లేని మహారాజుల నీడలు
మనసు విష బీజాపు ఛాయలు....

ప్రజలకే తనువు అంకితమంటూ.....
ప్రజల సొమ్ముకు సేవకులమంటూ...
పాప పంకిలాల ఆలోచలు చేస్తూ....
పన్ను ప్రాధికారులకు టోపీలు వేస్తూ...

ఒంటికాలు కొంగజపాలు .....
జంట కరముల సంపాదనలు...
మింటినంటే ద్రవ్య రాసులు .....
చుట్టమయ్యే చట్టాల జాడలు  ....

అడ్డగోలు సంపాదనలు
అనతి కాలంలో అందలాలు
అచ్చెరువొందే ఆస్తుల వివరాలు
అంతు చిక్కని అడ్రసుల చిక్కుముడులు ....
ఆనవాయితీగ బినామీల నీడలు.....

నగునూరి రాజన్న

నిర్ణయం

నగునూరి రాజన్న
అంశము: నిర్ణయం
తేది : 07-12-2018
శీర్షిక :  నిర్ణయాలు
సంఖ్య : 106

అమ్మా నాన్నల ఆలంబనలో
అడుగడుగున ఆప్యాయతలు నిండ
ఆరంభపు బతుకు గమనంలో
బడిబాటన ఆచితూచిన
బాల్య నిర్ణయాలు సైతం
బతుకు గమ్యాన్ని శాసించు.....

నిరంతర పోరు బాటలో
నిరుపమాన వేగం పెరగ
నిలకడలేని నిజస్థితులలో
నిర్ణయాల సమయం తగ్గి
నిత్య అతలాకుతలాలు......

కలి కాలాన నిత్య కృత్యపు
కౌమార్యపు నీలి నీడల
కాల ఘటనల నిర్ణయాలు
కకావికలమౌతున్న కథానికలెన్నో
కదిలిస్తున్నవి గుండె చెరువై.....

స్వార్థ చింతనలే సత్సంగమయి
ప్రలోభాల వాసనల ప్రభావితాలయి
పరితపనల ఆపేక్షల నిర్ణయాలు
ప్రజా జీవితాన ప్రతిక్షణం
ప్రతిబంధక కంటకాలే.........

పరిణతి నిండిన
ప్రశాంత నిర్ణయాలు
ప్రజాబాహుల్యమై ఫరిడవిల్లు
పదికాలాలు ప్రజ్వరిల్లు.......
అపర చాణుక్యుడైన
ఆర్థిక నిపుణుడు మన పి వి గారి వలె.....

నగునూరి రాజన్న

ప్రలోభాలు

నగునూరి రాజన్న
అంశం: ప్రలోభాలు
తేదీ : 06 -12 -2018
శీర్షిక: పారా హుషార్ పౌర మిత్రమా....
సంఖ్య : 105

అమ్మ తప్ప అన్నీ దొరికే అంగట్లో
ఆశల పల్లకీలో ఊరేగే జీవికి
అదీ ఇదీ అనే తేడా లేకుండా
అరచేతిలో వైకుంఠం చూపిస్తారు.

పరమోత్తమం మానవ జన్మని
పురాణాలు ప్రస్తుతించినా.......
పరిపాలనంత మానవ సేవని
ప్రజా రాజ్యాంగం ప్రమాణించినా .....
రాజకీయమంతా వాణిజ్య సమమని
మకిలిపడ్డ మానవ జన్మల సాక్షి
పరమ చెత్తాయె కలికాలాన......

ఫలితమాశించి
పక్కవాణ్ణి మోసగించి
పనులు చక్కబెట్టుకునే
ప్రబుద్ధతే పచ్చి ధర్మమైంది మిత్రమా .....

అలవికాని పనులన్నీ
అవలీలగా చేసేస్తామంటూ
ఆకాశానికెత్తుకుని అమాంతంగా
బోల్తా కొట్టించడమే ఆచారమైంది సోదరా....

ప్రజా క్షేత్ర ప్రత్యక్ష వాగ్దాటి పోటీ
పరిధి ముగిసి ....
పరోక్ష ప్రలోభాల ప్రభకు తెర లేచింది.
కుల మత ప్రాంత  భాషా వర్గ కుత్చితాలకు....

పారా హుషార్ పౌర మిత్రమా ....

నగునూరి రాజన్న
 

ప్రచార పర్వం

అంశం : ప్రచార పర్వం 
తేదీ : 05 - 12 - 2018 
శీర్షిక : కీచక పర్వానికి పూర్వం 
సంఖ్య: 94 

పచ్చి పులుసుకైనా 
పట్టు వస్త్రాలకైనా, పసిడి నగలకైనా
పబ్లిసిటీ ఉంటేనే......

ఊపు రావాలంటే 
ఊదరగొట్టే ఊక  దంపుడు 
ఊసులెన్నో చెప్పాల్సిందే.......

తాత్కాలిక భృతులు మనకిస్తామంటూ
శాశ్వత సప్తవర్ణాల అధికార ఆస్తి పోగులకు  గాలం....
ఐదు పది రోజులు అయ్యా అప్పా అంటూ 
ఐదేండ్ల అంబారీ సేవలకు సమాయత్తం .... 

మన పన్నులు మనకే ఇస్తూ 
మస్తు పైసలు ఖర్చు చేస్తున్నామంటూ 
మంది మార్బలాన్ని మడతబెట్టుకుని 
అరుగులన్నీ  ఎక్కి దిగుతూ 
పొర్లు  దండాలు పెట్టుకుంటూ 
నక్క వినయాలు సక్కంగా పాటిస్తూ 
కీచక పర్వానికి పూర్వపు ఘట్టమే 
ప్రచార పర్వం మిత్రమా ......... 

సంఘమై నిలిచి  - 
సంక్షేమం చూస్తారనుకుంటే 
తోటి వారనే సానుభూతి లేకుండా 
తోడేళ్ళ  వలె పీక్క తింటున్నారు 
తొక్కి నార తీస్తున్నరు
అమాయకులను ఆగం చేస్తున్నారు .......

నగునూరి రాజన్న

ప్రాతః స్మరణీయులు

నగునూరి రాజన్న
అంశం : ప్రాతః స్మరణీయులు
తేదీ : 04 - 12 - 2018
శీర్షిక : పూజ్యులు
సంఖ్య : 103 

ఉత్తమ జన్మకు ఉభయులు మూలం
తప్పక మనము తలుచుట భావ్యం
మాతృ దేవోభవ... పితృ దేవోభవ..

సన్మార్గమునకు జ్ఞాన వివేచనం
ఎందరెందరో మార్గ నిర్దేశకులు
వారందరికి వందనాలు... గురు దేవోభవ.

శరీర పోషణకు సవాలక్ష అవసరాలు
కోట్ల జనాభాకు కొసరి అందిస్తున్న
జైకిసానుకు జన్మంతా వందనాలు.

శుభ్రంగా తిని నిబ్బరంగా నిద్రించ
దేశ ప్రజలందరికి నిశ్చింత....
జైజవానుకు నిండ నూరేళ్ళు.

బానిస సంకెళ్ళ బందిఖానాకు
బంధవిముక్త యోధులెందరో
బతుకంతా వినమ్రత ప్రకటిస్తా...

జీవన గమనపు రహదారంతా
ఫలితం పొందిన ప్రతి క్షణం
సుఖమయమయ్యే సుందరం...
కారణజన్ములంతా పూజ్యులు ప్రాత:స్మరణీయులే...

నగునూరి రాజన్న

ఆరోగ్య సమాజం

నగునూరి రాజన్న
అంశం : ఆరోగ్య సమాజం
తేదీ 03 -12 -2018
శీర్షిక : స్వచ్చ అధికార రాజకీయం
సంఖ్య: 102

అంతులేని జనాభాల మత లెక్కలు
అతలాకుతలం అవుతున్న ఖజానాలు
బాల్య పౌష్టికాహార నిధులకై
ప్రకటనా దేవురింపుల బాధలు

గడియారం ముల్లులతో పోటీ
గమ్మత్తుగ కనుమరుగవుతున్న జీవిత బ్యూటీ
గజిబిజి పాలవుతున్న సావాసపు తోటి
గల్లంతవుతున్న ప్రేమలు సాటి

స్వార్థచింతనలకు సరంగులౌతున్న వైద్యులు
ఉచ్చనీచములు మరుస్తున్న ఫార్మసీలు
పెచ్చుమీరుతున్న లాభాల లాబులు
వెరసి సగటు మనిషి ఈ జలగలు పాలు. 

సచివుల సన్నాయిల నొక్కులు
స్వార్థ రాజకీయ కుట్రలు కుతంత్రాలు
అధికారుల నిర్లక్ష్యపు నీలి నీడలు
అలవి కాని అవినీతి సామ్రాజ్యాలు. 

కంపరమెత్తే కల్తీల నివారణలకై
తామరతంపరులుగా వెలసే సంస్థలపై
ఉత్తుత్తి మాటలు కట్టిపెట్టి ఉక్కుపాదం మోప
సత్వరమే స్పందించగల స్వచ్చమైన
అధికార రాజకీయుల ఆవశ్యం ఎంతో ఉంది.

నగునూరి రాజన్న.

సబ్సిడీలు

నగునూరి రాజన్న
అంశం : సబ్సిడీలు
01 -12- 2018
శీర్షిక :  తాత్కాలిక ఆసరా .......
సంఖ్య : 101

రాజుల రోజులు పోయి రాజ్యాలు మారినా....
రోజు కూలోళ్ళ బతుకుల్లో రోషిణీలు  రాలేదు.
ప్రజాస్వామ్యం పేరుతో పాలనలు ప్రవేశపెట్టినా.....
ప్రజల బతుకుల్లో ఫలితాల జాడ కానరాదు. 

దుడ్డు ఉన్నోడిదే దున్నపోతన్నట్టు
డబ్బున్నోడిదే అధికారమౌతున్నది.
దెబ్బదేండ్ల పాలన దెప్పి పొడిచినట్టు
సబ్సిడీల మంత్రమేసి సద్దుమణిగిస్తున్నరు.

చదివి జ్ఞానవంతులయితే....
తన్ని లెక్క పక్కాగా చూస్తరని...
తాగి తాగి జనాలనూగించి.....
తన్ని తన్ని పన్నులేస్తున్నరు.

సొంతంగా కాళ్ళ మీద
సోయి కలిగి నిలబడకుండా
సాగిలబడి మొక్కడానికి
సదా పానమున్నోడు కావాలని....

ఓట్లప్పుడు కాకి లెక్కలకు
ఓటున్న ప్రాణి కావాలని ....
చావకుండా లేవకుండా
ఓ చవట సన్నాసి కావాలని....

మన డబ్బులు మనకిస్తూనే
తమ డబ్బులు పంచినట్టు
స్వకుచ మర్దనానందపు
సంకుచిత జబ్బ చరుపులు....

తాత్కాలికంగా ఆసరా ఇచ్చి
శాశ్వతంగా తలెత్తుకు నిలిచే
పదులు ప్రజలకిచ్చి రాబందులు కోట్లు మింగని
అసలు సిసలైన సబ్సిడీలు కావాలి....

నగునూరి రాజన్న

ఆరోగ్య సమాజం

నగునూరి రాజన్న
అంశం : ఆరోగ్య సమాజం
తేదీ 03 -12 -2018
శీర్షిక : స్వచ్చ అధికార రాజకీయం
సంఖ్య: 102

అంతులేని జనాభాల మత లెక్కలు
అతలాకుతలం అవుతున్న ఖజానాలు
బాల్య పౌష్టికాహార నిధులకై
ప్రకటనా దేవురింపుల బాధలు

గడియారం ముల్లులతో పోటీ
గమ్మత్తుగ కనుమరుగవుతున్న జీవిత బ్యూటీ
గజిబిజి పాలవుతున్న సావాసపు తోటి
గల్లంతవుతున్న ప్రేమలు సాటి

స్వార్థచింతనలకు సరంగులౌతున్న వైద్యులు
ఉచ్చనీచములు మరుస్తున్న ఫార్మసీలు
పెచ్చుమీరుతున్న లాభాల లాబులు
వెరసి సగటు మనిషి ఈ జలగలు పాలు. 

సచివుల సన్నాయిల నొక్కులు
స్వార్థ రాజకీయ కుట్రలు కుతంత్రాలు
అధికారుల నిర్లక్ష్యపు నీలి నీడలు
అలవి కాని అవినీతి సామ్రాజ్యాలు. 

కంపరమెత్తే కల్తీల నివారణలకై
తామరతంపరులుగా వెలసే సంస్థలపై
ఉత్తుత్తి మాటలు కట్టిపెట్టి ఉక్కుపాదం మోప
సత్వరమే స్పందించగల స్వచ్చమైన
అధికార రాజకీయుల ఆవశ్యం ఎంతో ఉంది.

నగునూరి రాజన్న.

శాంతిగీతం

నగునూరి రాజన్న 

అంశం: శాంతిగీతం 

తేదీ : 26 -11 -2018 

శీర్షిక : సహజ మార్గం

సంఖ్య : 100 

ఒకేతల్లి ఉదర సోదరులు

ఊకదంపుడు విషయాలకై

ఉనికి పోరాటాల ఉలిక్కిలో 

శాంతిగీతమే కదా శ్రీరామరక్ష ! 

పచ్చగడ్డి భగ్గుమనే 

ప్రచ్ఛన్న పరిస్థితుల్లో 

ప్రభావాల పరిత్యజానికి  

శాంతిగీతమే కదా సంధి మార్గం! 

వత్సరాల పర్యంతం వడివడినా

వడి అడుగుల కలబడినా 

చివరకు నిలిచి గెలిచేది 

సమున్నత సౌధం శాంతిగీతమే! 

ఇరుగైనా కోరు లాభం 

పోరుగైనా పొందు క్షేమం

ఇరుగుపొరుగు ఇల్లు, దేశం ఏదైనా 

శాంతిగీతమే కదా సహజ మార్గం !

నగునూరి రాజన్న

పౌర్ణమి

నగునూరి రాజన్న
అంశం : పౌర్ణమి
తేదీ : 23 -11 -2018
శీర్షిక :చీకటి వెలుగుల సమ్మిళితం
సంఖ్య : 98  (99)

చీకటి వెలుగుల సమ్మిళితం
విశ్వ భూ భ్రమణాల పరిణామం
పండు వెన్నెల్లు పంచు కాలం
ప్రకృతిసిద్ద పరమానందాల నిలయం

కాల గణన చక్రంలో
కనుల పండుగై హాయి గొలుపు
పౌర్ణములన్నీ  ప్రశంసమే అయినా
సంధికాలపు సంక్రమణాలు సర్వశ్రేష్ఠం.
(చైత్ర,ఆషాడ,కార్తీక మరియు మాఘ )

సంప్రాప్తించిన సగటు నిశిలో సైతం
సగవెలుగులు సన్నుతిగా పంచి
సద్భావన సమ్మోహనాలకు నాందియైనది
సంద్రమంత వెలుగులు విరజిమ్ముతూ.....

మానవ అజ్ఞానం మసకబారిన అమావాస్యయితే
మస్తిష్క చైతన్య దీపికే మచ్చలేని పౌర్ణమి
కష్టాలను ఈదే కడగండ్లు నిశి చీకట్లౌతే
సుఖసంపదల సమాహారమే పౌర్ణమి...

నగునూరి రాజన్న

అద్దె ఒడి.. 2

అద్దె ఒడి....... భావి జీవితాన చీకటికోణం

మత్తు మందుల కలల క్రీనీడలలో 

గమ్మత్తు ఉందనే గజి బిజి ఆలోచనలతో 

సోంబేరి యువత పెడదారిన పడుతూ, దేశ 

భావి పునాదులకు బీటలు వేస్తున్నారు 

ఆరి తేరిన కర్కశ  చోర కలలతో 

అమ్మా నాన్నల ఆలనలో ఉండాల్సిన 

అభం శుభం తెలియని పసి కూనలను 

అలవోకగా ఎత్తుకెళ్ళి అమానవీయతకు పాల్పడుచున్నారు 

అద్దెకిచ్చిన అమ్మ ఒడిలో 

మత్తు మందులతో జోల పుచ్చుతూ

ఆ బాల్యాన్ని బందీమయం చేస్తూ   

మానవతను మంట కలిపి జోలె చాపుతున్నారు 

అడ్రస్ లేని ఆలసీ  సోంబేరులు 

అగణిత సంచార క్రూర నర జాతులు 

అక్కున చేర్చుకుంటున్నారని అంచనా

అనులోమాను పాతమై అభివృద్ధి చెందుచున్నది 

అద్దె ఒడిలో అమూల్యమైన బాల్యం 

రంగులు మార్చే రాజకీయాలు  కాకుండా 

లంచాలకు చిరునామాగా మారే  గణాలు  కాకుండా 

సదన సౌకర్యాలు  సమృద్ధిగా  సమకూర్చుకుంటూ 

సంకర మానవ రాక్షసులకు అడ్డుకట్ట వేస్తేనే   

స్వర్ణ భారతిని సాదరముగా అందించవచ్చు  

భావి భారత పౌరుల బంగారు భవిష్యత్ ను

చిందర వందర చేస్తూ

స్వార్థానికి చిరునామా గావిస్తున్న

చీకటి కోణాన్ని కూకటి వేళ్ళతో కబళించాల్సిందే......


నగునూరి రాజన్న 

అపోహలు

నగునూరి రాజన్న 

అంశం : అపోహలు 

తేదీ : 16 -11 -2018 

శీర్షిక : అశనిపాతపు ఆనవాళ్లు 

అనురాగాలు పెనవేసుకున్న 

అందమైన ప్రపంచాలలో 

అల్లుకునే అబద్దాల నీడన 

అల్లారు ముద్దుగా పెరిగే 

అదను చూసి కాటేసే చీడ .....

మమతల మాధుర్యాలు పంచే

మానసిక హృదయాంతరాలలో 

మధురమైన తేనె కుండలో

మట్టిపాలు చేయ బూనిన నీటి చుక్క...

అరమరికలు లేని 

ఆప్యాయతలు  పంచు 

అనురాగాల అమృత బాండములో

అగాధాలు సృష్టించే చీకటి పొడ....

 

ఆదమరిచి అడుగేస్తే 

అశనిపాతపు ఆనవాళ్ళై విస్తరిస్తుంది 

అంతులేని విషాదాలు నింపుతుంది

తస్మాత్...జాగ్రత్త ....

పారా హుషార్ .....

నగునూరి రాజన్న 

ఇరుగు పొరుగు

నగునూరి రాజన్న 

నేటి కవిత అంశం : ఇరుగు పొరుగు 

తేదీ : 15-11-2018

శీర్షిక : నిద్రలో మెలకువ 

సంఖ్య : 97 

ఇల్లు, చేను, దేశం ఏదైనా 

ఇరుగు పొరుగుతో మనం 

ఇష్టంగా కలిసి ఉంటే 

కష్టాల ఊసులు ఉండవు. 

ఇచ్చిపుచ్చుకుంటూంటేనే  

ఇనుమడించు నైతిక బలం 

వచ్చి పోతూంటేనే 

బలపడేను  బంధం. 

కాని కొన్నిసార్లు లెక్క తప్పుతుంది ...... 

శతాబ్దాల చరిత చూడు 

శరణాగతి పాలయ్యాం . 

అన్ని రకాల పాలకులతో 

అలుపు చెంది ఉన్నాం . 

కయ్యానికి ఎప్పుడు కాలు దువ్వలేదు 

కళ్ళలో కరుణ -కడుపులో కత్తులు 

కపట ప్రేమ చూపిస్తూ  కక్షగట్టి 

కంటి మీద కునుకు లేకుండా చేస్తున్నరు 

ఇరుగు పొరుగు అని గౌరవిస్తుంటే 

ఇల్లు పీకి పందిరేద్దామంటున్నరు 

మంచి తనమని వల్లె వేస్తే 

ముంచుదామని చూస్తున్నరు.  

నిద్రలో కూడా మెలకువ పాటించాలి .. 

నగునూరి రాజన్న 

బాల సాహిత్య్రం 2

బాల సాహిత్య్రం 2 

మురిపమైన బాలలం

ముద్దబంతి పూవులం

ముద్దు ముద్దు గుమ్మలం

ముదము పంచు పిల్లలం 

పచ్చనైన మొక్కలం

ప్రకృతి రమణీయతం

జీవ జలల ధారలం

జగతి ప్రాణ వాయువులం

వికసించే పువ్వులం

విరబూసే నవ్వులం

విహరించే గువ్వలం

విశ్వానికి విజేతలం

బంతిపూల మాలలం

బంగారు రువ్వులం

బోసి నవ్వుల ఆస్తులం

బోలా శంకరు వారసులం

అందమైన తారలం

అమ్మా నాన్న ఆశలం

తాతవ్వల తోడులం

తరువు పంచు నీడలం

సరస్వతీ పుత్రులం

శ్రమించే వీరులం

విజ్ఞానపు రాశులం

శాసించే ధీరులం

అరుదైన పూదోటలం

ఆనందాల రాజులం

ఆపదలో ఆప్తులం

అమాయక అడ్రసులం

భరతమాత పుత్రులం

భారతమ్మ ఆస్తులం   

భవితవ్యపు శ్వాసలం

భావి భారతీయులం

దేశానికి ఎల్లలం

విశ్వంలో విజేతలం

జాతికి జవసత్వాలం

విశ్వ శాంతి కపోతాలం.

నగునూరి రాజన్న

బాల సాహిత్యం

నగునూరి రాజన్న 

నేటి కవితాంశం : బాల సాహిత్యం 

తేదీ 14-11-2018

శీర్షిక : మార్గ దర్శనము. 

సంఖ్య : 96

ముద్దులొలికే బాలలకు 

ముద్దబంతి పూవులకు 

ముదము పంచు పిల్లలకు 

ముందు తరం ప్రతినిధులకు 

బాల్యమనే బంజరు భూమిన

బాల సాహిత్య విత్తనాలతో 

బహు చక్కగా సేద్యం గావించ 

బహుళార్ధక ప్రాయోజితమే సుమా !

విద్యపైన మక్కువేర్పరచ 

విజ్ఞానంపై జిజ్ఞాస పెంచ 

మంచి చెడుల పొడ తరిచి 

మార్గమేర్పరచ విడమరిచి....  

జీవితాన కాచి వడబోసిన 

దేశ భక్తుల ఘన చరిత్ర 

గొప్ప గొప్ప నీతి సూత్రాల వల్లెవేత 

భావి భారత పౌరులుగ తీర్చు 

కీర్తి గడించిన దేశ భక్తుల గాథలు 

స్ఫూర్తి పొందు వీర చరితలతో 

జాతికి జవసత్వాలు నింపిన 

నీతిగా భావి తరం వర్ధిల్లు ... 

నగునూరి రాజన్న