పట్టణ జీవితం

అంశం : పట్టణ జీవితం
తేదీ : 06 -10 -2018
శీర్షిక: సిసలైన సిటీ లైఫ్
సంఖ్య: 72

పట్టణ ప్రజా జీవితాలన్నీ
పటాటోపమయమే మిత్రమా!
కాలంకంటే  వేగమయిన పరుగులతో
కరుగిపోతున్నాయి మానవ సంబంధాలు!
కలిమాయ కబంధ హస్తాల్లో చిక్కుకుని వేలాడుతున్నాయి సుమా....

ప్రమాదపుటంచున ప్రధూషణాలతో....
పక్కా కాలుష్య కల్తీల కీకారణ్యంలో.....
ప్రమాదకూటముల పయన మార్గములతో....
ప్రాణం నిలుపుకుంటున్నారు గత్యంతరంలేక
పచ్చని చెట్ల కరువు కాటకాలతో....
ప్రాణవాయువు సైతం పరహాసించే కాంక్రీట్ జంగల్లలో.......

పక్కింట్లో ఏమయినా పట్టించుకోరు!
పలుకరింపులకు సమయం దొరకదు!
ప్రతిరోజు పదుల జనాలతో తారసపడినా....
పచ్చి మోసాలతో ప్రతిరోజూ కత్తిమీద సామే.
పది తర్వాత ఏరాత్రికో గాని గూటికి చేరరు.

ఎవరూ ఎవరిని పట్టించుకోకపోయినా.....
ఎవరో వాళ్ళను తరుముతున్నట్టు!
ఎవరి కొరకో వీళ్ళంతా పరుగెడుతున్నట్టు!
ఎందుకో తొందర చిందర వందర....
ఎందుకూ కొరగాని బతుకులు.

వచ్చేపోయె వాళ్ళతో మాటముచ్చటకు జాగ!
వండుక తినటానికో వసారా!
ప్రకృతి కార్యాలకు పరస్తుపరం...
మరబతుకుల మలి సేదలకో గది!
ఎవరైనా బంధువొస్తే ఎదురుసూపులే ఎప్పుడు పోతాడాని?

సందు బొందుల్లల్ల సరైన సౌకర్యాలు లేక
సంధ్య, రాత్రులందు సరుకు దోపిడీలకై
సడేమియాల్లాంటి సన్నాసి టక్కరోల్లుండ....
సర్కారోళ్ళు గూడ సదరబట్టిరి....
పండగల పబ్బాల ప్రయాణ చార్జీల మీద!

నగునూరి రాజన్న 

స్మార్ట్ ఫోన్ లేని రోజు

అంశం :స్మార్ట్ ఫోన్ లేని రోజు 

శీర్షిక : సాంకేతిక విప్లవం 

తేదీ : 08-10-2018

సంఖ్య : 73

మంచి చెడుల మేళవింపుల 

సమాచార చేరవేతకు 

మధురమయే కమ్మని 

నోటిమాట మతలబులు ఒకనాడు.... 

మార్పు సహజమంటూ 

జాబులు, గ్రాములు 

అలరించి అల్లరిచేసి 

అదృశ్యమాయె ఈనాడు..... 

తపాలా శాఖ ఉనికికే 

తగుదునమ్మా అంటూ 

తయారయ్యింది 

ముహూర్తం ....... 

సాంకేతిక విప్లవంతో 

ఉత్తరాన్ని హుష్ కాకిని జేసి....  

గణన యంత్రాన్ని గల్లంతు జేసి...... 

ఛాయా చిత్రాల జాడ నాతోనే....  

గ్రీటింగును నేనే..... 

మీటింగును నేనేనంటూ ....      

వెలుగు దీపము నేనే.... 

సమయసూచిని  నేనేనంటూ ... 

సరికొత్తంగ సంస్కరించుకుని 

స్మార్ట్ ఫోనై అవతరించింది..... 

జబర్దస్తీగా దూరిపోయింది

సకల జనుల జేబుల్లో ఈనాడు...... 

చేసేది లేక చేతిలో ఇముడ్చుకుని 

చల్ మోహన రంగా ....  

అంటూ కాలంతో కల్సి 

కదం కలపడమే కాని .... 

కాదని కూర్చుంటే 

కాలం చెల్లి 

చరిత్రలో కలువడమే సుమా.... 

చుట్టం చూపు

అంశం : చుట్టం చూపు 

తేదీ : 05-10-2018

శీర్షిక :  అంటి ముట్టనట్టు 

సంఖ్య : 71

అరయ బాల్యమందు 

అమ్మ నాన్నలు గాదె  

ఆత్మీయతలు పంచి 

అరడజను మంది పిల్లలైనను 

అక్కున చేర్చుకుని 

అరికాలుకు మట్టి అంటనీయక 

అలవోకగా పెంచి పెద్ద జేయ. 

ఆనక ఆ పిల్లలే 

పెరిగి పెద్దయ్యి 

పిల్ల పాప కలిగాక

ముందు చూపే గాని,

అయ్యవ్వలప్పుడు  

చుట్టపు చూపోలె 

ఇచ్చపు ముచట్లకైన 

నొచోకోక 

నొచ్చుకొనుటె గాని 

మెచ్చుకోలు లేని 

జీవితమై నిలిచె....

అంటిముట్టనట్టుండు 

అంతమంది గూడ.....   

కలి ధర్మమెందుకో 

కరుణ జూపదే !

రక్త మాంసాలను  

రంగరించి పంచుకున్నా  

అన్నదమ్ముల మధ్య
ఆడపిల్లగ  పుట్టినందుకు

చుట్టపు చూపొలె 

వచ్చి పోవు పుట్టింటికి.

మట్టెల సవ్వడి

అంశం: మట్టెల సవ్వడి

౦౩-10 -2018 

శీర్షిక : ఘల్లు ఘల్లున

సంఖ్య: 70 

సౌభాగ్యాల సూచనలు 

మహిళామణుల ధారణలు 

మాంగల్యముతో బాటుగా

మహిలో ధరింతురు వివాహాన

కులమతాల కతీతంగా మన దేశాన.  

సత్సాంప్రదాయాలకు ప్రతీక 

నాడీ వ్యవస్థ నడవడికై 

రక్షణ సూత్రంగా వర్ధిల్లే 

శాస్త్రీయతకు సైతం సంకేతంగా

గర్భధారణ  గండం గడువ  

లోహవాహకమై నర్తించ 

మహికి  మహిళకు  అనుసంధానంగా 

ఆరోగ్యాల అధిదేవతగా 

ఆచరింతురు పడతులకు

అక్కడక్కడా అనేకరీతుల విశ్వాన. 

వెండి ఉంగరాలు ఆచారంగా 

వనితలు పెళ్లిన ధరింతురు

మెట్టినింట అడుగిడు శోభగ

మెట్టెల సవ్వడి ఘల్లు ఘల్లన.  

నగునూరి రాజన్న

మట్టి పరిమళం

అంశం : మట్టి పరిమళం
శీర్షిక : మట్టి పరిమళం
తేదీ : 01-10-2018
సంఖ్య : 69


పంచ భూతముల ప్రతి రూపమే కదా !
పావనమై నిలిచిన మానవ జన్మ.

పంచభూతముల వితరణలే  కదా !
ప్రాణ పోషణకు  అనుక్షణం. 

సహజసిద్ధమైన సద్గుణమే కదా !
పవిత్ర ప్రేమకు తార్కాణం.

ఎండిన భూమికి మొదటి చినుకు
ఎదలు నింపును మట్టి పరిమళాలతో

రైతు సాగును ఏరువాకకు!
రమ్యమైన ప్రకృతి రంజింప. 

మట్టి పరిమళాల పెట్టుబడే కదా !
తనువు పోషణకు భూషణాలు.

తదాత్మ్యం పొందని మానవుడున్నాడా ?
పుట్టి పెరిగిన భూమిని ప్రేమిస్తూ.

తరచి చూస్తే  చరితలన్నీ
తప్పక దొరుకును ఆధారాలెన్నో.

నగునూరి రాజన్న
కరీంనగర్ (HYD)

యుగ పురుషుని పుట్టిన రోజు- 02 -10 -2018

అంశం : పుట్టిన రోజు
02 -10 -2018
యుగ పురుషుని పుట్టిన రోజు
కవిత సంఖ్య : 70

అమ్మ అలతేరిన రోజు
నాన్న సంబరపడిన రోజు
వంశానికి వారధి అయిన రోజు
జనాభాకు ఒకటి చేరిన రోజు

అదే ప్రతివారికి పుట్టిన రోజు
ప్రతి పుట్టిన రోజు ప్రశస్తమే అందరికి.
అయినా చరిత్ర పుటల్లో నిలిచేది ఎందరికి ?
అవకాశం అంది పుచ్చుకున్న వారికే.

పరాయి పాలనలకు చరమగీతం పాడి
జాతి దాస్య  శృంఖలాలను దునుమాడి
కఠిన కారు చీకట్లను పారద్రోలి
వెలుగు రేఖలు నింపిన నాయకుడు పుట్టినరోజు

ఆసేతు హిమాచలాన్ని ఒక్క తాటిపై నిలిపి
అహింస ఆయుధంగా ఒక్క మాటగా మలిచి
ఆంగ్లేయుల పీచమనిచి పారద్రోలే
అతనిది కదా అసలైన  పండగ రోజు

జాతి మెత్తం గర్వించతగిన రోజు
జగతి హారతి పడుతున్న రోజు
పాఠ్యముషాలుగా మలుచుకున్న రోజు
మానవ విలువలు ఇనుమడించిన రోజు
అనంతమైన ఆత్మబలంతో యుగ పురుషుడైనాడు
అదే అదే మన జాతి పిత పుట్టిన రోజు

నగునూరి  రాజన్న

ప్రేమలు-కక్షలు

అంశం : ప్రేమలు-కక్షలు 

తేదీ : 29-09-2018

శీర్షిక : కక్షలు లేని ప్రేమ 

సంఖ్య : 68

ప్రేమలు కక్షలు పరస్పర విరోధులు. 

 

ప్రేమ దైవత్వం,మానవత్వం 

విశాల భావాలుంటాయి.  

ఎప్పుడూ త్యాగాన్ని కోరుకుంటుంది. 

ప్రేమ ప్రేమనే పొందుతుంది. 

అవును ! మితవాదపు ప్రేమ.... . 

అమ్మగా అమృతాన్ని పంచుతుంది. 

నాన్నగ లాలిత్యాన్ని నింపుతుంది. 

గురువుగ మార్గదర్శకమౌతుంది. 

పెన్నిధిగ జీవనాన తోడుంటుంది. 

ఇరుగు పొరుగై కాపలా కాస్తుంది. 

అవసరమనుకున్నప్పుడు అనితర త్యాగం చేస్తుంది. 

అతి వాద ప్రేమైతేనే అనర్థాలు.....  . 

తిరస్కరిస్తే కక్ష కడుతుంది. 

కన్ను మిన్ను కానదు. 

కడతేర్చాలన్న కాఠిన్యత.... 

మంచి చెడుల విలువుండదు. 

న్యాయ అన్యాయాల వివేకముండదు. 

ధర్మ అధర్మాల వివక్షఉండదు.

ఆసిడ్ దాడుల అపశ్రుతులు .... 

అంతు చూడాలనుకునే ఆరాటాలు .... 

ప్రేమించడం తప్పు కాదు..... 

గుడ్డిగా ప్రేమించడం తప్పు ..... 

తటపటాయించే అడుగులేస్తే 

తప్పు దిద్దుకోలేని జీవితపు ఆట. 

ఆలోచన శక్తిలో జీవకోటికే సవాలు

విసరగల సత్తా కలిగిన మానవుడు..... 

అన్నింటా అభివృద్ధిని ఆశించే మానవుడు....

అందుకోవాలి అసలు సిసలైన ప్రేమ. 

కక్ష  కక్ష్యను సృశించని ప్రేమ.  

అజరామరం అయ్యే అమర ప్రేమ.  

నగునూరి రాజన్న 

కరీంనగర్.  

విజయాల నిచ్చెన

విజయాల నిచ్చెన 

28-09-18

శీర్షిక : గెలుపు గమ్యం.

సంఖ్య :  67

ఆలోచనాలెన్నయినా  ఉండొచ్చు...  

ఆచరించే పట్టుదల అలవర్చుకో... 

అందుకు తగ్గ ప్రణాళిక ఎంచుకో .... 

అందుకునే వరకు విశ్రమించొద్దు. 

ఆశయం ఏదైనా కావొచ్చు......  

అంకిత భావం అలవర్చుకో....  

అడ్డంకులెన్నయినా ఎదురవ్వచ్చు.... . 

అకుంఠిత దీక్షతో ముందుకు సాగాలి. 

అయినవాళ్లు కూడా అర్థం చేసుకోపోవచ్చు,,,,,,,

అంతమాత్రానికే నిరుత్సాహపడొద్దు. 

అర్దాంతరపు ఆలోచనలతో విరమించొద్దు. 

ఆత్మస్తైర్యంతో  అడుగులేయాల్సిందే.  

గమ్యమేదైనా కావొచ్చు ..... 

గతులెన్నయినా మార్చుకో.... 

గమనమెలా అయినా నిర్ణయించుకో.... 

గమ్యం చేరేవరకు పరిశ్రమించు. 

అందుకు సాక్ష్యం అస్సాం జాన్ మోనీ పయోంగ్ 

హలం పట్టి పొలం దున్నుతూనే పట్టా పుచుకుంది. 

ఖమ్మం తల్లాడ నారాయణపురం జరీనా 

రోజుకూలి నుండి రోజా సమయాన 

నిర్మల్ లో అధ్యాపకురాలిగా ఉద్యోగ బాధ్యత. 

గెలుపు కొరకు చేసే ప్రతి ప్రయత్నం. 

గెలవాలనుకునే ప్రతి వారి ప్రయత్నం. 

గెలుపు పొందని ప్రతి ప్రయత్నం. 

గెలిచే వరకు విశ్రమించని తత్వం. 

గెలుపు గమ్యమే తీరని దాహమైనప్పుడు 

అన్నీ "విజయాల నిచ్చెన"కు  మెట్లే. 

నగునూరి రాజన్న 

కరీంనగర్ 

జీవన తరంగాలు

జీవన తరంగాలు

27-09-2018 

శీర్షిక: అలల తరంగాలు 

సంఖ్య : 66

పట్టు తేనె తాగినట్టు 

పల్లె బతుకున గడిపిన బాల్యం... 

పట్టు తప్పి పరుగెత్తుడే 

పట్టణాన చదువుల రోజులు ..... 

ఆనందాల హరివిల్లులే 

కొంగ్రొత్త జీవితాల మధురిమలు ...... 

సుందర పరిమళ కుసుమాలే 

పిల్లలు కలిగిన ఇల్లులు ..... 

తొక్కుడు బండల బాధ్యతలే 

జీవన చక్రం తిప్పే ఉద్యోగాలు ..... 

మంచి చెడుల  సమాగమమే 

మర్మమెరుగని మనుజుల సోపతి ..... 

సుమధుర మేలిమి ఫలాలే 

అడుగు ముందుకేసి గమ్యాలు చేరే పిల్లలుంటే....... 

ఆరు రుచుల ఉగాది పచ్చడే 

అరిషడ్వర్గాలను  సమన్వయపరుచుకుంటే..... 

ఆదమరిచి పయనించొద్దు 

అలల తరంగాల జీవన తరంగాలను..  

నగునూరి రాజన్న 

కరీంనగర్  

అంతరంగం

అంశం : అంతరంగం
25-09-2018
శీర్షిక : అనంత తరంగాల అంతరంగం
సంఖ్య :65

పాల సముద్రం లాంటి
మానవ మస్తిష్కంలో
అనంత తరంగాల సంగమం
అంతరంగం.

ప్రతిక్షణం పలు తరంగాల
ఉక్కిరి బిక్కిరి.
ప్రసవ వేదనతో ప్రయత్నిస్తూనే
ఉంటాయి.
అర్థవంతమై ఆవిష్కరింపబడాలని...

పురిటిలో పునీతమయ్యేవి ఎన్ని ?
గమనం తీసుకుని గమ్యం చేరేవి ఎన్ని ?
పుడమిపై పుట్టుక సాధించేవి ఎన్ని ?
పుట్టినా పరిపుష్టమై నిలిచేవి ఎన్ని ?

అంతరంగపు ఆలోచనలనలకు
ఆమూలం ఆహార నియమాలే మిత్రమా....
అంతరంగపు ఆలోచనా విధానాలే
ఆరోగ్యపు రహస్యాలు సుమా ...... .

అడుగడుగున కదిలించే ఆలోచనలు
అంతరంగాన్ని అతలాకుతలం చేస్తూ
అనేక రకాల కార్య రూపాలను
ఆవిష్కరింప చేసుకుని అమలుకై
ఆరాట పడుతూనే ఉంటాయి ..

ధన వర్తన ఆలోచనా పరంపరలు
గుణ సంపన్నమై గురుతరతను తట్టి
గుర్తింపు నిస్తాయి.

సాధనతో సాధించవచ్చు సంయమనం...
అనంత తరంగాల అంతరంగ సంద్రాన....