పోలేని దారులు
తేదీ : 01-02-2022
శీర్షిక : కలి పాదము
కవిత సంఖ్య : 209
నిత్య జీవన సమరంలో
నిరీక్షణలేన్నో ... అడ్డదారులు
తొక్కలేక .... అసహాయతలను
అధిగమించలేక ... నిస్సహాయతల
నీడలలో నలిగే వారే ఎక్కువ….
అన్ని దారులు అందరు పోలేరు
ఉత్తరాలు ఊతమిచ్చే ఉన్నతాలు
దక్షిణలు అందించే దండి స్థితిగతులు ....
నీతి నియమాలతో పోటీ చేయలేకపోయినా .....
కొన్నిసార్లు అనుభవాల సారాలను
అమలు చేసుకుంటూ పోతుంటాం ....
కోటిచ్చినా ... కొత్తది ప్రయత్నించం ....
పాము కుడితే ప్రాణం పోతుందనే
విషయంలా ......
కలి పాదములో ధర్మం ఒంటరి
దైనందున... కష్ట నష్టాలెన్ని ఎదురైనా
న్యాయం ... ధర్మం ... నీతి... నిజాయితీ ...
ఓర్పు సహనం పట్టుదలలే .... గమ్యం
చేరుకునే సరైన పనిముట్లు ......
భిన్నత్వంలో ఏకత్వంలా
గమ్యాలన్నీ ఒక్కటే అయినప్పుడు
గమనాలెన్ని మారినా ... వేరువేరు
దారులైనా వెరవ వలసినది ఏమి లేదు ....
నగునూరి రాజన్న
కరినగరము
