శ్రీ సాయి శరణాగతి కీర్తన

సాయి నామం సర్వ మోదం - సాయి ధామం పాపహరణం 

ద్వారకామాయి పుణ్యస్థలిగా -దర్శనమిచ్చి దరిచేర్చావు

ఫకీరుగా పిలిపించుకుని - పామరులను సృశించావు 

బడబాగ్నులను హరియించి- మనోవేదనలను తీర్చావు

పాముకాటు,చెవి పోటు- అంతు చిక్కని అనారోగ్యాలను సైతం 

వాక్కు దృ ఢత్వంతో శాసించి - వ్యాధులన్ని నయం చేసావు

కపటం లేని కర్మలాచరించే -ఆధ్యాత్మికతను అందుకోమని

నిలువెత్తు నిదర్శనాలు చూపి -కనువిప్పులు కలిగించావు

స్వార్థం వీడమని సంకేతించి - సంస్కరించి సద్గురువయ్యావు

సర్వాంతర్యామిగా సంచరించి-సంపదలతో సాదరించావు

సర్వస్య శరణాగతి శ్రేష్టమని - దాసోహమే సర్వోత్క్రుష్టమని 

సంశయాలను పారద్రోలి - సంకల్పముతో నిలిపావు 

సాధ్యమైనంతలో కాదు లేదు అనకుండా-సాటి వారిని ఆదుకొమ్మని 

సహేతుకమైన సాక్ష్యాలిచ్చి - సర్వామోదం పొందావు 

బాధలన్ని  సంక్షయం చేసి - భక్తుల కొరకే బ్రతికావు

భక్తి ఓపికలు సడలకుండా - నడవడిని నియంత్రించు బాబా 

సాయి స్మరణ పునశ్చరనే- సదా సద్గతికి మార్గమని 

అంతర్ముఖులను గావించి- ముక్తి మార్గం చూపావు 

ఎన్ టి పి సి ముప్పదేళ్ళ మహొత్సవం

డెబ్బై ఐదవ సంవత్సరాన   నవంబెరేడవ తేదీన 

ఉద్భవించిన ఎన్ టి పి సి కి  ముప్పదేళ్ళ మహొత్సవం 

మురిపమైన మన ఎన్ టి పి సి ముప్పదేల్లు నిండినవి 

మన ముద్దు ముచ్చట తీర్చుతూ -తాను తల్లిగ ఎదిగినది 

గాడాంధకార తిమిరములో - జ్యోతి కిరణమై నిలిచినది 

జాబిలి వెలుగులు నింపి తాను- జాతి విలువనే పెంచినది

భారతాన ఆనాడు- వెలుగుల సంస్థగ వచ్చింది 

నలు దిశల దేశాన - జాబిలి వెలుగులు నింపింది 

వేల మంది ఉద్యోగులతో - మేఘవాట్ల ఉత్పత్తులతో 

విఫణి వీధిలోమనిరత్నమై-నవ రత్నాలలో ఒకటయ్యింది 

అనేకానేక  మైలు రాళ్ళను - అధిగమిస్తూ వచ్చింది 

అంచెలంచెలుగా ఎదిగినది-జ్యోతి కిరణమై వెలసింది 

ఉత్పత్తిలోన గణనీయం -ఉన్నత శిఖరం మా గమ్యం 

మహా రత్నాలలో తానొకటై- కలికి తురాయిగా మెప్పింది 

స్పష్టమైన దృక్పథంతో - సుసాధ్యమైన లక్ష్యాలతో 

మౌలిక విలువలు పాటిస్తూ - మానవీయతను అనుసరించెను 


పరి శుభ్రతలను పాటిస్తూ - పర్యావరణం పదిలపరుస్తూ 

నవ్య సాంకేతికతకు సమాహారమై-నాణ్యతకేమో పట్టం కట్టెను

పల్లె రైతులకు పచ్చదనంగా - అన్నపూర్ణను అందించింది 
పరిశ్రమలకు పట్టుకొమ్మగా- ప్రగతి బాటను చూపింది 


అవార్డులెన్నో గెలిచింది -రివార్డులెన్నో తెచ్చింది 
రికార్డులన్నీ అధిగమిస్తూ - ఖ్యాతి కీర్తులే నిలిపింది


జాతి కీర్తిని ఇనుమడిస్తూ-జగతిన తానై ఎగసింది 
మాతృమూర్తిగా నిలిచింది-మమతలు తానై పంచింది 

అగ్రదేశం-ఉగ్రవాదం

వలస దేశాల పరిపాలనలతో - విసిగి వేసారిన అమెరికా
సాగించెను పోరాటం - సాధించెను స్వాతంత్ర్యం

అనతి కాలం లోనే వినుతికెక్కి -అవనిలోనే అచ్చెరు వొందే విధంగా

అభివృద్ది సాధించిన అమెరికాకు సైతం - ముసురుకున్నవి ముష్కరుల నీలి నీడలు


కుంజర యూధమ్మున కుత్తుక - దోమ జొచ్చిన విధంబుగా
అమెరికా వారి అధికార దర్పం సైతం- ఆడలేక ఓడినట్టయింది ఒక్క క్షణం


వరల్డ్ ట్రేడ్ సెంటర్లు  - పెంటగాన్ సౌదమ్ములు
పెడరెక్కలు విరచినట్లు - పెర పెర లాడి మిన్నకుండెను


అరాచకాల ఆగడాలకు - కుప్ప కూలెను ఆకాశ హార్మ్యాలు
దట్టమైన ధూళి దుమ్ముతో - దద్దరిల్లెను జన సమూహం


ఉగ్రవాదుల ఊచకోతకు - ఉక్కిరి బిక్కిరి ఆయెను జనావళి
ఆధునిక రాడార్లు సైతం - అచేతనమాయెను ఆ క్షణం




సెప్టెంబర్  .౧౧  వార్తలు చూసిన వెంటనే వ్రాసుకున్న కవిత