అంశం: విరామం
తేది: 01-11-2020
శీర్షిక : విక్రమాదిత్యులు ....
సంఖ్య : 030
వెలుగు తలుపులు మూసుకుని
నిశి బారులు తెరుచుకోగానే
మనిషి మనసు మాత్రం కోరుకునేది
విసుగును దూరం చేసే విరామం...
వెలుగుపూలు పంచుతూ దినకరుడు
వెన్నెల జలతారులను పంచుతూ శశి
వెలుగులీనుతూ నక్షత్ర పందిరి మాత్రం
దివారాత్రాలు దిక్కులు మార్చుకుంటున్న
విరామమెరుగని విక్రమాదిత్యులు ....
మన్ను మిన్నులు ఒకటిచేసి
మంచెనెక్కిన చెలికాడు
ఆరుగాలం శ్రమించి
అన్నపూర్ణనందించే
అరకదున్నే రైతన్నకు మాత్రం
కునుకు పడదు కంటి పైనా
పంట ఇంట చేరేంతవరకు...
కంచె కాడ కాచుకున్న
సమరయోధుడికి సైతం
మంచు..ఎడారుల్లో..కూడా
మడమ తిప్పని కాలరుద్రుడే...
విరామమెరుగని వినయశీలురు ....
నగునూరి రాజన్న
కరినగరము.
