వినాయక చవితి తేది : 07-09-2024 శీర్షిక : గజముఖవదనుని పండగ ....

 వినాయక చవితి 

తేది : 07-09-2024

శీర్షిక : గజముఖవదనుని పండగ .... 

పురాణాల పుణ్యమైనా 

మహోన్నతమైన చరితం ... 

వైవిధ్యమైన రూపమైనా 

సమున్నతమైన కారణం .... 

నలుగు పిండి జననమైనా 

అమ్మ మాట జవదాటడు ... 

ఆనవాలు తెలియకనే 

అసలు యుద్ధం నాన్నతో .... 

సవాలును  స్వీకరించినా 

సమస్య పరిష్కరించె లౌక్యంతో .... 

ఆది దంపతుల ఆశీస్సులతో 

ఆది పూజ్యునిగా వరమందె... 

ఉత్సవమేదైనా సరే 

ఉన్నతంగా ముందు పూజలు ... 

పత్రితో పూజించినా సరే 

భక్తిని గుర్తించడమే .... 

బాధ్రపద శుద్ధ చవితి 

బహుగొప్ప పండగ 

గణపతి బప్పా పుట్టినరోజుగా 

గజముఖవదనుని పండగ .... 

నగునూరి రాజన్న 

విముక్త గీతం తేదీ ; 06-09-24 శీర్షిక : ఎప్పుడు ?

 సమూహ  సంఖ్య : 41 

అంశం : విముక్త గీతం

తేదీ ; 06-09-24

శీర్షిక : ఎప్పుడు ? 

అమ్మకు ప్రతినిధిగా  

ఆత్మీయతలకు మరో రూపం .... . 

చెల్లిగా  అనుబంధమై 

అనురాగానికి నిర్వచనం .... 

ఆలిగా అవతరించి  

త్యాగానికి తరగని చిహ్నం.... 

అణకువలో ఆరితేరి  

ఓర్పుకు తానే దిక్సూచి .... 

ఇంటిల్లిపాదికి అన్నీ తానై 

అందుబాటవుతూ అమిరిపోవు 

తలలో నాల్కవలె ...మన  తప్పులను  

తాను దులుపుకుని తలదించుకునిపోవు  ..... 

ఇల్లే ప్రపంచమనుకుంటున్న 

ఇంతులకు  బాధలు ఎంతని 

తెలుపగలము ... ఎలా మొదలెట్టి 

ఎక్కడ లేవని నిర్వచించగలము ..... 

గృహ సీమనే  విశ్వంగా 

మలుచుకుని....కుటుంబమే 

తనదిగా చేసుకుని... అమ్మగా ...  

భార్యగా ... చెల్లెలుగా ... కూతురిగా ... 

ఆలిగా అన్నీ తానై ఇమిడిపోతున్నా  .... 

అధికారంలో ఉన్నా లేకున్నా 

ఆకాశంలో సగమనడమే కానీ 

అందని ద్రాక్షాపండ్లుగా 

చేయడమే అంతిమ లక్ష్యం ...  

నాగరికతలో అడుగులేసుకుంటూ 

నరకాసురులు అవతరిస్తుంటే ... 

పారిశ్రామికతలో ప్రగతి సాధిస్తూనే 

పశు ప్రవృతిని  మానుకోకపోతే  .... 

సాంకేతికతలో దూసుకుపోతూ 

సన్నాసులకు కొదువ లేకుండా పోతుంటే… 

అనాధలా అరిచి గీపెట్టినా 

పట్టీ పట్టని వ్యవహారాలైపోతుంటే… 

అక్షరాస్యతలో నిరక్షరాస్యతలో 

అలసత్వాలో నిర్లక్ష్యాలో 

వరించిన అధికారదాహాలతో 

విరించి కానుకలను విరిచేస్తూ

బలవంతంగా లాగేసుకుంటుంటే

ఇక విముక్త గీతం పాడేదెప్పుడు ? 

పాడుకునేదెప్పుడు ? 

నగునూరి రాజన్న 

కరినగరము  ( రిచ్మండ్ VA ) 

పాడుదమా స్వేచ్ఛాగీతం 05-09-2024

 పాడుదమా స్వేచ్ఛాగీతం

05-09-2024

పాడుదమా స్వేచ్ఛాగీతం

ఎగరేయుదమా జాతిపతాకం

దిగంతాలు నినదించి   

విశ్వవిఖ్యాతి నొందగా జాతి గౌరవం  
|పాడుదమా|

జలియన్ వాలా బాగు దురంతపు 
నెత్తుటి ధారలు హత్తుకొని
ఉరికొయ్యల చెరసాలల గోడల
దారుణాలు తలకెత్తుకొని
పొగిడిన కాలం   పోరాడిన కాలం 
మరి మరి ఒకపరి తలచుకొని 
మృత వీరుల గాధలు తెలుసుకొని  
|పాడుదమా|

వందేమాతరమని నినదించిన
వీరుల శౌర్యం తలచుకొని
స్వాతంత్రం నా జన్మహక్కని
గర్జించిన  గళమందుకొని
పోరాట ఫలం స్వాతంత్ర ఫలం
కలకాలం కాపాడుకొని
కడు గర్వంగా కొనియాడుకొని  
|పాడుదమా|

మన్యం గుండెల మంటై రగిలిన 
విప్లవ జ్యోతి స్ఫూర్తియని
గుండు కెదురుగా గుండె నిలిపిన
తెలుగు సింగముల తెగువగని
చీకటి గుండెల బాకై మెరిసిన
గరిమెళ్లను గురుతుంచుకొని
మన తెలుగు తేజమును నింపుకొని  
|పాడుదమా|

జనగణమనముల జాగృతినింపిన
జెండా గాథలు చెప్పుకొని
జయహే జయజయహే జననీ యని
జయ గీతమ్ములు పాడుకొనీ
పావన చరితం పరిమళభరితం
అఖండ భారత ఖండమని
అది అక్షయ అమృతభాండమనీ  
|పాడుదమా|

--

నగునూరి రాజన్న 

కరినగరము  ( రిచ్మండ్ VA ) 

కవన రవళి 05-09-24 నానీలు

 గురువు నానీలు.  కవన రవళి 

 05-09-24 నానీలు

అమ్మనాన్నలైనాక 

ఆది గురువు

నీవె కదా 

 బతుకు బాటకు… 

 మట్టి మనుషుల 

మర బొమ్మలుగా 

తీర్చిదిద్దె 

 జ్ఞాన నేత్రము… 

 శిలలను  శిల్పంగా 

మలిచే చిరునవ్వుల 

జ్ఞాన కాంతులు…

 చేతికి సుద్దముక్క 

ఆరోవేలయింది 

మాచే అక్షరాలు 

 దిద్దించగ… 

 అమ్మ ప్రేమను 

నాన్న బాధ్యతలను 

రంగరించి 

 నేర్పించును… 

చీకటి తెరలు 

 తొలిగించు… 

వెలుగు రేఖలు 

పంపించి… 

 జ్ఞానామృతం 

 తాగాడేమో… 

 కొసరి కొసరి 

 వడ్డిస్తున్నాడు…. 

 మేదో దుక్కి 

దున్ని చల్లుతాడు … 

అన్ని దిక్కులా 

అక్షర నక్షత్రాలు… 

 గడ్డి పూవులకు 

సైతము..విద్యా 

పరిమళాలను 

అద్దుతుంటాడు…

 మనుష్య దేహానికి

 శ్వాసలాగా… 

 మేదస్సుకు 

 బోధ పోస్తున్నాడు.

నగునూరి రాజన్న 

ఆచార్య దేవోభవ తేది : 05-09-2024 శీర్షిక : సరస్వతీ మాత ప్రతినిధి

 ఆచార్య దేవోభవ

తేది : 05-09-2024

శీర్షిక :  సరస్వతీ మాత ప్రతినిధి 

సహస్రాధికం 

సరస్వతీమాత సర్వప్రతినిధియై 

ఓంకారంతో మొదలెట్టి 

ఓనమాలను వల్లెవేయించి 

అక్షరాలతో అడుగులు వేయించి 

పదాలతో పరుగులు నేర్పించు ... 

తరగతులెన్నో దాటించి 

ఉత్తీర్ణతలతో హుషారు తెప్పించి 

బ్రతుకుదెరువులో బాట చూపించి 

బాధ్యతలను బహులెస్సగ బోధిస్తారు ..... 

శిలల లాంటి మనుషులను 

అందమైన శిల్పాలుగా చెక్కుతారు ... 

అజ్ఞానాలను  పారద్రోలి 

విజ్ఞాన గనులుగా మార్చుతారు .... 

చేతికి ఆరోవేలును తొడుక్కుని 

అహర్నిశలు నైపుణ్యం నేర్పి ....  

ఊరించే ఊహలకు రెక్కలు 

తొడిగే ఊపిరిలు ఊదెదవు .... 

విశ్వ వీచికను దృశ్యమానం 

చేసి వింతగా తరగతిగదిలో 

బంధించి తపించి బోధించు 

తన వారుగా భావించి శిష్యులకు ... 

నగునూరి రాజన్న 

పేపర్ బాయ్ తేది 04-09-24 శీర్షిక : గొప్ప మార్గదర్శి

 పేపర్ బాయ్ 

తేది  04-09-24

శీర్షిక :  గొప్ప మార్గదర్శి 

సంఘటనల సమాహారాలను 

సుమహారాలకన్నా ముందుగానే 

సూర్యోదయంకన్నా మున్ముందు 

సరజంజామాగా సర్దుకుని 

తాజాగా వడ్డించే వార్తల వారధి .... 

పని పాటల పల్లవిగా మొదలై 

జీవితంపై ఆశలు కల్పించే 

కల్పవృక్షమై... బాల్యాన్ని భద్రంగా 

తీర్చి దిద్దే కాయకష్టం తెలిసిన సద్గుణశీలి 

స్వావలంబనకు సంకేతమై 

పట్టుదలలకు  పుట్ట తేనెలా 

జీవిత మాధుర్యాలను రుచింప 

చేసే గొప్ప మార్గదర్శి .... 

బహుభాషల భుజకీర్తుల్లో 

ఎవరెవరికి ఏమి పేపరో కావాలో 

జ్ఞాపకాల దొంతరను గాలిస్తూ 

గజిబిజిలకు గాలమేసే గమ్మత్తు 

ప్రక్రియ .... 

ఎండా వానా చలి కాలాలలో 

స్థితప్రజ్ఞతల చిరాయువుగా నిలిచి 

కుటుంబాలకు టార్చ్ బేరర్ గా 

కుంటు పడని వ్యవస్థలకు మూలం. 

ఆకాశంలో అంతరిక్షం దాకా ఎదిగి 

పేపర్ బాయ్  నుండి ప్రెసిడెంటు వరకు 

రామేశ్వరం నుండి రాజ్ భవన్ వరకు 

రంజిల్లిన  మన అబ్దుల్ కలాం గారే 

ఘన ఉదాహరణ .... 

నగునూరి రాజన్న 

గ్లోబలి తేది : 04-09-24 శీర్షిక : విశ్వమానవ కళ్యాణం కోరాలి

 గ్లోబలి 

తేది : 04-09-24

శీర్షిక : విశ్వమానవ కళ్యాణం కోరాలి

సహస్రాధికం 

గోడమీద బల్లిలాంటి బతుకు 

కాకుండా... భూమండలం 

ఆమూలాగ్రం ఉన్న వనరులను  

ఉపయోగించుకుని సౌకర్యాలు 

పంచుకుని సమున్నతమైన 

జీవితవిధానం వైపు అడుగేయడం ... 

ప్రత్యక్షం పటాటోపంగా ఉన్నా 

పరోక్షములో పారేశాన్లు చాలానే... 

చీకటి వెలుగుల్లా ... సుఖదుఃఖాలు 

కష్ట నష్టాలు కలబోసుకున్నాయి .... 

అనాదిగా వస్తున్న ప్రాంతీయ 

శ్రమ దోపిడీకి బదులుగా.... 

ప్రపంచ శ్రమదోపిడీకి శ్రీకారం 

అవుతూ కొన్ని గల్లాపెట్టెలు 

నిండుతున్నాయి ... 

అనురాగాల పందిరి లాంటి 

చిన్నా చితక వ్యాపారుల పొట్ట 

కొట్టి ఆత్మీయత లేని కార్పొరేట్ 

దందాలతో కలేజా చూపి 

కాలరెగిరేస్తున్నది .... 

పదుల మందిని కొట్టి ఒక్కడు 

పొట్ట పోసుకోవడం విడ్డూరం ... 

మనుషులు మోసపోయే చోట 

దేశాలే మోసపోతూ నెత్తి నోరు 

బాదుకుంటున్నాయి .... 

 

 మార్పు ఏదైనా మహోన్నతానికి 

దారి వేయాలి ... మానవత్వాన్ని 

బొట్టు పెట్టి పిలవాలి ... బలి 

కోరితే బతుకుదెరువు ఎక్కడుంటుంది 

విశ్వమానవ కళ్యాణం కోరాలి  .... 

నగునూరి రాజన్న 

సాంకేతిక తేది :04-09-2024 శీర్షిక : అత్యాధునిక సాంకేతికత

 సాంకేతిక 

తేది :04-09-2024 

శీర్షిక : అత్యాధునిక సాంకేతికత 

పిట్ట కొంచం కూత ఘానంలా 

తక్కువ సమయంలో ఎక్కువ 

మరియు వేగంగా పనులు పూర్తి 

చేసుకునే సౌకర్యమే  సాంకేతికత ....  

నాగరికతలో నడక సాగించిన 

జీవితం ... పారిశ్రామిక ప్రగతితో 

పరుగులు మీద పరుగులు పెట్టి 

ప్రశాంతతలు తగ్గిపోయాయి .... 

ఏకంగా సాంకేతికతలో అడుగు 

పెట్టాక  పరుగులు  దాటి పోయి 

వేగమందుకునే విధంగా పరకాయ 

ప్రవేశం చేయాల్సివస్తుంది .... 

పక్షులనే తలదన్నే విధంగా 

గగనపు వీధులలో పయనిస్తూ 

ఖండాంతరాలు దాటి పోయి 

గ్రహాంతరాలకు వారధులమైనాము .... 

కంప్యూటర్లలో అడుగిడి 

కథాకళి ఆడుకుంటూ  ఆర్టిఫిషల్

ఇంటలిజెన్స్ క్లౌడ్ కంప్యూటింగ్ 

ఆటోమేషన్  డేటా కలెక్షన్ వంటి 

అడుగులతో పాటుగా ...  ఆగ్మెంటేడ్ 

రియాలిటీ వర్చువల్ రియాలిటీ  అనే 

మరికొన్ని అడ్వాన్సుడ్  ముందడుగులు 

పడే ఆస్కారం ఎంతో దూరంలో లేదు....  

నగునూరి రాజన్న 

వినాయకుని పాట తేది 03-08-2024 శీర్షిక : స్వాగతము గణపయ్యా ...

 మీ పాట మీ నోటా .... వినాయకుని పాట 

తేది  03-08-2024

 శీర్షిక : స్వాగతము గణపయ్యా ... 

 

స్వాగతము గణపయ్యా 

స్వాగతము వినాయకా 

అమ్మచేత నలుగుపిండి 

ఆకారం దిద్దుకొనగా .... 

అవతరించి నిలిచావు 

అయోనిజా వందనము ....  

భాద్రపద శుద్ధ చవితి 

బహుగొప్ప పండగయా 

బంగారు పూజలన్నో 

భజియించి చేసెదము ....

స్వాగతము గణపయ్యా 

స్వాగతము వినాయకా 

మండపాలు ఊరూరా 

దండిగాను  వేసినాము .... 

అర్చనలు పూజాలెన్నో 

అవనిపైన చేసెదము .

వెండికొండ దిగిరావా 

వెన్నమనసు దొరవునీవు ... 

సపరివార సమేతమై 

పూజలంద భువిపైనా .... 

స్వాగతము గణపయ్యా 

స్వాగతము వినాయకా 

వనమంతా పత్రితెచ్చి 

ఘనమైన పూజ చేతు .... 

మనమున కోరుకున్న 

దినముననే విజయించు .... 

కుడుములు ఉండ్రాళ్లతో 

నైవేద్యము పెట్టెదను .... 

ఇడుములను బాపి మమ్ము 

కరుణించగా రావయ్యా ...  

స్వాగతము గణపయ్యా 

స్వాగతము వినాయకా 

అమ్మానాన్నలే అందరికి 

ఆదిపూజ్యమని బోధించావు ... 

తొలిపూజలు నీకేనని 

వరములనే పొందినావు .... 

ఓంకారము రూపముగా 

చదువులమ్మ ప్రతినిధిగా 

విజ్ఞానము ప్రసరింపగా 

జ్ఞానబోధ చేయుమయా ... 

స్వాగతము గణపయ్యా 

స్వాగతము వినాయకా 

నగునూరి రాజన్న 

కలం గళం - లలిత గేయాలు తేది : 03-08-2024 శీర్షిక : పోరాట వీరులు

 కలం గళం - లలిత గేయాలు

తేది : 03-08-2024

శీర్షిక : పోరాట వీరులు 

వినుడి వినుడి చరితలను 

వింత గొలుపగ  విఖ్యాతమే .... 

కనుడి కనుడి కనువిందుగా 

కమ్మని మన పూజ్యుల కథలను ..... 

లాల్ బాల్ పాల్ అంటూ  

రమ్యమైన త్రిమూర్తులు .... 

రాజీలేని పోరాటములే  

మాతృభూమి శృంఖలాలకు .... 

మన్యంలో మణికొండ 

తిరుగులేని మా రామరాజు 

అల్లూరిగా ప్రఖ్యాతమే 

ఝల్లుమన్న ఆంగ్లేయులకు  ..... 

వినుడి వినుడి చరితలను 

వింత గొలుపగ  విఖ్యాతమే .. 

శభాషంటూ మెచ్చుకోల్లే 

సుభాష్ చంద్ర  గారిని .... 

బోసుబాబుగ  సుపరిచితమే 

ఆజాద్ హింద్ ఫవుజుగా .... 

అర్ద రాజ్యం దాటగానే 

అదిరిపోయిన తెల్లోడు .... 

సుదురుకునే  కపటంగా 

అప్పజెప్పే అహింసావాదులకు .... 

వినుడి వినుడి చరితలను 

వింత గొలుపగ  విఖ్యాతమే ... 

కనుడి కనుడి కనువిందుగా 

కమ్మని మన పూజ్యుల కథలను ..... 

నగునూరి రాజన్న 

అనగనగా కాలం తేది : 03-08-24 శీర్షిక : అమృతభాండం

 అనగనగా కాలం

తేది : 03-08-24

శీర్షిక : అమృతభాండం 

అనగనగా కాలమే అమృతభాండం 

ఆత్మీయతలతో ముడివేసుకుని 

మల్లెపరిమళాలు వెదజల్లుతూ 

పందిరికి అల్లుకున్న దాఖలాలే .... 

కష్టాలెన్ని పలకరించినా 

కలిసి ఉంటె కలదు సుఖమంటూ 

మనోధైర్యంతో ఎదిరించి 

పోరాడి గెలిచిన దాఖలాలే ... 

కాఠిన్యమెంతగా మొట్టి 

గడ్డుకాలం ఎంత ఎదురొడ్డినా  

బంధాల ప్రేమలో పోరాడి 

గెలిచిన నిలిచిన దాఖలాలే ... 

ఆత్మీయతలతో అంకురించి 

అనురాగాలతో అల్లుకుని 

అనుబంధాలతో శుభ మాలికలై 

ఆప్యాయతలతో పరిమళాలు 

వెదజల్లి పచ్చగా వర్థిల్లిన రోజులే ... 

సత్యయుగములా  ధర్మం నాలుగు 

పాదాలపై నడిచి  నైతికతకు పెట్టింది 

పేరై ఆదర్శవంతమై నలుగురి మేలు కోరి 

మసులుకున్న రోజులు స్వర్ణయుగమై ...

నగునూరి రాజన్న 

చిత్ర కవిత తేది : 02-08-2024 శీర్షిక : అప్రమత్తత

 చిత్ర కవిత 

తేది : 02-08-2024

శీర్షిక : అప్రమత్తత 

పశు పక్ష్యాదులపైన 

సాధించిన పెత్తనములా 

ప్రకృతి పైనా సాధించాలనే 

తాపత్రయం మానవునిలో ... 

ఆశల ఆశయాలైన ఆనకట్టలతో 

నీటిని సద్వినియోగం చేసుకోవడమే 

కాకుండా అత్యాశల పేరాశల 

ఊశయ్యగా మారిపోయి గుడిని 

గుడిలో లింగాన్ని మింగేసినట్టుగా 

చెట్లను గుట్టలను వాగులను వంకలను 

వరస బెట్టి మింగేస్తూ ... చెరువులను 

చెరబట్టి ... నాళాలను కూలగొట్టి 

వామనునిలా అంతా నేనే వ్యాపిస్తా 

అంటూ నిస్సిగ్గుగా మసులుకుంటుంటే .... 

బంధు మిత్రులని పక్షపాతం 

చూపించే నాయకుల్లా కాకుండా ... 

నిష్పక్షపాతమైన ప్రకృతి ప్రవాహం 

నీరాజనాలను ఇస్తూ అడ్డమొచ్చిన 

అన్నింటిని...  మనుషులను 

వాహనాలను తనలోనే 

కలుపుకుంటూ సాగుతున్నది.. 

నీటి ప్రవాహానికి ఎదురీదుదామని 

అంచనాలేని ఆరాటంతో 

దాటిపోదామని తాపత్రయపడితే నీటి 

ధాటి  పోనీయనని నిఘా పెట్టింది.. 

అప్రమత్తతల విజ్ఞానం మాత్రమే 

అండదండలనిచ్చు... అలక్ష్యం 

ఖరీదు ఓ నిండు ప్రాణం ... 

అనుభవాల నీడలలో అడుగేయడం 

ఎంతైనా ఆమోదమే .. ప్రమోదమే ... 

నగునూరి రాజన్న 

అంతర్జాల విఫణి తేది : 02-09-2024 శీర్షిక : తామరాకుపై నీటి బొట్టు

 అంతర్జాల విఫణి

తేది : 02-09-2024

శీర్షిక : తామరాకుపై నీటి బొట్టు 

సహస్రాధికం 

ఆత్మీయత పలకరింపులమ్మ 

కూరగాయలోయమ్మ కూరగాయలు 

పండ్లోయమ్మ పండ్లంటూ నెత్తిన బుట్ట 

పెట్టుకుని ఊరేగడం మాట అంటుంచి 

ఊరూరి వింత గల్ల సంతలో అమ్ముకోవడం 

కూడా మాయమవబోతున్నది సత్యం .... 

చిన్న చిన్న కొట్లు మాయమయ్యి 

గొలుసు దుకాణాల బులుసుకు 

అలవాటైన జనాలు ...మెల్ల మెల్లగా 

అవీ మాయమయ్యి ఆర్డరిస్తే అరక్షణంలో 

అందించే అరచేతి వైకుంఠానికి 

ఆమోదముద్రలు పడుతున్నవి ... 

సంధికాలంలో నిలబడ్డాము 

కాబట్టి.. సగం... అటు సగం... ఇటుగా 

అమెజాన్ లు  బిగ్ బాస్కెట్టులు 

రిలయన్సులు ఇంకా లెక్కలేనన్ని 

అంతర్జాల విఫణులు అనేకం.... 

వాసితోనో రాశితోనో వెలుగొందుతూ 

సరుకు సరంజామాలే కాదు 

తిను బండారాల తిప్పలు కూడా ... 

అమ్మ తప్ప అన్నీ సమకూరుస్తున్న 

ఆన్లైన్ షాపింగులు అందుబాటాయే .... 

సిరులొలికించే చరవాణి చేతులో 

ఉంటే ... ప్రపంచమే మన ముందు ...

జొమాటో స్విగ్గీలు మొదలైనవి .... 

 

సుఖ దుఃఖాల చీకటి వెలుగుల్లా 

ఉపయోగాల వెంట ఊడ్చి పెట్టె 

మాయాజాలం కూడా కపటపు 

కరటక దమనకుల్లా కాచుకొని 

పొదల మాటున పొంచిన విషయం 

కాంచవలె... లేదంటే నిర్లక్ష్యం 

విలువ నిలువెల్లా ముంచుతుంది 

హాకర్ల రూపములో ....  

అప్రమత్తతలు ప్రమోదమైతే 

అతలాకుతలం కాకుండా 

పంకములోని బింకపు కమలాములా 

తామారాకుపైన  నీటి బొట్టులా 

తణుకు బెణుకులు లేకుండా 

బయటపడవచ్చు .... 

నగునూరి రాజన్న 

ప్రకృతి తేదీ : 31-08-2024 శీర్షిక : కనుమరుగే మేలుకోకుంటే ... .

 ప్రకృతి 

తేదీ : 31-08-2024

శీర్షిక : కనుమరుగే మేలుకోకుంటే ... . 

ప్రాణులకు  మూలం ప్రకృతి 

పచ్చగా వెలిగిపోవాలన్నా 

వెచ్చగా ఆనదించాలన్నా 

శ్వాసగా అందించాలన్నా .... 

జీవరాశికి మూలమై 

ఆణువణువూ వ్యాపించిగా 

ఆమూలాగ్రం ఆస్వాదిస్తూనే 

రాక్షత్వం పొదువుకుంటున్నారు ... 

అవసరానికి మించి 

హననం చేస్తూ అత్యాశల 

పేరాశల పల్లకీలో ఊరేగుతూ 

పెట్టె నింపుకుంటున్నాడు ... 

చెట్టూ గుట్టా వాగు వంకా 

ఇసుకా మట్టి రాయి అన్నింటిని 

చెరబట్టి హాహాకారాలు చేస్తూ 

రాక్షాసానందం పొందుతున్నాడు ... 

తాను చేసే చెడు పరులకనుకుంటాడు 

బూమరాంగై బుగ్గి పాలు కాకముందే 

కళ్ళు తెరిస్తే సరే సరి…లేదంటే 

కనుమరుగే జీవరాశి ...మేలుకోకుంటే ... . 

నగునూరి రాజన్న 

కలం గళం - జోల పాటలు తేది 31-08-2024 శీర్షిక : లాలి మా కన్నయ్యా

 కలం గళం - జోల పాటలు 

తేది 31-08-2024

శీర్షిక :  లాలి మా కన్నయ్యా 

జో గోప బాల 

జోజో గోపాల 

లాలి శ్రీ కృష్ణయ్యా  

లాలి మా కన్నయ్యా 

అష్టమ గర్భముగా 

అష్టమీ తిథి రోజు...  

నిష్టగా జన్మించె

దేవకీ వసుదేవు పంటగా  .... 

ముక్కోటి దేవతలు 

ఒక్కటిగా దీవించే ... 

మురిపాల బాలున్ని 

ముద్దు ముచ్చట దీరా .... 

జో గోప బాల 

జోజో గోపాల ... 

లాలి శ్రీ కృష్ణయ్యా  

లాలి మా కన్నయ్యా .... 

వరముగా జన్మించే 

చెరసాల లోనా  .... 

యముననే  దాటేనే  

వాయు వేగమ్మునా  .... 

చేరుకొనే క్షేమముగా 

నంద యశోదింటా ... 

గత జన్మ పూజలా 

ప్రతిఫలమ్ముగానూ....  

జో గోప బాల 

జోజో గోపాల ... 

లాలి శ్రీ కృష్ణయ్యా  

లాలి మా కన్నయ్యా .... 

అయినను వదలని 

అసుర మూకలను .... 

బాల్యమున దునుమాడే 

భావి ధర్మ రక్షకుండు .... 

లీలలెన్నో జూపె

గోపాల బాలుడూ ... 

లీనమై మురిపించే 

గోపెమ్మల మనసూ....  

జో గోప బాల 

జోజో గోపాల 

లాలి శ్రీ కృష్ణయ్యా  

లాలి మా కన్నయ్యా 

నగునూరి రాజన్న 

పైన నీలి తెర - కింద ధూళి పొర తేది 30-08-2024 శీర్షిక : కళ్ళు తెరవకపోతే ...

 పైన నీలి తెర - కింద ధూళి పొర

తేది 30-08-2024

శీర్షిక : కళ్ళు తెరవకపోతే ... 

అవని పైన మన  బ్రతుకైనా 

ఆ పంచభూతాల వరప్రసాదమే. 

ఏదేనిని మనం కాదన్నా 

నేల విడిచి సాము చేసినట్టే ... 

కరుగుతున్న ఓజోను నీలి పొర  

పెరుగుతున్న అవని ధూళి పొర 

వెనుతిరిగి చూడని మానవాళి 

కనుమరుగయ్యేనా  ఇక  జీవరాశి ... 

చెవిటివాని ముందు శంఖమూదినట్టు  

దశాబ్దాలనుండి కాలుష్య రోదనలే ... 

విడమరిచి చెప్పడమే కానీ 

కడతేర్చడానికి  కదం కలపం ... 

అలసత్వాలతో అంట కాగుతూ 

జవసత్వాలను మంటగలిపే 

కాలుష్యాల నెగళ్ళకు కళ్ళెం వేయని  

ప్రజలు ప్రభుత్వాలు…మిడతల దండులా...  

ఉడతా భక్తిగా సాయం చేసేది 

అక్కడో ఇక్కడో  లక్షల్లో ఒక్కరు మాత్రమే .... 

ఇకనైనా మనుషులంతా  పూనుకోపోతే 

అప్పుడో ఇప్పుడో  మాయమే భూగోళం .... 

నగునూరి రాజన్న 

గిడుగు రామమూర్తి పంతులు తేది : 15-08-2024 శీర్షిక : వ్యవహార భాషా పితామహుడు

 గిడుగు రామమూర్తి పంతులు

తేది : 15-08-2024

శీర్షిక : వ్యవహార  భాషా పితామహుడు 

అచ్చ తెలుగు చిచ్చరపిడుగు 

వ్యవహార భాషా ఉద్యమ పితామహుడు 

గ్రాంధీకము నుండి విముక్తి గొలిపి

సార్వజనీనతకు కృషి చేసాడు… 

(సర్వజనులకు చేరువ చేసాడు....)

బహుభాషా కోవిదుడు బహుముఖ 

ప్రజ్ఞాశాలి ... చరిత్రకారుడు 

సంఘ సంస్కర్త ...  వ్యావహారిక 

భాష ప్రాణంగా చేసుకున్నాడు ... 

విందు భోజనం లాంటి 

గ్రాంథీకంతో పాటు  నిత్య 

భోజనంలాంటి వ్యవహారిక భాష 

కూడా... అమ్మ చేతి గోరు ముద్దలా 

కమ్మని రుచులేనని కంకణం 

కట్టుకున్న ఆనాటి పెద్దలు .... 

గురజాడ, గిడుగు, శ్రీనివాస 

అయ్యంగారు, యేట్సు   నలుగురు 

నాలుగు పిల్లర్ల వలె నిలిచి 

భాష బతకాలని

నాలుగు కాలాలు నిలవాలని 

కంకణం కట్టుకున్న ఘనాపాఠీలు....  

ఆంద్ర సాహిత్య పరిషత్తు సభలో 

అనన్యమైన రీతిలో గంటల పాటు 

ఉపన్యసించి తగిన ఆధారాలతో 

తనవాదాన్ని ఒప్పింపజేశాడు .... 

సవర భాష లిపి ప్రదాత... వారి  

భాషా సేవలపై పరిశోధనలెన్నో ... 

వాడుక తెలుగు భాషకు స్ఫూర్తి ప్రదాత 

గిడుగు వారు గ్రాంధీకం నెత్తిన పిడుగని 

తెల్లని పాల మీగడని 

భాషకు గొడుగని పెద్దలెందరో 

కొనియాడారు ... 

నగునూరి రాజన్న 

మనసు పాడే పాట తేది : 29-08-2024 శీర్షిక : స్థిత ప్రజ్ఞత

 మనసు పాడే పాట 

తేది : 29-08-2024

శీర్షిక : స్థిత ప్రజ్ఞత 

సహస్రాధికం .... 

ప్రతి క్షణమొక చిత్తం 

ప్రతి నిమిషం ఒక లక్ష్యం 

పరి పరి విధాలా పరుగెత్తే 

అశ్వం ...గాలి కన్నా వేగం ... 

వెలుగుపూలు విరిసినా 

ఆనందనర్తనం చేసినా ... 

చీకటి కోణం ముసిరినా 

దుఃఖపు ఛాయలు విసిరినా ... 

చర్యకు ప్రతిచర్యలా 

చెట్టాపట్టాలేసుకుంటుంది ... 

నవరసాలను రంగరించి 

రసధునిలో నర్తనం చేస్తుంది ... 

ప్రమోదమయినా విషాదమైనా 

పరవశమైనా విషణ్ణమైనా 

భావంతోనే నిండు భరిణె

రాగంతోనే మెండు గానం .... 

పాటేదైనా ప్రజ్ఞత ప్రదర్శించాలి 

భావమేదైనా స్థితప్రజ్ఞత పాటించాలి 

రాగమేదైనా రక్తి కట్టించాలి 

అంతిమంగా మానవాళి కళ్యాణం 

కోరాలి .... 

నగునూరి రాజన్న 

పదవీ విరమణుల మనోగతం.

 పదవీ విరమణుల మనోగతం.

విరిసీ విరియని విజ్ఞానంతో 

విరజాజుల పరిమళాలుగా 

విశ్వాన్ని జయిద్దామని 

వివిధ వయసులవారీగా 

అడుగిడినాము ఎన్టీపీసీలో ... ఆనాడు .. 

మైదానములోనే దిగినాము 

కష్టం సుఖం కలబోసుకున్నాము ... 

పునాది రాళ్లుగా మారిపోయి 

పునీతమయ్యాము జీవితాన ... 

వేల ఎకరాలలో విస్తరించి 

పచ్చని చెట్లుగా మారాము ... 

ఇటుక ఇటుకను పేర్చి మేము 

ఇండస్ట్రీకి రూపురేఖలమయ్యాము ... 

చీమలలా క్రమశిక్షణమయమై  

స్వేదాలను ధారపోసినం .... 

రుధిరం రంగరించి మేమంతా

వెలుగు బాటలు పరిచినం .... 

తలలు వంచి నిత్యం పని చేసినా 

తలెత్తుకునే వంద అడుగుల 

చిమినీలను కట్టాము.... 

పర్యావరణం పదిలపరిచాం ... 

నాదనుకొని నగారా మోగించినా 

మనదనే భావం నింపుకున్నాం .... 

పరిశ్రమలో పట్టుదల చూపించి 

సేవలు మెండుగా చేసాము .... 

దగ్గు జలుబులు లెక్కచేయక 

బొగ్గుచూరను ఎర్రగా మండించాం ... 

అందనంత ఎత్తుల్లో నిలిచి 

బాయిలర్ లను బరబరా వెలిగించాం ... 

రావాటర్లో ధాతువులను  తీసేసి 

కవాటాలలో నీటిని బంధించి 

పైపులలో గలగల నీరు పారించి 

ఆవిరి సెగలను ఉవ్వెత్తున లేపాము ... 

మరిగే రుధిరం లెక్క చేయక 

టర్బయినుకె సరిదంటగా జోడించిన 

జనరేటర్లోకి పంపగానే కిలోవాట్లుగా 

విద్యుత్తు వెలుగులు విశ్వానికి పంచాము…

వయోబేధములు మరచిన మేము 

వడి వడి అడుగుల నడకలు సాగించాం…. 

అనుపానులను పొదువుకుని 

అడుగడుగున మెరుగులు దిద్దాం… 

ఉత్పాదకతలను ఊపిరి చేసుకుని

ఆపదలెన్నో గట్టెక్కించి నడిచాం…. 

కొత్త తరంతో కలిసి అడుగులేస్తూ

మిషనులెన్నున్నా విజను విడువక

కొంగొత్త గమ్యాలను కోరి జయించాం..

పి ఎల్ ఎఫ్ లు ఛేదించుటలో

పగలు రేయిలు పరితపించాము…

పిట్ట కొంచెం కూతఘనములా

వటుడింతింతై వామనమూర్తిగ ఎదిగాము… 

లెక్కలేనన్ని అవార్డుల సాధనలో

ప్రమిదలమైనాము…సమిధలమైనాము… 

పుష్కలమైన పురస్కారాలు

పొందుటలో పూవులమైనాము… 

పూతావులమైనాము…. 

పునాది పూజల మొదలైన మేము

అనాదిగా శ్రమ వీరులమే…. 

మా మనాదులన్నీ పారద్రోలగా

నిత్యం శనార్తులే కంపనీకెపుడు… 

కులమేదైనా కలిమే మేమంతా .... 

భాషేదైనా భువనమే మేమంతా… 

ప్రాంతమేదైనా క్రాంతి దర్శనమే…  

శ్వాస ధ్యాస అన్నీ జిలుగు వెలుగులే…. 

పరిశ్రమలెన్నింటకో ప్రగతిమార్గమై  

దేశమాతకు తలమానికమైన  

ఎన్టీపీసీలో చేరిన మేమంతా 

ఒక్కొక్కరుగా వెనుదిరుగుతున్నాం .... 

నియమంగా అరువది నిండగానే 

నిష్క్రమణలు మొదలాయె…. 

అయినా అలుపెరుగని అనుభవజ్ఞులం

అయినా మమత తీరని విశ్రాంతులం… 

నగునూరి రాజన్న 

నవ జీవన రేఖలు తేది : 28-08-2024 శీర్షిక : పిడికిట విశ్వం మాయాజాలం

 నవ జీవన రేఖలు

తేది : 28-08-2024

శీర్షిక : పిడికిట విశ్వం మాయాజాలం 

కాలరేఖల కనుసన్నల్లో

నడవాల్సిన నవ జీవన రేఖలు… 

కన్ను మిన్ను కానక

అనుభవాలను అపహాస్యం చేస్తూ… 

నాగరికత నడకలలో 

గాడి తప్పి పోయిందనుకుంటే ... 

పారిశ్రామిక ప్రగతిలో 

గతి తప్పిన దాఖలాలే .... 

సాంకేతికత కనుసన్నల్లో 

కాట కల్సిపోవుచున్నది  .... 

పిడికిటి విశ్వం బిగించుకుని 

పీల్చి పిప్పి చేస్తున్నది .... 

మసక చీకటి వెలుగుల్లో 

చరవాణి ముసుగుల్లో 

పగలు రేయి పహారాలు 

కన్నార్పని కొక్కిరాయిలే .... 

మాటా మంతీ నోచుకోని 

మల్లె సుగంధాల మమతల తీగలన్నీ 

అపస్వరాలతో అలరారుతూ

విసిగి వేసారుతున్నవి .... 

బంగారు బాల్యాన్ని సైతం 

బలవంతంగా లాక్కుని 

తన ఇనుప సంకెళ్ళలో బంధింపజేసి

తెరలకు కండ్లప్పగింపజేసి 

మత్తు మందు చల్లుతున్నది .... 

యువతను పెడత్రోవల తోసి 

కను విప్పులను కాల్చేసి కూల్చేసి .... 

పెను ముప్పును వాకిట నిలిపి

పెద్ద సవాలును విసురుతున్నది ....  

అతి సర్వత్ర వర్జయేత్  లాగ 

ఉనికి కోల్పోని మోతాదులో 

ఉన్నతమైన విలువలు కూడి 

మోదమైన విషయాలకు 

వాడుకుంటేనే మంచిది ..... 

నగునూరి రాజన్న 

లాటరీ 27-08-2024 శీర్షిక : చట్టాలలోని లొసుగులు.

 లాటరీ 

27-08-2024

శీర్షిక : చట్టాలలోని లొసుగులు.  

వాన బిందువులన్నీ కలిసి

వరద బీభత్సమైనట్టు… 

వరములందించి లక్ష్మీదేవి

వారి చింతలు దీర్చు…. 

లక్షల మంది కష్టార్జితాలను

ఒక్కని సొంతం చేయడమే ... 

ఆశల తీగకు వేసుకునే 

కాలపు గాయాలు మాన్పె గాలం ... 

పేరు గొప్ప ఊరు దిబ్బలా

ఫలమందేవాడికి ఫలహారమే

దళారీలకు దండి కమీషను 

ప్రభుత్వాలకు సంపద పన్నులు … 

వెంట్రుక వేసి కొండను లాగినట్టు

చిరు చిరు మొత్తాలతోనే 

కండ్లు మిరిమిట్లు గొలిపే

కడు పెద్ద మొత్తాల ప్రైజులు…. 

కొంత మందికి దుర్వ్యసనమై

దుర్మార్గపు ఆలోచనలకు 

కోటగోడలా నిలబడి సంఘంలో

అల్లకల్లోలాలకు అశాంతికి కేంద్రం…. 

చట్టాలలోని లొసుగులు 

చుట్టాలవుతున్న పెట్టుబడులు… 

కట్టుబాటైన  నిర్ణయాలతోనే

తొట్రబాటులేని విజయాలు… 

నగునూరి రాజన్న 

సహచరిమయం తేదీ : 27-08-2024 శీర్షిక : ఒక జీవితం

 సహచరిమయం  

తేదీ : 27-08-2024

శీర్షిక :  ఒక జీవితం 

విశ్వంలో విరామమెరుగని వింతలా 

సూర్యుని చుట్టూరా తిరుగుతున్న 

భూమిలా....చూపులు కలిసిన శుభవేళ 

మొదలైన ఆలోచనలన్నీ అదే తంతు...

ఆ ముహూర్తమెంత బలమైనదో 

చూపులతోనే నను నడిపించినది  

తన నడకలతోనే నిశ్శబ్ద బోధనలు…

బోధనలన్నీ మేలిమి రకాలే…

ప్రేమ నిర్వచనం పెద్దగా తెలియకున్నా 

సూదంటురాయిలా చూపుల బాణాలతో

ఇచ్చి పుచ్చుకున్న ఇలవర్షల మనసులు  

ఎదురుచూపుల పర్వమే వత్సరాలకొద్దీ ... 

ఉద్యమాల కాలపు చదువులలో 

ఒక పక్క పుస్తకాల కుస్తీలో మునిగితేలుతూనే.... 

ఉచిత సమయాలలో నన్ను 

నిలువెల్లా ఉడికించిన ఆలోచనలే ....  

అంతిమంగా అనుకున్న ఘడియ 

రానే వచ్చింది. ముహూర్తం 

కుదిరింది... మురిపాలను తీర్చింది ... 

ముద్దు ముద్దు ఆలోచనలకూ శుభం 

కార్డు పడింది...సుందరమై ముడిపడింది ... 

ముడిపడిన నుండి వడి అడుగులే

ప్రతి అడుగులో పట్టుదలలకు 

పెద్ద పెట్టుబడి అయ్యింది .... 

అడుగడుగున విజయాలు సాధించాలన్న 

విస్తృత ఆలోచనలకు మూలమైంది .... 

ఉద్యోగ బాధ్యతలలో ఊపిరాడకుంటే

ఇంటి నిర్వహణలో ఇగురశాలయ్యింది… 

ఆర్థికాంశాల కేటాయింపుల్లో మంత్రయ్యి

పిల్లల బోధనలతో పంతులమ్మయ్యింది

 

ఆనందాలలో నాకు రెండు కళ్ళై

బాధలలో ధైర్య వచనాలైపోయి

సంఘములో సదా సమున్నతమై 

పరిపూర్ణతల పయనం వైపే అడుగులు… 

గుండు మల్లెల గభాళింపులతో

మరవం దమనం పరిమళాలతో

ఫరిడవిల్లే మా కుసుమసహృదయ

సుందర పొదరిల్లు మననభరితం… 

నగునూరి రాజన్న 

గోకులాష్టమి -- చిత్ర కవిత తేదీ : 26-08-2024 శీర్షిక :కృష్ణ లీలలు

 గోకులాష్టమి -- చిత్ర కవిత 

తేదీ : 26-08-2024

శీర్షిక :కృష్ణ లీలలు

చిన్ని చిన్ని పాదాల చిలిపి కృష్ణుడు 

చిరునవ్వులతో అడుగిడినాడు ..... 

నంద యశోదల  ఆనందాలు  

నింగినంటే పౌర్ణమి వెన్నెలలా .... 

అడుగుతీసి అడుగు వేసినా 

అపురూపమే అమ్మ యశోదకు ... 

దాగుడుమూతల దండాకోలే 

గొల్లభామల మనోల్లాసము .... 

పాలు పెరుగు మీగడలు వెన్న 

పదిలంగా దొంగిలించేనే .... 

చిలిపి ఆటల చిద్విలాసం 

గోపాలురతో స్నేహబంధం... 

మనసును దోచి మమత పెంచగా 

మాయా మోహన రాధాకృష్ణుడు ....  

చిలిపి ఊహల మనోల్లాసం  

గోపెమ్మలతో ప్రేమబంధం ... 

అష్టభార్యల ఇష్టసఖుడు 

ఇద్దరమ్మల ముద్దు బిడ్డడు 

కర్త కర్మ క్రియగా అంతా తానై 

నిలిచెనే ఆదిమధ్యాంతరహితుడు .... 

కారణజన్ముడు కామిత మోక్షకుడు 

కౌరవ లంకా గృహదహన కాలమున

పాండవ సంరక్షకుల తిలకా …. 

కంస చాణూర మర్దనం....కమల నయనం… 

నగునూరి రాజన్న 

చిత్ర కవిత తేది :19-08-2022 శీర్షిక : కృష్ణుడు

 చిత్ర కవిత 

తేది :19-08-2022

శీర్షిక : కృష్ణుడు 

కళ్ళు తెరిచింది కారాగారమైనా 

కారణ జన్ముడు మన కన్నయ్య 

అష్టమ అవతారం శ్రీ మహా విష్ణువుకు 

అష్టమి తిథి రోహిణీ నక్షత్రయుక్త జననం ... 

అష్టమ గర్భం...అష్టభార్యల ఇష్టసఖుడు 

వసుదేవ సుతుండు వామనావతారుడు 

ఆదిశేష శయనుండు  ఆపద్భాంధవుడు ... 

అష్టమ గర్భాన  ఆదిమధ్యాంతరహితుడు  ...   

మధురలో జన్మించిన మాధవుడు ... 

శ్యామసుందరుడు  సద్గుణశీలవతుడు

అల్లరి కృష్ణుడు అనంతపద్మనాభుడు

దేవకి వసుదేవుల వర పుత్రుడు  

యశోద నందనుడు  యదుకులభూషణుడు 

సుందర లీలలు వందల కొలది 

పాలు మీగడల వెన్న దొంగగా 

పడతుల వస్త్రాపహరణలు చేసినను 

ధర్మ పాలనలో భాగంగానే ..... 

గొల్లభామల గోపెమ్మల మనసులు దోచినా   

అమలిన శృంగార రసజ్ఞుడు  .... 

ఇంద్రగర్వ భంగ సూత్రధారి

కుంతీ పుత్రుల రక్షపాలకా ! .... 

నగునూరి రాజన్న 

చిత్ర కవిత తేది : 25-08-2024 శీర్షిక : ఆదిమధ్యాంత రహితా

 చిత్ర కవిత

తేది : 25-08-2024

శీర్షిక :  ఆదిమధ్యాంత రహితా 

దేవకీ వసుదేవుల సంతానమై 

యశోద నందునింట పెరిగిన కన్నయ్య  ... 

మధురలోన జన్మించి మర్మముచే 

రేపల్లెకు చేరితివి వింతగాను .... 

అష్టమ గర్భం అష్టమి తిథి 

అష్ట భార్యల ఇష్టసఖుడా ! 

ఆదిమధ్యాంత రహితా   .... 

ఆయుధమే ముట్టకుండా 

అణచితివి  దుర్మార్గులను ... 

పాలు మీగడల వెన్నదొంగవై  

పడతుల వస్త్రములు దాచితివి ...  

నందనందనా  శ్రీకృష్ణా  

కారణ జన్మా  కంస సంహారా  .... 

బాల్య చేష్టల తోడ బంగారు 

బంధములే గోపెమ్మలతో .... 

మిత్రబృందమును సదా 

రక్షిస్తూ రక్తి కట్టించావు కథలు ... 

ఆటపాటల మన్ను తిన్నా  

అమ్మ ప్రశ్నిస్తే నోట ముల్లోకాలు 

చూపిన మురళీధరా ముద్దుకృష్ణ 

ఇంద్రగర్వ భంగ సూత్రధారి

కుంతీ పుత్రుల రక్షపాలకా ! .... 

 

నగునూరి రాజన్న 

హృదయ మాధ్యమం తేది: 20-08-2024 శీర్షిక : మానవత్వం .....

 హృదయ మాధ్యమం 

తేది: 20-08-2024 

శీర్షిక : మానవత్వం ..... 

పలకరింపులో శంఖారావమై  

పరవశాలకు మూలమౌతుంది .... 

పరిమళాలు విరజిమ్ముతూ 

పదుగురికి ఆనందాలు పంచుతుంది  .... 

మంత్రించిన మరయంత్రంలా 

ఎదుటి మనసెరిగి మసలుకోవడం....  

నిరాడంబర నిజ స్థితికి అనుకూలమై

నిర్మలమైన జీవన మార్గానికి నాందీ 

పలకడం  .... 

మమతకు సమతకు ఘనమైన మరో రూపం 

మానవతకు మహోన్నత చిహ్నం 

ఆత్మీయతకు అనురాగానికి సంకేతం 

అనుబంధాలకు అపురూప సన్నివేశం ... 

హృదయ స్పందనలే మానవత్వం 

అది లేకుంటే మృగాలకన్నా హీనం .... 

సంపదలెన్నున్నా సాధించలేని శాంతికి  

ఆత్మజ్ఞానమే ఆఖరి అస్త్రమని గీత బోధన .... 

బుద్బుదప్రాయమైన ఈ జీవితానికి 

ఆత్మజ్ఞాన సముపార్జనే ధ్యేయమవ్వాలి ... 

జీవిత అనుసంధానమైన భక్తిభావంతో 

భగవంతుని ఆశ్రయం పొందాలి .... 

జీవరాశిలో మిన్నని వితండమే గాని 

భావరాశిలో వెనకపడి పోతూనే ఉన్నాడు ... 

కలిమాయల కవాతులేమో గాని 

రాను రాను రాక్షత్వం పొదువుకుంటున్నాడు .... 

పెరుగుట విరుగుటకంటారు ... 

పెరిగిన చెడంతా విరిగి ఇక మంచి పెరగాలని 

మనసారా కోరుకుందాం …

మనిషిగా మానవత్వాన్ని చాటుదాం .... 

నగునూరి రాజన్న 

ఎడిటింగ్ తేది 24-08-2024 శీర్షిక : సవ్య దిశ

 ఎడిటింగ్ 

తేది 24-08-2024

శీర్షిక : సవ్య దిశ 

కవితైనా కథలైనా 

కథనం పద్దతిగా 

సాగితేనే ....మృష్టాన్న భోజనం 

కాదంటే విషన్నమే ... 

అక్షరాలు  దుమికేతే 

లక్షణమైన  భావము .... 

దోషముతో భాష్యమైతే 

గోసనే చదువరులకు .... 

అవక తవకలైతే 

అడవికాచిన వెన్నెలే ... 

చవకబారు భావంతో 

చీకి పాకాన పెట్టు..... 

ఎడిటింగ్ తోనే 

ఎకాఎకి వెండితెరలలో 

దండి దొరగా సినిమాలు 

విజయించిన దాఖలేలెన్నో 

చూచినవి విన్నవి 

ఇతరులకు సొంపుగా 

చెప్పే విధానమే 

సముచితమైన సంబరం ... 

ముఖ్యంగా 

దినపత్రికలలో 

టి వీ లలో వచ్చే  వార్తలు 

లేదంటే తిప్పలే .... 

ఫోటోలలో ఎడిటింగ్ 

ఫోజులలో  విభిన్నం 

ఎన్ని మాయలైనా చేయొచ్చు 

ఉచితమైన విధానం 

ఉల్లాసాల సంతోషాలకు.... 

తప్పుడు మార్గాలైతే 

తప్పదు తిప్పలు 

చట్టపరమైన చర్యలకు 

నగునూరి రాజన్న 

కలం - గళం యుగళ గీతం తేది : 24-08-2024 శీర్షిక : నింగి తొలకరి నీవైతే…

 కలం - గళం యుగళ గీతం

తేది : 24-08-2024

శీర్షిక : నింగి తొలకరి నీవైతే… 

పల్లవి ... 

ఆమె 

నింగి తొలకరి నీవైతే 

అవనిమాతను నేనౌతా 

వినుమా ఓ సఖుడా  

చేకొనుమా ఓ విభుడా 

అతడు 

పరిమళములు చిలకరిస్తూ 

కుసుమముమై విరిసావు  

పరిసరాలు మరిపించే 

వలపులను  విసిరావు .... 

చ . 1. ఆమె 

వలపుల జడివానలో 

తలుపులన్నీ విచ్చుకునే.... 

చిలిపి ఊహలు ముసురుకుని 

కలలన్నీ సప్తవర్ణములాయె.... 

మనసు హారతి చేసాను 

నా మనసు హారతి చేసాను ... 

అతడు 

నింగిలోన మెరుపై జ్వలించి 

నీ మేనులోన లీనమౌతాను .... 

మేఘములో ఉరుములా 

నీ తనువెల్లా జడిపిస్తాను....

అల్లిబిల్లిగా అల్లుకుందాము  

అల్లుకుని తేరుకుందాము.... 

చ. 2. ఆమె 

రాగసుధలు ఒలకబోసి 

గువ్వలమై ఒదుగుదమా ....  

ప్రేమ తీరం చేరుకొని 

కపోతాలుగ మారుదామా 

నా మనసు పరితపించె 

పరితపించి ఎదురుచూసె ...  

చ. 2. అతడు . 

గ్రహించానే  నీ గుండె చప్పుడు 

దరిచేరాను నే చెంత ఇప్పుడు 

చిలిపి మనసును తెలుసుకున్నా 

కలికి హృదయం కనుగొన్నాను .... 

గుండె వాకిలి తెరిచాను 

నిండుగా కొలువై ఉండుమా 

నా దేవతవై కరుణించుమా 

ఆమె 

నింగి తొలకరి నీవైతే 

అవనిమాతను నేనౌతా 

వినుమా ఓ సఖుడా  

చేకొనుమా ఓ విభుడా 

అతడు 

పరిమళములు చిలకరిస్తూ 

కుసుమముమై విరిసావు 

పరిసరాలు మరిపించే 

వలపులను  విసిరావు .... 

నగునూరి రాజన్న 

అంతరిక్ష రంగంలో భారతదేశ విజయాలు తేది : 23-08-2024 శీర్షిక ; సువర్ణాధ్యాయం ...

 అంతరిక్ష రంగంలో భారతదేశ విజయాలు

తేది : 23-08-2024

శీర్షిక ; సువర్ణాధ్యాయం ... 

ఆకాశాన్ని హద్దుగా చేసుకుని 

మానవాళి కృషి ఓ అద్భుతం ... 

భారతదేశం కూడా అవకాశం 

వదలకుండా అక్షరాలా అమలు 

చేస్తున్నారు మన శాస్త్రవేత్తలు.... 

నిప్పులు కక్కే అనేకానేక దేశ విదేశాల 

వైవిధ్యమైన ఉపగ్రహాలను 

కుప్పలు కుప్పలుగా పంపించే 

పనిలో నిరంతరం నిమగ్నమే.... 

104 ఉపగ్రహాలను ఏక కాలంలో 

పంపించి అత్యుత్తమ పనివిధానాలతో 

చరిత్ర పుటలలో సువర్ణాక్షరాలతో 

ఘనత లిఖించుకున్నారు.... 

వేదాలలోనే నిక్షిప్తం ... 

రామాయణ మహాభారత కాలాలలో 

పుష్పక విమానాల ముచ్చట్లెన్నో 

విన్నాం ... ఇపుడు చంద్రయాన్ 

మంగళయాన్  లతో మహోన్నతమాయే ... 

అమ్మ నోటా విన్న చందమామ 

రావే మాటకు ... మామగారింటికి 

శోధనలు పరిశోధనల పేరిట 

మనమే చేరడం మహాద్భుతం .... 

ఇంతవరకు ఒక లెక్క .... 

ఇప్పుడు మరో లెక్కంటూ 

దన్ను దొరికిన శాస్త్రవేత్తలు 

అడుగులలో దమ్ము చూపిస్తున్నారు .... 

 

నగునూరి రాజన్న 

ఉల్లాస వల్లరి తేది : 23-08-2024 శీర్షిక : ఒకటొకటిగా…

 ఉల్లాస వల్లరి 

తేది : 23-08-2024

శీర్షిక : ఒకటొకటిగా…  

సహస్రాధికం 

ఉద్యమకాలపు కనుసన్నల్లో 

ఉనికి నిలబెట్టుకున్నదాఖలాలు ... 

ఇరవై శాతం ఉత్తీర్ణతలలోనే 

పదిలో పాసయ్యి...నిండా మునిగిపోయి  

పన్నెండు గట్టెక్కి చూపించాము .... 

ఉన్నత చదువుల్లో నైతే ఉద్దంఢుడైన 

బంగారు మూర్తి ఉపకులపతి హయాములో  

ఏకంగా ఉత్తీర్ణత పది శాతానికి పడిపోయినా ... 

పక్కాగా నిలబడి కలబడి గెలిచిన సంబరమే .... 

ఉన్నత చదువుల సరిదంటలలో  

ఉల్లాసాల కాలక్షేప కబంధ హస్తాలలో 

సాంకేతిక లేఖినిలో సైతం ఉత్తీర్ణత 

సాధిస్తే... ఊతమాయె ఉద్యోగార్హతమై  .... 

 

అమ్మా నాన్నల ఆశీర్వాదబలమో 

అమ్మవారి దీవెనలో కానీ ... అడుగిడిన 

చోటల్లా గెలుపు బాటల పలకరింపులే  ... 

నాలుగు  మారిపోయి ఐదవ చోట 

స్థిరమైపోయి బాధ్యతల బందీనయ్యాను.... 

కోరుకున్న బంధంలో చిక్కుకుని 

కోటి ఆశలకు నాందీ పలికాను ... 

నాలుగు దశాబ్దాల నడకలలో 

ఒకటొకటిగా అడుగులుపడి తీరుతూ 

విశ్రాంతములో విడిది చేసాక .... 

ఇంతకన్నా కోరుకునేదింకేముంటుంది.... 

నగునూరి రాజన్న 

చెన్నై తేది : 22-08-2024 శీర్షిక : పుణ్యభూమి

 చెన్నై  

తేది : 22-08-2024

శీర్షిక : పుణ్యభూమి 

ఘనమైన పట్టణ చరిత్రను 

మననం చేసుకోవాలనే  ఆశతో 

2004 నుండి ఆచారమైంది 

ఆచరణకొచ్చింది  దినముగా ... 

ఊరు పేరు అక్షరాలలో 

ఏత్వం లాగే ... మనుషులలో 

మాతృభాషపై పైత్యం ఎక్కువ 

మోతాదు ఉన్నదనే ఉవాచ ...  

వందలేండ్ల చరిత్రతో 

వర్థిల్లుతున్న నగరం ... 

నాడు తెలుగు వారి పాలనే 

నేడు  తెలుగు మూలాల 

తంబి పరిపాలనే ప్రస్తుతం ... 

పల్లవులు పాండ్యులు చాళుక్యులు 

చోళులు నాయక రాజులు పాలించిన 

దాఖలాలు ... పోర్చుగీసు వారు 

డచ్ వారు ఆంగ్లేయులు పాలించిన 

ప్రాంతం ... 

తెలుగు తమిళ భాషల సంస్కృతితో 

పేరొందిన ఆలయాల పెన్నిధిగా 

శిల్పకళలకు సజీవ సాక్ష్యమై 

వేల వత్సరాల వేలుపుగా నిలిచింది ... 

అనేక కర్మాగారములకు నిలయమై 

పారిశ్రామిక ప్రగతిలో ఎన్నో మైలు 

రాళ్లకు ప్రసిద్ధమై పదిల పరుచుకుంది 

చరిత్ర పుటలలో ... 

ఇడ్లీ సాంబారుకు ఇగురుబోణి 

దక్షిణ భారత భోజన విధానాలతో 

వరి అన్నమునకు వరిష్ఠమై 

పురి వేసినది పుణ్యభూమిగా ... 

నగునూరి రాజన్న 

సాంగత్య సౌరభం తేది: 22-08-2024 శీర్షిక : కుసుమ పరిమళాలు

 సాంగత్య సౌరభం 

తేది: 22-08-2024 

శీర్షిక :  కుసుమ పరిమళాలు 

గిరి కోనలలో రవి కాంతికి 

అరవిరిసిన కమలంలా 

విచ్చుకోవాలి ... కలువభామలా 

ఒక్కటనే భావన కలగాలి.... 

కుంటి  కూని రాగాలు తీసినా 

కుసుమ పరిమళాలు 

విరియాలి ...గుండు మల్లెల 

గుబాళింపులు కురిసి మెరవాలి  

చిన్న చిన్న మచ్చలున్నా 

చిరు దివ్వెలాంటి పండువెన్నెల 

సొన  వెదజల్లాలి... పిండారబోసిన 

చందంగా వెలుగులు ప్రసరించాలి ... 

చిమ చిమ లాడినా సిరి గంధం 

చల్లినట్లుగా ఆఘ్రాణ యోగ్యమై 

చల్లని పన్నీరులా మలయమారుతమై 

మాతృమూర్తి స్పర్శలా ఆనందించాలి .... 

ఆత్మీయతలు కలబోసుకుని 

అనురాగాలు వెదజల్లుకుని  .... 

తొలకరి ఆనందాలను మూట 

కట్టుకుని మురిపాలను కురిపించాలి ... 

నగునూరి రాజన్న 

అనుభవం గొప్ప గురువు తేది : 21-08-2024 శీర్షిక : సంపదల కోట

 అనుభవం గొప్ప గురువు 

తేది : 21-08-2024

శీర్షిక : సంపదల కోట 

ఎంత దూరమైనా ఒక్క అడుగుతోనే 

ప్రారంభం ... అడుగు అడుగు పడితేనే 

అనుభవాలు పొదువుకునేది ... 

ఆపదలను దాటుకునేది .... 

బాధ్యతలెరుగని బాల్యం

కలలు కనే కౌమారం 

బ్రతుకుదెరువుల పోరాటంలో 

వెలుగు నింపే యవ్వనం 

దేనికదే గొప్ప జ్ఞాపకం ...అయినా 

అన్నీ దాటుకుని వార్ధక్యం వాకిలిలో 

నిలిచినవారికున్న అనుభవాల మూట 

లెక్కలేనన్ని సంపదల కోట .... 

కొన్ని పనులు కష్టమైనా 

ఇష్టమైతే సులభమే .... 

ఇష్టాలకు ఇగురంగా నైపుణ్యం 

జోడిస్తే నగిషీలు చెక్కినట్టే .... 

చేతి వృత్తులకు చేవ జోడిస్తే 

తిరుగులేని ఆకృతులే .... 

కమ్మరి కుమ్మరి కంసాలి కంచరి 

నేతపని కుట్టుపని మేదరి మొదలగునవి 

నాన్నల సారథ్యంలో పదును పెట్టొచ్చు ... 

అక్షరజ్ఞానాలకు అమ్మ తోడైతే 

పెద్ద చదువులకు ఇతర వృత్తులకు 

ఇతోధికమై గుంభనముగా గురువులు 

కరుణిస్తేనే బరువు దీరు ... 

కార్పొరేట్ కల్చర్ లో 

కొట్టుమిట్టాడుతున్న 

సరికొత్త చదువులోలె 

సిద్ధాంతాల రాద్ధాంతం కాకుండా 

లౌక్యంగా పనులు చక్కబెట్టే 

నిక్కచ్చి సందర్భాలలో.... 

అనుభవాల నీడలే ఆశా జ్యోతులు ... 

అనుభవజ్ఞుల మాటలే 

నవతరానికి వారధులు .... 

 

నగునూరి రాజన్న 

చిగురు కొమ్మల చేవ తేది: 21-08-2024 శీర్షిక : భవిష్యత్తు భరోసాలు ....

 చిగురు కొమ్మల చేవ 

తేది: 21-08-2024 

శీర్షిక : భవిష్యత్తు భరోసాలు  .... 

చిగురాకుల మొగ్గలవి 

ఎదగనిద్దాం బలమైనవిగా .... 

చిరుదీపపు వెలుగులవి 

ప్రసరించనిద్దాం విరజిమ్మేలా .....

 

మురిపాల ముచ్చట్లతో 

ముద్దు ముద్దు కబుర్లతో 

చీకు చింతలు తెలియని 

చింతాకు పచ్చల హారాలు .... 

బుడి బుడి అడుగుల 

భువనమోహనపు భామలు.... 

చికుబుకు మాటల 

చిరుమల్లెల తోటలు .... 

కాపలాదారులై ఉండాల్సిన 

పెద్దమనుషులే కబళిస్తున్నారు ... 

వావి వరుసలు వయసు బేధాలు 

మరిచి మృగలౌతున్నారు .... 

భాషా ప్రాంతాల తేడా లేక 

దేశం నలుమూలలా

దిశా నిర్భయ  చట్టాలెన్ని చేసినా 

దశ మార్చలేని దౌర్భాగ్యం .... 

ఇంకా బలమైన చట్టాలేవో 

చేయాలి...భవిష్యత్తు భరోసాలైనా 

ముందు తరాన్ని మనమంతా కాస్తామని 

ముక్త కంఠంతో ఒట్టేసుకోవాలి 

నగునూరి రాజన్న 

మీ పాట మీ నోట తేది : 20-08-2024 శీర్షిక : శ్రావణ లక్ష్మి

 మీ పాట మీ నోట 

తేది : 20-08-2024

శీర్షిక : శ్రావణ లక్ష్మి 

పౌర్ణమిలో శ్రవణంతో  

పాలుగారు మిళితమై...  

వర్ధిల్లెను శ్రావణమై 

ధరణిలోన హైందవం ... 

చినుకు చినుకు పలకరించ 

చిద్విలాసమే చల్లదనం .... 

తొణకలేని సంప్రదాయం 

తోడు నిలిచే పండుగలతో ... 

పంచమితో నిలిచె కదా 

పావనమై నాగుల చవితి  

సంతానం కోసమని  ప్రజలు  

సాగిలపడి మొక్కెదరు... 

పౌర్ణమిలో శ్రవణంతో  

పాలుగారు మిళితమై...  

నిండుగా వచ్చెనే శుక్రవారం 

రెండవది వరలక్ష్మి వ్రతం

మెండుగా మొక్కెదరు అతివలు 

మంగళగౌరీ వ్రతముగా ... 

స్వాతంత్య్రం వచ్చెనని 

సభలతో మురిసెదరు ... 

మువ్వన్నెల పతాకం 

మురిపంగా ఎగురవేసి .... 

పౌర్ణమిలో శ్రవణంతో  

పాలుగారు మిళితమై...  

సోదరుల శుభంకోరి

రాఖీలు కడతారు... 

అండదండా అంతా నీవేనని 

అన్నదమ్ములుండాలని .... 

చిన్ని చిన్న పాదాల 

శ్రీకృష్ణుడొచ్చేవేళలు  

కృష్ణాష్టమి పండగ కూడా 

చిదానందమే ఈ మాసం ... 

పౌర్ణమిలో శ్రవణంతో  

పాలుగారు మిళితమై...  

వర్ధిల్లెను శ్రావణమై 

ధరణిలోన హైందవం ... 

నగునూరి రాజన్న 

ఫొటోగ్రఫీ తేది :20-08-2024 శీర్షిక : మంత్రాల పెట్టె

 ఫొటోగ్రఫీ 

తేది :20-08-2024

శీర్షిక : మంత్రాల పెట్టె 

ఫ్రెంచిలో బైలెల్లినా 

గ్రీకుభాషలో బోధించినా 

వందలేండ్ల కృషి దాగినా 

వరసంపత్తియే ఈనాడు ... 

తెలుపు నలుపుల చిత్రమై 

తొలి నడకలు నడిచినా 

సప్తవర్ణాల సరాగమై 

గుప్తంగా మనసు దోచింది ... 

మరిచిపోలేని మహోన్నత 

ఘట్టాలను మళ్ళీ మళ్ళీ 

తరిచి చూసుకునే వెసులుబాటు 

కల్పించి తరించింది .... 

ఖరీదైన ఖద్దరు మడతలా 

కొన్ని రోజులు ఫోజు కొట్టినా 

డిజిటల్ ప్రపంచంతో 

సామాన్యుని చేరువయ్యింది ... 

మనుషులంతా చేరుకోలేని 

మహిమాన్వితాలను కూడా 

మది దోచుకునే విధంగా 

భద్రపరిచి చేరువ చేయగల 

మంత్రాల పెట్టె అది ... 

నగునూరి రాజన్న 

రక్షా బంధన్ తేది : 18-08-2024 శీర్షిక : తోబుట్టువుల తోరం

 రక్షా బంధన్  

తేది : 18-08-2024

శీర్షిక :  తోబుట్టువుల తోరం 

అమ్మ గుడిని ఒడిని పంచుకున్నాం 

ఒకే రుధిరం ప్రవాహమైనది 

ఒక్క గూటిలో ఒదిగి పెరిగాం 

అమ్మ ముద్దులు కలిసి పంచుకున్నాం 

అమ్మ ముద్దలు కలుపుకుని  తిన్నాం 

అమ్మ ప్రేమలో మునిగి పోయాం ... 

అడుగు అడుగు కలిసి ఆడుకున్నాం 

చేయి చేయి కలిపి బడికి నడిచాం 

ఆటలలో పాటలలో చిలిపి అల్లరి చేసాము 

ఒకరికొకరం అండదండలైనాము .... 

సమతా మమతలు పంచుకున్నాం 

చదువు సంధ్యలు నేర్చుకున్నాం 

తోబుట్టువులమై తోరపు బంధమైనాము 

అక్కా తమ్ముళ్ళమైన అన్యోన్యతలు .... 

అక్క ముఖంలో వెలుగులు పూసాయి

దరహాసంతో తమ్ముడు ప్రదర్శనం ... 

మురిపమైన పండగ రాఖీపౌర్ణమిన 

ముద్దుముద్దుగా రక్షన బంధనం…. 

ద్రౌపదీ కృష్ణుల జ్ఞాపకం 

సంస్కృతి సంప్రదాయం 

సమున్నత ఆచారం 

సర్వేజనా సుఖినోభవంతు ... 

నగునూరి రాజన్న 

కలకత్తా డాక్టర్ తేది :17-08-2024

 కలకత్తా డాక్టర్ 

తేది :17-08-2024

కాలికా దేవి నిలిచిన గడ్డరా  ఇది 

కామాంధులకు అడ్డాగా మారినది…  

కబలించెను కసాయి గూండాగా 

కదిలించింది ప్రతివారి గుండెను ... 

ప్రజారోగ్యమే ప్రాణప్రదముగా 

నిద్రాహారాలను నీవు మరిచినా 

మేక వన్నె పులులలా పొంచిన 

దరిద్రులేమో కాచుకున్నారు... 

ధవళ వస్తములో దాగిన దేవతగా 

దండి సేవలందిస్తూనే పొంగినావు… 

దాగిన రాక్షసత్వాన్ని  గుర్తించక 

దమ్ము విడిచితివి నిస్సహాయతగా ... 

చిత్రహింసలతో చెరబట్టిన 

క్షణంలో బిగపట్టిన ప్రాణాలతో ... 

మిన్నంటిన అర్థనాదాలు 

మిన్నకుండిన అరణ్యరోదనాయే.... 

యుగానికో రాక్షసమూకలా 

గజానికో యమకింకరుడు .... 

సాటి ఆడదే సవతి ప్రేమ చూపిస్తూ 

రంగులు  పులుముకుంటున్నది ....  

ఆడవారెదిగితే అండదండలనుకున్నాం 

సాటి ఆడదే శత్రువని నిరూపితమాయె ... 

హోదాలో ఉండి  కూడా మొసలి 

కన్నీరు కారుస్తూ... తప్పించాలనే 

తండ్లాటాలు .. ఒప్పించాలనే 

ఆరాటాలు  వెరసి జగత్ కంత్రీల 

జగన్నాటకం .. 

అబలా మారిపో నీవే కాళికలా

సబలవని నిరూపించుకో పదేపదే… 

కబళించే మూకలకు ఝాన్సీరాణిలా

దునుమాడే దుర్మార్గుల పాలిట రుద్రమలా… 

నగునూరి రాజన్న 

దేశ భక్తి గేయం 15-08-24

దేశ భక్తి గేయం  15-08-24 

పల్లవి: 

గగనాన ఎగిరింది ఘనమైన బావుటా 

కనువిందు చేసింది కోట్లాది జనులకు 

జాతి ఎదనిండా నింపింది హర్షమృతం 

జగతిలోన చాటింది భారతీయ ఘనతను 

1. పసిడి పంటలను గాంచి చిరునవ్వు నవ్వింది 

ప్రగతి బాటలు చూసి గర్వముగా ఎగిరింది 

జాతి ఐక్యతను తిలకించి మురిసింది జెండా 

జీవనదుల పరవళ్లకు పరవశము పొందినది ... 

2. శాంతి కపోతంలా రెపరెపలాడింది 

సకల జగతికి ధర్మ సందేశమిచ్చింది 

వీరుల త్యాగాలకు చిహ్నంగా నిలిచింది 

విశ్వంలో మన జాతికి  గౌరవం నిలిపింది ... 

3. మువ్వన్నెల పతాకం లోకంలోనే మిన్న 

ప్రజల ఆత్మకు ప్రతిరూపమ ఈ కేతనం 

మన చరితకు మన భవితకు ప్రతిబింబం 

వందనాలు కేతనమా ! వినమ్ర వందనాలు... 

నగునూరి రాజన్న 

చిత్ర కవిత శీర్షిక - చీకిపోయిన బుస్సు తేది : 28-07-2024

 చిత్ర కవిత 

శీర్షిక - చీకిపోయిన బుస్సు 

తేది : 28-07-2024

నాయకుల పరుగు కార్లలో 

పేదల బతుకు బస్సుల్లో ... 

అదీ చీకిపోయిన ఎర్రబస్సు 

అవగతమైతే అంతే చాలు .... 

పడిపోయింది ప్రయాణీకుడా ?

క్రమశిక్షణా రాహిత్యమా ? 

అధికారుల అలసత్వమా ? 

నాయకుల వారసత్వమా ? 

కళ్లెం లేని ప్రజల అత్యాశలా ?  

అయినా అడ్డదారి చెడ్డదారి 

అని చెప్పకనే చెప్పింది.... 

వరుసలో రావాలనే 

క్రమశిక్షణలే లేని రవాణా ..... 

రీల్స్ చేస్తున్నారో 

రియల్ అవసరమో 

కాళ్లు చేతులున్న కబోదులకు 

కాలం చెప్పిన జవాబు ..... 

ఉచితాలంటూ ఊరేగిస్తూ 

ప్రజలను తప్పు తోవలు 

పట్టిస్తున్న  ప్రజానాయకులు 

పరిశీలించుకోవాలి మనఃసాక్షిని .... 

నగునూరి రాజన్న 

కవన రవళి - అంశం: మీ పాట మీ నోట ( వాన పాట )

 కవన రవళి - 

అంశం:  మీ పాట  మీ నోట ( వాన పాట )

తేది :23-07-2024 

మేఘములు ముసురుకుంటే 

మేనంతా పులకరించు ... 

వానమ్మా కురుస్తుంటే 

ఊరంతా సంతోషమే .... 

చిటపట చినుకులలో 

చిరునవ్వుల బాల్యము .... 

బాలలంతా చేరిపోయి 

ఆటలలో మునిగిపోవు ... 

చలిచలిగా ఈల వేస్తే 

యువతకంత గిలిగింతలే ... 

పడుచులకు పండగలా 

సంతసాల జాతరలే ... 

మేఘములు ముసురుకుంటే 

మేనంతా పులకరించు ... .. 

తటాకములు నిండితేను 

పటాపంచలే కరువునకు ... 

పైరులన్నీ ఎదుగుతుంటే 

పట్టరాని ఆనందమే రైతన్నకు ....

మడులన్నీ  జలకళతో 

ఇలాతలము మరకతమై   ... 

పసిడిపైర్లు పెరుగుతుంటే  

దరహాసమే హాలికునకు  ... 

మేఘములు ముసురుకుంటే 

మేనంతా పులకరించు ...  

కువకువలా పలుకులతో 

పక్షులన్నీ కులుకుతాయి .... 

మందస్మిత వదనంతో 

మయూరమే నర్తించును.... 

సప్తవర్ణ శోభితమై 

సరాగాలు మీటుతూ ... 

హరివిల్లులు  నేలదిగితే  

కిలకిలలే బాలలకు ... 

మేఘములు ముసురుకుంటే 

మేనంతా పులకరించు ... 

వానమ్మా కురుస్తుంటే 

ఊరంతా సంతోషమే .... 

నగునూరి రాజన్న 

వరలక్ష్మి శుక్రవారం తేది: 16-08-24 శీర్షిక : ఇంటిల్లిపాదికి ఆరోగ్య సంపద…

 వరలక్ష్మి శుక్రవారం

తేది: 16-08-24

శీర్షిక : ఇంటిల్లిపాదికి ఆరోగ్య సంపద… 

సహస్రాధికం 

ఆషాడపట్టిలో తొలకరి 

చిలకగానే పులకించు ధరణీమాత ... 

శ్రవణంలో శశి చేరగనే 

శ్రావణమై వర్దిల్లె కాలచక్రంలో .... 

పచ్చకోక  చుట్టుకున్న పడతిలా 

అవని ముత్తైదువ అలంకరించుకోగానే ... 

ఆనందాలొకవైపు మునకలేయిస్తుండగానే 

అనారోగ్యాల ముప్పు పొంచి అవకాశం 

కొరకు అర్రుల రెక్కలు చాపి  మాటేస్తుంది .... 

ఆరోగ్యం, ఆపదలో ధైర్యం , కష్టనష్టాలలో 

ఓర్పు, ఆవేశంలో అణకువ , వైఫల్యాలలో 

గుండె నిబ్బరం , అపజయాలలో ప్రత్యామ్నాయం , 

విజయాలలో సంయమనం అన్నీ  సంపదలే 

ఆ తల్లి లక్ష్మీదేవికి ప్రతి  రూపాలే  అష్టలక్ష్ములుగా .... 

మానవాళి నిత్య సుఖ శాంతులకై 

చారుమతీదేవి దూతగా కైలాసవాసుడు 

కామేశ్వరి మాతకు బోధించిన కథ .... 

ఆరోగ్య రక్షణలకైనా  

అపురూప సంపదలకైనా 

ఆనవాయితీగా అందించెను కానుకగా 

కలియుగానికి కలికిమాలక్ష్మిగా 

అనన్యమైన వరలక్ష్మీదేవి వ్రతం 

శ్రావణమాసం రెండవ శుక్రవారం… 

ఇల్లాలే  ఇలవేల్పుగా శుచి శుభ్రతలతో 

ఇంటిళ్లిపాదిని కనిపెట్టుకుని 

ఇంటికి దీపం ఇల్లాలుగా పూజలు చేసి .

కంటికి రెప్పై కాచుకును...  

కుటుంబ హారానికి  

కువలాయాక్షియే సూత్రం .... 

కుడి ఎడమైనా కుంటుపడు 

ఇంటిల్లిపాది విచిత్రం .... 

నగునూరి రాజన్న 

జెండా వందనం తేది 15-08-2024 శీర్షిక : సమున్నతమై ....

 జెండా వందనం 

తేది  15-08-2024

శీర్షిక : సమున్నతమై .... 

పింగళి వెంకన్న మంత్రం 

ఫిరంగిలా నిలిచిన యంత్రం 

మువ్వన్నెల పతాకమై 

ముద్దుగొలిపే జనులకంతా .... 

స్వాతంత్య్రం గుర్తుగా 

సామూహికమై జరుపుకునే 

జన సంద్రపు హోరులో 

జెండాకు వందనము... 

అహింసనే ఆయుధమని 

స్వాతంత్య్రం సాధించినా ... 

కాషాయం బోధించేనే 

కదనరంగ శౌర్యాలను ... 

శ్వేతము శాంతిని సూచించగా 

ఆకుపచ్చ హాలికునికి శ్వాసగా 

నిలిచెనే.... ధర్మానికి సూచికగా 

అశోక ధర్మచక్రం ఆపన్నమే .... 

ఎదఎదలో జాతికీర్తి ఫరిఢవిల్ల 

వందనమని నుడివెదమా జండాకు 

వందనమని కొలిచెదమా అందరము 

సామూహికమై  సమున్నతమై ... 

 

నగునూరి రాజన్న 

స్వతంత్ర భారత దేశమా శీర్షిక : చిగురించేది .... 15-8-2023

 15-8-2023   

అంశం :స్వతంత్ర భారత దేశమా

శీర్షిక : చిగురించేది .... 

స్వతంత్ర భారతమా వందనం 

కుతంత్రాల నీలి నీడ రానీయకుమా ....

 

మాతృమూర్తిగా నీకు ఎల్లప్పుడూ 

మనస్పూర్తి వందనములు...

మహోన్నతమైన మహిమాన్వితా 

నీకు ఇదే  అభివందనము ... 

దేశమంటే మట్టికాదనీ  

దేశమంటే మనుషులనీ 

మహానుభావుల ఉవాచలూ ... 

నిజము చేసి చూపించుమా ... 

స్వతంత్ర భారతమా వందనం 

కుతంత్రాల నీలి నీడ రానీయకుమా ...

నాగరికత నడకలలో 

పునాదులే మానవత్వం ... 

పుణ్యమైన పురోగతికి 

పురిటి సంధి కొట్టకుంటే .... 

మర్కటముల మార్పుతోనే 

మనుష్యులవతరించారని .... 

మతి చలించి మనుష్యులే 

మర్కటపు ఛాయలౌతున్నారని  .... 

స్వతంత్ర భారతమా వందనం 

కుతంత్రాల నీలి నీడ రానీయకుమా ...

సంశయమే సగటుమనిషికి 

వెసులుబాటులేని తనానికి .... 

అందుకే మరోసారి నినాదిద్దామా 

మనువుతో మనుషులుంటేనే దేశమని  .... 

రంగులకూపం రాజకీయమయినా 

హంగులలోకం రౌడీజమైనా ….

ముసుగురూపం  కులమతాలైనా 

కునారిల్లేది మానవత్వమే ..... 

స్వతంత్ర భారతమా వందనం 

కుతంత్రాల నీలి నీడ రానీయకుమా ...

సాటి మనిషిని సన్మానించు 

సవ్యదిశగా నడక సాగించు .... 

సంకుచితాలను పారద్రోలుతూ 

సోదర భావం కనబరుచు....  

కులమతాలకతీతముగా 

విజ్ఞులంతా ఒకటైతేనే .... 

వికటిస్తున్న మానవత్వం 

అంటుకట్టి చిగురించేది ….

స్వతంత్ర భారతమా వందనం 

కుతంత్రాల నీలి నీడ రానీయకుమా ...

నగునూరి రాజన్న 

దేశ భక్తి గేయం

దేశ భక్తి గేయం  

పల్లవి: 

గగనాన ఎగిరింది ఘనమైన బావుటా 

కనువిందు చేసింది కోట్లాది జనులకు 

జాతి ఎదనిండా నింపింది హర్షమృతం 

జగతిలోన చాటింది భారతీయ ఘనతను 

1. పసిడి పంటలను గాంచి చిరునవ్వు నవ్వింది 

ప్రగతి బాటలు చూసి గర్వముగా ఎగిరింది 

జాతి ఐక్యతను తిలకించి మురిసింది జెండా 

జీవనదుల పరవళ్లకు పరవశము పొందినది ... 

2. శాంతి కపోతంలా రెపరెపలాడింది 

సకల జగతికి ధర్మ సందేశమిచ్చింది 

వీరుల త్యాగాలకు చిహ్నంగా నిలిచింది 

విశ్వంలో మన జాతికి  గౌరవం నిలిపింది ... 

3. మువ్వన్నెల పతాకం లోకంలోనే మిన్న 

ప్రజల ఆత్మకు ప్రతిరూపమ ఈ కేతనం 

మన చరితకు మన భవితకు ప్రతిబింబం 

వందనాలు కేతనమా ! వినమ్ర వందనాలు... 

పll

గగనాన ఎగిరింది ఘనమైన బావుటా 

కనువిందు చేసింది కోట్లాది జనులకు 

జాతి ఎదనిండా నింపింది హర్షమృతం 

జగతిలోన చాటింది భారతీయ ఘనతను 

నగునూరి రాజన్న 

పరాయి పాలన తేది : 14-08-2024 శీర్షిక : బ్రతుకు ... బ్రతుకనీయి ...

 పరాయి పాలన

తేది : 14-08-2024

శీర్షిక : బ్రతుకు ... బ్రతుకనీయి ... 

పంచ తంత్రములోని మూడు 

చేపల కథలా ... బుద్ది నేర్వక 

పోతే... సద్ది ముల్లె గల్లంతయినట్టు 

అనుభవాలనుండి పాఠాలను 

నేర్చుకోవాల్సిందే.... 

ఆనాటి చిన్న చిన్న అనైక్యతలను 

శత్రువులు తమకు అనుకూలంగా 

మలుచుకుని... విభజించి పాలించు 

అంటూ  అదే తంతును కొనసాగిస్తున్నారు ... 

నాగరికత అంటూ కట్టు కథలెన్నో 

చెప్పుకుంటున్నాము... అయినా 

వన్యమృగాలలా ఈనాటికి పొరుగును 

హింసించడమే పనిగా పెట్టుకున్నాము. 

మనం పాటించిన అహింస గొప్పదని 

వేనోళ్ళ పొగడ్తలే ... కానీ మనది వదులుకోం 

మాదికానిది మాకొద్దు అని ఎంత మొత్తుకున్నా 

పట్టించుకున్న దాఖలాలు లేవు .... 

కలుషితాల కుప్ప మనిషి ప్రతిక్షణం

కన్నేసి పక్కొనికి నిద్రలేకుండా 

చేసే దౌర్భాగ్యపు  రాజ నీతిని గొప్పగా 

చెప్పుకునే రోజులున్నంతవరకు 

పోరు బాటలే శరణ్యం ..... 

కడుపులో లేనిది కావులించుకుంటే 

ప్రేమలు పొంగుతాయా .... కల్మషాలను 

కడుక్కుని  బ్రతుకు ... బ్రతుకనీయి అనే 

సూత్రమైతేనే ఎల్ల విశ్వం క్షేమం .... 

నగునూరి రాజన్న 

అంతరాత్మతో సంభాషణ తేది : 14-08-2024 శీర్షిక : అప్పుడప్పుడు ....

 అంతరాత్మతో సంభాషణ 

తేది : 14-08-2024

శీర్షిక : అప్పుడప్పుడు .... 

సహస్రాధికం 

ఎప్పుడూ తోడునీడ గానే ఉంటానా  

అన్నీ నీసమ్మతంతోనే చేస్తున్నానా....

ఎందుకో  అప్పుడప్పుడు నిన్ను 

మరిచిపోతున్నాననిపిస్తున్నది .... 

ప్రశ్నించుకుంటే....అనుకోకుండానే 

చాలా విషయాలు నీవు చెబితే చేసినట్టుగానే 

చేసేసినా...అహం తట్టి లేపినప్పుడో...  

అలక పలకరించినప్పుడో ...కోపంతో 

మూతి ముడుచుకున్నప్పుడో....బంధు 

బలగంలోనో మిత్రబంధంలోనో పక్షపాతం 

నెత్తికెత్తుకున్నప్పుడు మాత్రం 

మనసెందుకో ససేమిరా అంటుంది... 

చాలా సార్లు అవలోకించుకోవాలి 

లోలోపలికి తొంగి చూసుకోవాలి 

అని చుట్టూ పదుగురికి  కట్టుదిట్టంగా 

బోధించినా....నావరకు వచ్చేసరికి మాత్రం ...

న  కారమునకు ఓటేసి  

మారాము చేస్తుంది మనసు .... 

నాలుగుకాలాలు నలుగురిలో 

ఉదాహరింపబడే ఉదారత్వం 

పొదువుకుని జిలుగు వెలుగులు 

విరజిమ్మాలనుకుంటాను...కానీ 

ఎందుకో అప్పుడప్పుడు చీకటి 

చేతికి చిక్కిపోతున్నాను   ... 

సెలయేటి చెలిమె నీటిలా చల్లగా 

తీయగా పానకమై అందరి దాహార్తిని 

తీర్చేద్దామనుకుంటానా....ఎందుకో  

అంతలోనే కటిక చేదు రుచితో 

కలుషితమై కాసారమౌతున్నాను .... 

నలుగురిలో ఒకరిగా  నేను 

కలిసిపోవాలనుకుంటాను... 

కానీ ఊరంతా ఒకదారైతే ఉలిపి

కట్టేదొకదారిలా అప్పుడప్పుడు 

తెలియకుండానే  ఒంటరినై 

తదుపరి కుములిపోతాను  .... 

నగునూరి రాజన్న 

ఎడమచేతి వాటం తేది : 13-08-2024 శీర్షిక : తేడా లేదు

 ఎడమచేతి వాటం 

తేది : 13-08-2024

శీర్షిక : తేడా లేదు 

కుడి ఎడమైతే పొరపాటు 

లేదన్నారు ... అయినా ఆచార 

సాంప్రదాయ మయ్యింది కుడిచేతివాటం ...

అధికులకు ఆరాధ్యమయ్యింది ....  

మనిషికి మాత్రమే రెండు చేతులు 

మసలుకుంటే రెండూ ప్రధానమే ... 

రెండూ సమానమని నిరూపనే 

చప్పట్లతో  తథ్యమని .... 

అభ్యాసముతో ఆదరణ 

ఆమోదముతో బలీయం ...

సులభరీతులకై విడమరిచారేమో

సుందరములకై విభజించారేమో

ఏకరీతిని ప్రోత్సహించారు 

శుభాశుభములని గ్రహించారు .... 

నూటికి తొంభైతొమ్మిది 

కుడిచేతి వాటమైనా ... 

ఒక్కశాతమే గొప్పల కుప్ప ... 

మనిషికి చూస్తే ఎడమ వైపే గుండె.. 

ఆటలలో నిష్ణాతమే 

క్రికెట్టులోనైతే వైవిధ్యమే .... 

సృజనాత్మకత శూరత్వం 

పోటీలేకనే గెలుపు బాట .... 

నగునూరి రాజన్న 

ఎర్ర తివాచీ తేది : 13-08-2024 శీర్షిక : రారాజు గులాబీలా

 ఎర్ర తివాచీ 

తేది : 13-08-2024

శీర్షిక :  రారాజు  గులాబీలా 

సహస్రాధికం     

పూవుల్లో రారాజైన పూబోణిలా 

ఎర్ర గులాబీలను బోలు 

ఎర్ర తివాచీ గౌరవమంటే

ఎందరికి దొరికేను ఈ అనుబంధం .... 

గుణములలో మేటి ఘనమైతే 

బలముగానే గర్జనలై వినిపించును .... 

జయజయ ధ్వానములు 

జయహో జయహో రాగములు  ... 

మంచిని మించినదింకేమున్నది 

మనకు మనమై గౌరవించుకోవడం ... 

మమతలను మరోతీరు ప్రస్తావించుకోవడం 

ప్రేమను బహు గొప్పగా నిర్వచించుకోవడం .... 

ఆత్మీయతల మల్లెలు విరబూయడం 

అనురాగాల మందారాలు విచ్చుకోవడం 

మరువ దమనాలై పరిమళించడం 

మరిచిపోలేని గుర్తుగా మిగిలిపోవడం .... 

గ్రీకులో మొదటగా ప్రస్తావించబడినా 

ప్రాకినది విశ్వమంతా పెన్నిధిగా .... 

నాటకరంగంలో అది రక్తికట్టించినా 

రచయితే  పూనుకుని శంఖమూదాడు...  

ఏది ఏమైనను ఘనమునకు 

సవినయమైన సంప్రదాయ మయ్యింది 

సంబరాలను సదా  పంచినది 

సగౌరవస్థానమును పొందినది 

సభామర్యాదలు పాటించినది .... 

నగునూరి రాజన్న 

చిత్ర కవిత తేది : 12-08-2024 శీర్షిక : తెరిచిన పుస్తకమే

 చిత్ర కవిత

తేది : 12-08-2024

శీర్షిక : తెరిచిన పుస్తకమే 

తెరిచిన పుస్తకమైనా 

తెలిసిన సంద్రమైనా 

లోతులను కొలతేయలేని 

విజ్ఞాన భాండాగారములే .... 

విజ్ఞాన దాహమైనా  

వింతైన సముద్ర లోతైనా  

అంతులేనిది... ఒకరికి 

మరొకరికి పొంతన కుదరనిది ... 

ఎంతమంది చదివితే 

అన్ని కోణాలలో అర్థం 

స్ఫురిస్తుంది.... అలాగే 

సముద్రము అంతే .... 

ఇసుకపైన మొదలైన 

అక్షరాలు పుస్తకంలో 

పొదువుకుని సముద్రానికే 

కానుకగా అందించినది .... 

జీవితమంతా ఔపోశనపట్టినా 

లెక్కతేలని పుస్తకాలే ....    

కోకొల్లల పురాణాలు వేదాలు 

ప్రబంధాలు లెక్కలేనన్ని 

శాస్త్రాలు లెక్కకు మించిన 

పుస్తకాలు..... 

సంద్రం మదించితేనే 

అమృతమైనా స్వాతిముత్యమైనా 

పొత్తం మదించితేనే 

విజ్ఞానమైనా వింతగా సారమైనా 

అందిపుచ్చుకోగలిగేది .... 

నగునూరి రాజన్న 

చిత్ర కవిత తేది : 11-08-2024 శీర్షిక : వైవిధ్యమైన వంటకం

 చిత్ర కవిత 

తేది : 11-08-2024

శీర్షిక : వైవిధ్యమైన వంటకం 

వైవిధ్యమైన వంటకము 

నోరూరించే రుచులతో 

మానసోల్లాసములతో 

పోహళింపుల పుష్పాలు .... 

నూనెలో గోలింపులు లేకుండా 

ఆవిరితో ఉడకేసుకునే 

ఆరోగ్యాలకు  చిటుకా 

చిరుధాన్యాల మొలక .... 

పల్లి కొబ్బరి పుట్నాల 

చట్నీతో దట్టిస్తే 

అల్పాహార విందులే 

దక్షిణభారత శిరోమణులే ... 

సాంబారుతో కూడా ఇడ్లీలను 

స్నానమాచరింపజేసి 

పిల్లలకు పెద్దలకు 

బంధువులకు అర్పించవచ్చు ... 

చిట్టి ఇడ్లీల పేరిట 

చిందులే పిల్లలకు .... 

కుడుములు పేరిట 

కొదువలేదు వినాయకునికి ... 

బియ్యపు రవ్వ 

మినుపగుండ్ల పిండితో 

వారెవ్వా అనే రుచులు 

వైవిధ్యమైన వంటలు .... 

నగునూరి రాజన్న 

అలసిన మనసులు తేది : 07-08-2024 శీర్షిక : పేరుకు రాజు

 అలసిన మనసులు 

తేది : 07-08-2024

శీర్షిక :  పేరుకు రాజు 

సహస్రాధికం 

భూమి పుట్టినప్పటి నుండి 

భువనమంతా బువ్వ పెడుతూనే… 

బువ్వ కొరకు పాకులాడుతూనే 

ఉన్నాడు...నలుగురికి పెట్టాలని తాను 

ఐదు వేళ్ళతో ముద్ద నోట్లో పెట్టుకోవాలని ... 

ఏదీ...తీరని కోరికై  తిమిరంలా 

వెన్నంటి వస్తుంటే ...అలసిన మనసులు 

తెములుకునేదెలా...సకాలంలో . 

వరుణుడు కరుణిస్తేనే సాగుతుంది... 

మాయమవుతున్న మరకతం 

మానవ అలసత్వాలవాలం  

మలిన కాలుష్యాల కాసారం 

మారిపోతున్న క్రమబద్ద వర్షపాతం ... 

కల్తీలు నిండిన విత్తనాలు 

ఫలితమీయని కీటకనాశనీలు 

అదృష్టంకొద్దీ అన్నీ దాటుకున్నా 

అకాలవర్షాల అవాంతరాలు ... 

దలారీల మోసపూరిత దాష్టీకం .... 

అందుబాటుగాని గిడ్డంగుల వ్యవస్థ ....

నడ్డివిరిచే అడ్డగోలుకు వడ్డీలు ... 

పద్మవ్యూహంలో పసివానిలా 

ఒక్కడై పోరుతున్న నిక్కచ్చి యోధుడు .... 

రాజంటూ పేరుకు  కితాబులే గాని...

రాలనీయని కాసుల కథలే కష్ఠానికి

తగినట్టుగా ...అధికారపక్షమైనా 

ప్రతిపక్షమైనా  మొసలి కన్నీరే .... 

నగునూరి రాజన్న 

శ్రావణమాసం తేది : 10-08-2024 శీర్షిక: పండగల కాలం

 శ్రావణమాసం 

తేది : 10-08-2024

శీర్షిక: పండగల కాలం 

ఋతువు మార్పుతో 

గతి మార్చుకున్న కాలం 

ముసురులతో మురిపించి 

గ్రీష్మ తాపాన్ని మరిపిస్తుంది. ... 

పండగల మాసంగా పేరొంది 

ఆధ్యాత్మిక తరంగంతో 

అలరారుతుంది శ్రావణం 

ఆడవారి పేరంటాలతో ... 

ఆచారం సాంప్రదాయంగా 

అంది వచ్చును నాగుల పంచమి.... 

శుభ శుక్రవారములలో రెండవది 

వరలక్ష్మి వ్రతములతో వాయనమైంది .... 

అనుబంధాలకు చిహ్నంగా 

అలరారినది రాఖీపౌర్ణమి ... 

కన్నయ్య రాకకు కూడా 

కాలం కలిసి వచ్చింది కృష్ణాష్టమిగా .... 

మాసమంతా మగువలకు 

మనసారా ఆచరించే 

వ్రతములకు వాయనాలకు 

పేరంటాలకు పెన్నిధినే .... 

పాదాలకు పసుపు పూతలు 

పట్టువస్త్రాలు తళతళలు 

నోములు పూజలతో 

శ్రావణలక్ష్మిని కొలిచెదరు 

నగునూరి రాజన్న 

చిత్ర కవిత 07-01-24 శీర్షిక : హేమంతపు సీమంతం

 చిత్ర కవిత 

07-01-24

శీర్షిక : హేమంతపు సీమంతం 

హేమంతంలో సీమంతంలా చలిపులికి 

తాళలేక మంచు దుప్పటి కప్పుకున్న 

అవని మాత..అల్లంత దూరం దృష్టి 

ఆనక రవాణా కష్టాలు రహదార్లపైన.. 

గల్లీ అయినా ఢిల్లీ అయినా చలి ఛాతీ 

 విరుచుకోగానే పిల్లి తోకముడిచినట్టు 

 జనమంతా వినయంతో వినమ్రులై 

 విధేయతల చిరునామాగా మారిపోతున్నారు...

మధాహ్నమైనా మబ్బుపట్టిన

ఉదయాతపూర్వంలా భానున్ని 

 బతిమాలి ప్రకాశాన్ని సంధ్యా ప్రదోషంలా 

 చూపి చకితులను చేస్తున్నది ...

ఆగని కాలంతో అతలాకుతలమే.. 

కాలచక్రంతో కవాతు చేసే కదనరంగపు 

జవానులకు మంచుకొండల పలకరింపులు 

కోట్ల మంది నిశ్చింతలను ఊపిరిగా శ్వాసిస్తూ …

స్వార్థం వీడని సన్నాసుల చేతల్లో..  చర్చల్లో…

విలవిలలాడే వింత ప్రకృతి కలుషితాల

భూషితమై కాలుష్యాల పంటలతో మానవాళికి 

జీవరాశికి సవాలు విసురుతూంది... 

నగునూరి రాజన్న 

పిల్లి తేది :08-08-2024 శీర్షిక : శకున పక్షి

 పిల్లి 

తేది :08-08-2024

శీర్షిక : శకున పక్షి 

సబ్బు బిళ్ళ అగ్గిపుల్ల 

కాదేది కవితకు అనర్హం 

అన్నారు మన ఘన కవివర్యులు 

శ్రీ శ్రీ గారు.... 

పిల్లి పాలు తాగినట్లుండాలె 

గాని కుక్క పాలుతాగి కుండ 

పగులగొట్టినట్టు ఉండకూడదంటారు ... 

రాజకీయాలకు సరిపోయే సామెత ... 

ఎలుకల బాధకు ఇల్లు 

కాల్చుకునేదానికన్నా 

పిల్లిని పెంచుకోవడం మేలు 

కదా ...అంటారు, కానీ పిల్లి 

ఎదురైతే శకునం లెక్కలేస్తారు ... 

తల్లి ప్రేమకు తార్కాణంగా 

పిల్లలను ఏడిల్లులు తిప్పి 

అయినా కాపాడటానికి 

శతవిధాలా ప్రయత్నిస్తుంది.... 

పిసినారిని మాటనలేక 

పిల్లికి బిచ్చం పెట్టాడురా 

కాకికి ఎంగిలి చేయి విదల్చడని 

పరోక్ష సూచనలు ..... 

పిల్లి సైతం పులి అవుతుందంటారు 

హద్దులు మీరు సహన పరీక్షల్లో 

గదిలో బంధించి గావుపడితే .... 

పిరికి వాళ్లకు ధైర్య బోధనలో .... 

పెళ్ళికి పోతూ పిల్లిని చంకన 

వేసుకోలేకపోయినా ....  

విదేశాలలో పెంపుడు పిల్లులకు 

ఆస్తి పాస్తుల అప్పగింతలు .... 

పేదరికం నిర్వచనం లో 

ఇంటిపొయ్యిలో పిల్లి లేవలేదురా 

ఆలుమగల చిటపటలలో 

పిల్లి ఎలుకల చెలగాటం అంటారు.... 

నగునూరి రాజన్న