చైతన్య గేయం
నాది నాదంటూ మురిసేవు
నరుడా ఓ పామరుడా ....
ఏమేమి తెచ్చావు వచ్చునపుడు
ఏదిరా నీది ఎక్కడుందిరా
ఉత్త చేతులతోనే
ఊపుతూ వచ్చావు నీవు
ఉత్త చేతులతోనే
వెళ్లి పోతావు నీవు ....
అవనిపైన నీ
ఆరళ్ళ జోరేమిరా ?
చెట్టు నాదంటావు
గుట్ట నాదంటావు
మట్టి నాదంటావు
ధరణి పైనా నీ
దర్పమేందిరా
పేను లాంటి నీకు
పెత్తనమేంటిరా ?
బండ నాదంటావు
గుండు నాదంటావు
ఇసుక నాదంటావు
చీమకైనా లేని
చింత ఎందుకురా ?
అన్నీటినీ అమ్ముకుని
సొమ్ము మూటా గట్టుకుంటావు
ఆస్తులు గూడ బెట్టుకుంటావు
తర తరాలకంటూ
తరగని ఆస్తులంటావు ...
తలకు మించిన భారాలు చేస్తూ
తండ్లాటలెందుకురా...
--
...
ప్రకృతి పరిమళిస్తేనే
ఆరడుగుల గోయ్యి
నీ ఆనవాళ్ళవునురా ....
ఆవులించిందా
అడ్రస్సే గల్లంతురా....
తెలుసుకుని మసులుకో
తెలివి మీరా నడుచుకో
భావితరాలకు నీవు
తారాగ వెలుగురా ....
నగునూరి రాజన్న
No comments:
Post a Comment