మేడే ఉత్సవం కార్మికుడిది
అది సాధించాలంటే :
మేడే ఉత్సవం కర్షకుడిది
రాజుల రోజులు పోయి రాజ్యాలు మారినా
రాళ్లు రప్పలు మోసే కూలీల బ్రతుకులు మారేనా...
జాగీరులు చేవ చచ్చి జమిందారీ మారినా
జగమెరిగిన కష్టజీవి కర్షకుని బ్రతుకు మారేనా....
సామ్యవాదం పేరు చెప్పి ప్రజాస్వామ్యం నెలకొల్పినా
సాగుతుందా సగటు శ్రామికుని బ్రతుకు దెరువు సజావుగా...
కమ్యూనిజం కుప్పకూలి కామాందులు మారినా
రెక్కాడితే గాని డొక్కాడని బక్కోడి బ్రతుకు మారేనా...
రాజరికం, ఫెడరలిజం, జాగీర్దారీ, జమిందారీ,
సామ్యవాదం, ప్రజాస్వామ్యం,కమ్యూనిజం, కాపిటలిజమ్ ,
పేరేదైనా, రాజ్యమేదైనా మారనిదొక్కటే
కార్మికుడి బ్రతుకు దెరువు
పదే పదే దోపిడీకి గురౌతున్నాడు శ్రామికుడు
అదే పరమ సత్యం......
రాజ్యాంగాలెన్ని మారినా, చట్టాలెన్ని తెచ్చినా నిరుపయోగమే
వ్యవసాయం లో కర్షకునికి, వాణిజ్యం లో కార్మికునికి
సరైన వాటాలు దక్కనిదే .......
కర్షకుని నష్టాలు పూడి, కార్మికుని కస్టాలు తీరి,
ఆత్మహత్యలు లేని రోజు
న్యూసులు , వ్యాసాలూ అచ్చుగాని రోజు
అదే కదా అసలు సిసలైన "మేడే "రోజు .
కావాలి ఆత్మబలం కర్షక, కార్మిక వర్గానికి
కావాలి ఆత్మీయత, మానవత అధికారులకు , అధినాయకులకు
అప్పుడే కదా నిజమైన మేడే ఉత్సవం .. మహోత్సవం
మనందరికీ అమితమైన ఉత్సాహం.
