అంశం - చిగురించిన వసంతం
తేదీ -26-04-2019
శీర్షిక - కాల చక్రం
సంఖ్య - 169
శివోహం అంటూ శిశిరం వెళ్ళిపోతే
వైష్ణవోహం అంటూ వసంతం అడుగిడదా!
మంచు దుప్పట్లను తొలగించుకుని
వన్నె తగ్గిన ప్రకృతి సోయగాలకు
పచ్చ అందాలను ముద్దాడ....
ఉట్టిపడే జీవకళను పుణికిపుచ్చుకుని
ఉరుకు పరుగున వచ్చే వసంతం
ఉగాది కోయిలలకు ఊతమిస్తూ
ఉషారు నింపును ప్రతి జీవితాన....
అంగ రంగ వైభవంగా ఆది దేవుడి కళ్యాణం
అపర అయోధ్యయైన భధ్రాద్రి మొదలు
అన్ని ఊళ్లలో ఆచార శుభంబై ఆచరించ
అనుమతప్పుడే కద..... లోక కళ్యాణాలకై
భూగ్రహపు అక్షము,పరిభ్రమణ కక్ష్య లే
కాల చక్రపు కొలమానం , ఋతువులకు మూలం....
కదులుతున్న కాలాన.. కనువిందు గావించు
ప్రకృతి సోయగాలే నిత్య చైతన్యముతో
పంచుతుంది పండు వెన్నెలలు ప్రతి వారి జీవితాన....
నగునూరి రాజన్న
కరీంనగర్ (ప్రస్తుతం :రిచ్మండ్ )
