ఏ దేశమేగినా....
తేదీ 19-12-2019
శీర్షిక -
పొగడాలి మిత్రమా !
సంఖ్య - 336
బుద్ది కలిగినవాడే పెద్దోడు
విశ్వం కన్ను తెరవకముందే
విశిష్ట సంస్కృతిని సంతరించుకున్నాం
అక్కడక్కడా అల్పులు అరిచినా
అద్వితీయమైన చరితకు ఆనవాళ్లు....
మాతృ మూర్తి మనకు జన్మనిస్తే
మాతృ భాష మమతా సమతలు నేర్పినది
మాతృ భూమి అక్కున చేర్చుకుని పోషిస్తున్నది
మనిషికి .... మరో ప్రపంచానికి... వారధిగా నిలుస్తున్నది
ఏదేశమేగినా ఎరుకకు ఇదే
ఆనవాలౌతున్నది....
ఎన్నెన్నో కులాలు మతాలు
ఎన్నెన్నో వర్ణాలు వర్గాలు.....
అయినా భిన్న సంస్కృతుల ఏకత్వం.....
ఎందరెందరో మహానుభావులు
ఈ స్థితికి ఆద్యులు... కొనసాగింపులు...
అందరికి వందనాలు....
వేద సంస్కృతికి వేదిక ఈ దేశం
ఇతిహాసాలకు పుట్టినిల్లు ఈ దేశం
సంస్కృతి సాంప్రదాయాలకు పట్టుకొమ్మ ఈ దేశం
ఉనికి మూలాలకు ఉన్నత విలువలకు మూలం ఈ దేశం....
ఏదేశమేగినా ఎందు కాలిడినా ..... మూలాలు
తెలపడమే కాదు ... పొగడాలి మిత్రమా!
నగునూరి రాజన్న
కరీంనగర్
