కవన రవళి వచన పద్యాలు
మకుటం:
ఈ కలలు సాకారమయేదెప్పుడో రామా !
తేది: 13-07-2024
1. గుణమున్న రాజకీయం గురుతరమై
మచ్చలేని నాయకులు మాకు దొరుకుట
రచ్ఛలేని సంఘములు ఇచ్ఛమై నిలువ
ఈ కలలు సాకారమయేదెప్పుడో రామా !
2. నిర్మాణాత్మక ప్రతిపక్షం ఉండి
నిర్మలమైన పురోగతి దేశమున
నిశ్చలమైన జీవితములు కుదురుట
ఈ కలలు సాకారమయేదెప్పుడో రామా !3. సకారాత్మక పాలకులకు నెలవై
సాధారణ జీవన రీతుల సత్సంగమై
సాధువంటి నాయకులకు పదవులు
ఈ కలలు సాకారమయేదెప్పుడో రామా !
4. దేశమ్ము ప్రథమమను దేహాలు చూడు
దోషమ్ము లేని సుగుణశీలురతోడ
భాష్యమ్ములై ఉదాహరించు భాగ్యజీవితం
ఈ కలలు సాకారమయేదెప్పుడో రామా !
5. పలురకాల కల్తీ కాలుష్యాలు లేకుండా
లంచగొండి బంధుప్రీతి పాలు కాకుండా
సర్వజనులు సమసమాజమై బ్రతుకు జూడ ...
ఈ కలలు సాకారమయేదెప్పుడో రామా !
నగునూరి రాజన్న
No comments:
Post a Comment