హోళీ గేయాలు
తేది 23-03-24
శీర్షిక : సప్తవర్ణం…
వచ్చింది వచ్చింది వసంతాల కేళీ
వరమై నిలిచింది వర్ణాలతో హోళీ …
ఆయనం మార్పులో
వాయనమై వచ్చింది
శిశిరములో భాసురమై శరశ్చంద్రికై వెలిగింది
హోళికను దహించి
రక్కసిని మట్టుబెట్టి
ప్రహ్లాదుని కావగా
పరిమళించే దైవత్వం ...
//వచ్చింది//
పాల్ఘుణమాసమున పౌర్ణమి శుభదినమున
ప్రసిద్దికెక్కెను…హోళీ పేరుతో రేపల్లెలోనా…
చిన్నా పెద్దలను చేరదీసి కలిపిందిపల్లె పట్నం సంబరమే పసందైన ఆటగా…
//వచ్చింది//
రంగులతో హంగులద్దె రమణీయపు కృష్ణయ్య
రాధమ్మను ఆటపట్టి రసరమ్యతలొలకబోసి
వర్ణములతో కేరింతలు వరసైన గోపికలతో
మధుర బృందావనమున మనసైన కన్నయ్య ...
//వచ్చింది//ఆడుదామా మనమంతా అసలైన రంగులతో
ఆత్మీయత వెల్లివిరియ అనురాగం వికసించ
అదే కద మన సంస్కృతి అసలైన వారసులం
కూడదని తెలపండి రసాయనాలు హానికరం…
//వచ్చింది//నగునూరి రాజన్న
No comments:
Post a Comment