వినోద గేయాలు
తేది : 20-04-24
శీర్షిక : కరువైన సంతోషం…
వింత వింత లోకములో
వినోదమొక సంతయ్యింది
ఎంత చెప్పినా ఏముంది
సంతోషాల జాడ కరువైంది…
సాంకేతికత చంకనెక్కాక
సారిస్తున్నది దిక్కులన్ని
పక్కనున్న మనిషితోనే
లెక్కలేని తనమయ్యింది…
చరవాణిని గిల్లేస్తూ
తెరలవాణిని గీరుతున్నరు…
అంతర్జాలానికి వేళ్ళన్నీ
అతుక్కు పోతున్నాయి…
// వింత వింత // మిషలెన్నో చూపించి మీన
మేషములు లెక్కపెట్టినట్టు…
విసురు మాటలు సంధించే
పసలేని పాలకుల పనితనములా…
పెళ్ళిల్లలో పేరంటాలలో
శాస్త్రీయతలకు శనార్తులు…
సహజత్వము లోపించి
సాగిలపడి బీరిపోతున్నది…
// వింత //
అనుభవాల సారాలను
అటకెక్కిస్తున్న తైతక్కలు …
చిత్రాలకు ఫోజులతోనే
చిక్కిపోయే సమయమంతా..
అయ్యవారి మంత్రాలన్నీ
అటకెక్కుతున్న దాఖలాలు
కదం తొక్కుతున్న కల్తీలాగా
కబళిస్తుంది మనను సైతం...
// వింత //
వేదికలపైన బాకాలూదే
వినాయకుల మాటలలా ..
మంచి సూక్తులన్నియును
వాట్సాపులకే పరిమితం…
మొహమాటం లోలోపల
మొత్తుకున్నా నోరు పెగలదు..
తనదాకా విషయం వచ్చి
తంటాలు మొదలాయె …
// వింత // నగునూరి రాజన్న
No comments:
Post a Comment