అభ్యుదయ గేయాలు
తేది: 19-03-22
శీర్షిక : మత్తు వదలరా
కవిత సంఖ్య : 872
మత్తు వదలరా మానవా
గమ్మత్తుంది ముందరా….
ఆలోచనల అణగదొక్కే
భస్మాసుర హస్తములా
నిన్నునీవె బంధించుకోకు
ఇతరులను నిందించకు…
అలసత్వాలకు తిలోదకాలు
అక్షరాస్యతలకు అండదండ
అదే నిలుచు దండి కొండై
మలిచి నిన్ను మిన్నగ …
అనుసరించు లోకంపోకడ
అలుపు లేక పరుగెత్తు
ఎదురెళ్లయినా పరిస్థితి ఢీకొట్టు
విజయాలకదే కనికట్టు ...
స్వార్థం వదిలి సవారి చేయర
సర్వ సంక్షేమాల నాయకత్వంతో
వ్యర్థ ప్రేలాపనలు వదిలిపెట్టరా
నిర్దయగా నిను వరించు విజయం …
ఉత్తుత్తిగనే దక్కదు ఏది
నిక్కచ్చిగ నిలిచి పోరాల్సిందే
సత్తువ చూపి చిత్తు చేయరా
మత్తు వదిలితే మరో లోకముందిరా…
ఊరికె కారు అంబానీలు
ఊక దంపుల్లకే జనాలు
కష్టపడితేనే దక్కు అదానీలు
కలబడి పోరితే నిదానాలుగా ….
నగునూరి రాజన్న
No comments:
Post a Comment