ఆకాశమంత మనసు
తేది: 12-04-24
శీర్షిక: అనంతం…
సహస్రాధికం …
అందరు నావారనుకునే ఆత్మీయత
అంతా మంచనుకునే భరోసా …
నాకేమిస్తావవనే స్వార్థముండక
సదా తానేమివ్వాలనే తపనలే ...
అక్కున చేర్చుకుంటే అనంతమే
మనసు పరవశాల నక్షత్రాలే ..
మననంతోనే మహోత్సవం..అందరు
బాగుండి అందులో తానుండడం …
నమ్ముకున్నోల్లకు నమ్ముకున్నంత
కొండంత అండలో కోనేటి రాయుడు…
ఎదుటోళ్ళ కష్టానికి ఎగపోసే కన్నీరు
దమ్ముచూపి దుమ్మురేపే రకం …
నడుంబిగించడమంటే సాయమే
మడమతిప్పని మహదానందం…
ఎక్కడ సరిగ్గా తగ్గాలో తెలిసి
అంతటా తానే నెగ్గే మనస్తత్వం…
మనిషి పోయినా మరక మంచిదేలా
మరువనీయని మనస్తత్వం ...
ఆకాశమంత మాత్రమే కాదు
అనంతమని నిరూపణలే ...
నగునూరి రాజన్న
No comments:
Post a Comment