అలవికాని ఆరాటం
తేది 10-10-2023
శీర్షిక : అత్యాశకు కళ్ళెం -
సహస్రాధికం.
అంతులేని ఆశల గూడు
అక్కరలేకున్నా నెత్తిన గోడు ...
భూబకాసూరులౌతున్న తీరు చూడు
కోట్లకు పడగలెత్తే నాగన్నలాయె నేడు ...
పశుపక్ష్యాదులే చాలా నయం
అక్కరపూర్తి వరకే వాటి లోకం
మనిషికెందుకో మరి ఈ మలినం
అక్కరలేకపోయినా సాగి దూరడం ...
అందరిపైనా చలాయించాలని అధికారం
ఆశల కొలిమిలో నిప్పులనెక్కి పోరాటం
వేలకోట్లతో పంచే ఫలహారం
ప్రజా జీవితాలకు కాదా చెలగాటం …
విజ్ఞానాల విద్వాంసులం
వివేక విచక్షణల సంపదలం …
విడమరిచి చెప్పగలిగే ఉద్దండులం
వింతగ స్వార్థాన్ని జయించలేని అసమర్థులం ...
ఆశలను అదుపులో ఉంచి
అత్యాశలకు కళ్లెం వేస్తూ
అపార జన సౌఖ్యాలను గుర్తించి
నడచుకోవడమే అసలైన మనిషితత్వం ...
నగునూరి రాజన్న
No comments:
Post a Comment