వేములవాడ జాతర పాట
ఎములాడ దేవుడట
రాజేషుని మహిమలట
గణపతికి మొక్కి మనం
గంటకొట్టి అడుగుదాం
అడుగడుగున మనల్ని
ఆపదల్ల ఆదుకొమ్మని //ఎము//
పార్వతమ్మ ఒడిలోన
పారాడిన బతుకులు
పానాలకు హాయిగా
అమ్మ కడుపు సళ్ళన //ఎము//
రాజేసుని నీడలోన
రందిలేని బతుకులు
రారాజుగ బతుకుదం
పిల్లా జెల్ల సల్లగుండ… //ఎము//
గండదీపమెలిగించి
గండాలను బాపుమని
పూజలాన్ని చేసి మనం
కోడె కట్టి మొక్కుదాం .... //ఎము//
భీమేశ్వర గుడికెళ్ళి
అభిషేకం చేయిద్దాం ....
అంజన్నను దర్శించి
ఆదుకొమ్మని అడుగుదాం ... //ఎము//
పోచమ్మకు శాఖవోసి
మనసారా మొక్కుదాం
పిల్లా పాప సల్లగుండె
ఆనతిమ్మని అడుగుదాం ...//ఎము//
నగునూరి రాజన్న
No comments:
Post a Comment