*చీమల పుట్ట*
శీర్షిక :
ఇంజనీరింగులోన ఇగురశాలి
నాణ్యతలలోన నడక నేర్పినది
విస్తీర్ణతలోన కొదువలేనిది
వింతలు నిండిన భవంతి
విందుభోజనాల నిలయం ...
మట్టి పులలనే మానుగా మిశ్రయించి
మహలునే నిర్మించు మహిమ చూడు…
శుచి శుభ్రతల శోభించునెపుడు
అనారోగ్యాలనందిపుచ్చుకునె సౌకర్యంతోడ…
రాణివాసము రమ్యమగునట
కార్మికలోకం కష్టించునచట …
కనికరములేక వెంటనే కుట్టునట
కదిలించి ఎవరైన వేలుపెట్టిన ...
విజ్ఞానవంతుణ్ణని విర్రవీగే మనిషి సైతం..
వింతగ నేర్వవచ్చు ఎంతో కొంత..
పిపీలికమని
తీసి పారేయయక
చూచిన
వాటి పనితనమున మతి చలించి ...
అప్పుడప్పుడవి దాతృత్వము
ప్రదర్శించి ధన్యులగును …
గృహముల దాతలై గూడునిచ్చును
గుంభనమున పాములకు ...
నగునూరి రాజన్న
No comments:
Post a Comment