అమృతం
తేది : 01-02-2024
శీర్షిక : అమ్మపాలు ...
కథల్లో విన్న అమృతం
కానరాకపోయినా ... కళ్ళముందు
కదలాడింది మాత్రం అమ్మ పాలే
అందరికి సమమైనది ...
అసువులు పోసి ఆయుష్షు నింపి
అల్లారుముద్దుగా పెంచిన
అమ్మపాలకంటే మించినదంటూ
మరేమి లేదు ఈ లోకానా ....
సురాసురులు సుందరమై
పాలసముద్రములో పట్టుబట్టి
వాసుకిని తాడుగా మలిచి
మందర పర్వతంతో మదించి
గడించినదే అమృతం....
కొంతమందికి ఉపమానమై
ఉల్లాసాలను నింపుతుంది ...
కరమున ఇమిడిన కప్పు కాఫీ
కాదంటే క్వార్టర్ మందైనా ....
ఏదైమైనా మనిషి ఆలోచన
అమృతప్రాయమై వెలుగొందితే
మానవాళికంతకే కాదు సుమా
విశ్వమంతా విరియు సురక్షనే .....
నగునూరి రాజన్న
No comments:
Post a Comment