చిత్ర కవిత ( గుజ్జన గూడు )
04-02-2024
శీర్షిక : పొదరిల్లు
బాదర బందీ లెరుగని బాల్యం
ఆటపాటల కోయిలతనం ....
అయినా దూరదృష్టి నిండిన
భవిష్యత్తు కోరికల నజరానా ....
పచ్చని వనం మధ్యలో
బాల పరిమళాల బంగారు
గుజ్జన గూడు సజ్జన
సాంగత్యంలా ....
కళ్ళల్లో కదలాడే విశ్వాసం
కమనీయపు ఆత్మసంతృప్తి...
దీటైన ప్రశ్నతో ధీశాలి
నమ్మకం తనమీద తనకు....
చుట్టూతా ప్రహారీతో
చురుకైన స్ఫురద్రూపి ....
చూడముచ్చటే పచ్చని
కొమ్మలతో పర్యావరణ హితమై ...
ఏదేమైనా బాల్యమందరికి
బంగారు వర్ణమే ....
కల్లకపటమెరుగని
షడ్రుచుల పాయసమే .....
నగునూరి రాజన్న
No comments:
Post a Comment