పుస్తక ప్రదర్శన
తేది : 09-02-2024
శీర్షిక : జీవన రహదారి మార్గసూచిక ....
సాహిత్యపు పంటల తరువులకు...
ప్రతి పుస్తకం ఒక కొమ్మలా రెమ్మలా
చిగురేసి... కుసుమ శోభిత వికసితమే
మానసం... ఫల రుచుల పరిపక్వమే .....
పంట విస్తరిస్తే మంచి గంధం
గుభాళింపులే ప్రపంచమంతా ...
శోభలద్దుకుని విలువల వలువలు
తొడుక్కున్న రూపమై అంతా రమ్యమే. .
శిలను శిల్పంగా మార్చే శిల్పిలా
కర్రను బొమ్మగా మలిచే వడ్రంగిలా
దూదిని దుపట్టగా నేసే నేతన్నగా
అజ్ఞానుల తీర్చిదిద్దే జ్ఞానజ్యోతి ....
ఒకప్పటి హస్త భూషణం
చిన్నబోయి చిక్కుల్లో చిక్కుకుంది ..
బుంగమూతితో వామనునిలా వ్యాపించిన
నంగనాచి తెరలవాణి ముందర .....
విరిజల్లుల పరిమళాలు విస్తరించాలంటే
అలాంటి పుస్తాకాలు అందరికి
అందుబాటయ్యే సౌకర్యమే
ప్రదర్శనల అంతరార్థం ....
ఆణిముత్యాల్లాంటి అరుదైన
హస్తభూషణాల భోషాణం ....
జీవన రహదారులకు మార్గసూచికై
భావ పరిమళాల పరివ్యాప్తికి తోడవుతాయి ....
నగునూరి రాజన్న
No comments:
Post a Comment