ఆయుర్వేదం.
తేది : 27-01-24.
శీర్షిక : విశ్వజన సంక్షేమములే…
అధర్వన వేదానికి ఉపవేదము
అత్యంత పురాతన అవపోశనం..
మానవ ఆయుః ప్రమాణముల
వృద్దియే అంతిమ లక్ష్యం…
ఇంద్ర అశ్వనీ దేవతల వరము
ప్రకృతిపరమైన పావన ప్రసాదం..
మహాఋషుల మానస పుత్రిక
తపో సంపన్నతల తలమానికం…
ధన్వంతరి బోధనల సంపత్తి…
సుశ్రుతాది శిష్యగణం నేర్చుకున్నది
నలంద తక్షశిల విశ్వ విద్యాలయాలలో
పుస్తక రూపములలో లభ్యత…
నిలువెత్తు నిస్స్వార్థములతో
ప్రజా సంక్షేమమే పరమావధిగా
చౌక భారంతో..గొప్ప గుణశీలతల
బంగారు సమమైన బహుమానం…
వలస వాదుల దృష్టి దోషమునకు
మలమల మాడి మసి పూసుకుని
మట్టికొట్టుకుపోయిన అనేకమైన
వాటిలో అగ్రగామి ప్రముఖమైనది...
పాపపు కన్నుల పైశాచిక కృత్యపు
విదేశీ రసాయన ఔషధ కంపెనీల
బిగి కౌగిలిలో నలిగిపోయిన
కుసుమ మనోహరం...
మరో అవతార పురుషుడు
పూనుకుంటే… పున్నమి వెన్నెలలే
విశ్వ జన సమ్మోహితమై ప్రపంచ
శాంతి పరిమళించుగాక… !
నగునూరి రాజన్న
No comments:
Post a Comment