ఆమ్మో ఒకటో తారీఖు !
తేది : 01-02-2024.
శీర్షిక : జమా ఖర్చుల జమాబందీ
అన్ని ఒకటో తారీఖులు వ్యక్తిగతమై
పరుగెత్తిస్తే ఫిబ్రవరి ఒకటో తారీకు
మాత్రం పాలకులను అధికారులను
ప్రతిపక్షాలను పరుగెత్తిస్తాయి ...
మనందరమూ ఎదురుచూసేది
మాత్రం రమ్యమైన రాయితీలకు
పన్ను పోటు వడ్డింపులకు....
ఎగుడు దిగుడు నిత్య జీవన సరుకులకు ...
నెలంతా రాబోయే రాకడ పోకడలకు
రంగులు పులిమి రసవత్తరమైన
చిత్రం గీసి సంతృప్తుల మనమును
సరిగమలతో రంజింపచేయడమే ....
అలా చేతులో పడీ పడకముందే
వరుసకట్టిన వసూళ్ల పర్వం...
పద్దు పద్దుకో సుద్దుల మాటా మంతీ
సర్దుబాట్లతో సవరింపులతో శుభం కార్డు ...
మధ్యతరగతి మిద్దె బతుకులకు
ఒకటో తారీకనగానే అందరికి అమ్మోనే...
ప్రణాళికలతో పదములు కదిపి
ఎవరో కొంతమందికి తప్ప ....
నగునూరి రాజన్న
No comments:
Post a Comment