యుగళ గీతాలు
తేది : 20-01-2023
శీర్షిక : విన్నావా మావయ్యా
ఆమె:
విన్నావా మావయ్యా
వింత జరిగె లోకాన
అతడు:
ఇంతకు వింతేమిటో
కొంతైనా తెలుపరాదె...
ఆమె:
బంగారు కోవెలలో
బాల రామ ప్రతిష్టంటా ....
ఊరు వాడ ఒక్కటయ్యే
రామనామ జపమయ్యే ....
అతడు :
అవునవును .....
ఇనవంశపు ధీరుడు
ఇందీవరశ్యాముడు....
అన్నదమ్ములన్నాడు
అనురాగం పంచాడు ....
ఆమె :
యుగములెన్ని మారినా
జగమున శ్రీ రాముడే ....
ఒక్క మాట కోరగానే
కానలకు పయనమయ్యే ....
ఆమె :
ప్రజలంటే ప్రాణమిచ్చే
ప్రభువంటే అతడే సుమా....
ఒక్కమాట ఒక్క బాణం
ఒక్క సతియె ధర్మమనెను ...
అతడు :
మననమే పుణ్యమని
మనసంతా నమ్మినాము.
మనదెంత అదృష్టమో
ప్రతిష్టను వీక్షించగ ....
ఆమె :
వాకిళ్ళను ముగ్గులతో
వసారాలనూ దండలతో
అలంకరించి ఆనందంగా
దీపాలను వెలిగిద్దాము .....
అతడు :
రామ నామ కీర్తనలతో
వేద మంత్ర జపములతో
మనము కూడ తరిద్దాము
మరో లోకంలో విహరిద్దాం ...
ఆమె:
విన్నావా మావయ్యా
వింత జరిగె లోకాన
నగునూరి రాజన్న
No comments:
Post a Comment