స్వచ్చంద సేవ
తేది 04-02-2024
శీర్షిక : ప్రకృతి
మట్టిని కొట్టి మర్మంగా
కుంకుమలా గుల్లబార్చి
సారవంతం చేసి సౌకర్యంగా
మనకు సాయం చేసే ఎవుసం
వానపాములకెవరు నేర్పే ....
గండు తుమ్మెదలకు
మెండుగా తేనెలిమ్మని
పూల పుప్పొడికెవరు
పుణ్యమైన పాఠము నేర్పిరి ....
తనివి దీరె రుచుల ఏరి
తరువు తరువుకు
ఫలములిమ్మని
ఎవరు నేర్పిరమ్మా...
ఫరిఢవిల్లుతూ ప్రతి వత్సరం
ప్రతిఫలమేమాశించకనే
జీవరాశికి బతుకునిమ్మని
ప్రకృతమ్మకు ఎవరు నేర్పిరి....
కాయముండగనే కష్టించు
ప్రాణముండగనే ప్రేమించు
శాయశక్తులా సాటివారిని
అడిగిన వారికే కాకుండా ...
అనువైన సేవలతో
అడగకున్నను అడుగు
ముందుకేయుము
స్వచందమై సాగు దారి ....
నగునూరి రాజన్న
No comments:
Post a Comment