భక్తి గీతము
తేది : 14-10-2023
శీర్షిక : నారసింహుడా వందనమయ్యా…
నారసింహుడా వందనమయ్యా
నామొర వినగా రావేమయ్యా …
భక్తిపూర్వకమై ప్రణమిల్లిన
ప్రహల్లాదునికి వందనం ...
అందుగలడు ఇందులేడనే
సందేహం వలదనగానే ...
స్తంభమందున ఉద్భవించిన
స్వామీ నీకూ…. వందనం ....
// నారసింహుడా//
యాతనెంతో ఓర్చుకుని
యాదాద్రినే చేరినాము ...
రౌద్రమూర్తి నీకు చేతులెత్తి మొక్కేము…
ఓ స్వామీ నీ రూప చూడలేక
భయకంపితులౌతున్నాము.
నారసింహుడా వందనమయ్యా
నామొర వినగా రావేమయ్యా …
మాకు నీవు తప్పా
దిక్కెవరు లేరు స్వామీ
యాదగిరిశా…….. నీకు
వేవేల వందనాలు …
లక్ష్మీ నారసింహుడవై
దర్శనమీయగ రావయ్యా…
// నారసింహ//
యాదాద్రి వాసా నీకు
జేజేలు పలికినాము …
మా ప్రభువ నారసింహా
వరమములేమి కోరలేదు …
మా తనువంతా నీవేనయ్యా
మా సర్వము నీవేనయ్యా….
లక్ష్మీ నారసింహ వందనమయ్యా
నామొర వినగా రావేమయ్యా …
నగునూరి రాజన్న.
No comments:
Post a Comment