చిత్ర కవిత 09-10-23 శీర్షిక. ఆభరణములు

 చిత్ర కవిత 

09-10-23

శీర్షిక. ఆభరణములు.  

ముంగురుల కేశముల ముద్దు అలంకరణలు

మెప్పైన సవరం కొప్పులోనికి కుప్పె

పాపటన  పచ్చలు పదిలమై నిలువంగ

నుదుటన బొట్టుతో నిగనిగల మెరువంగ 

                         // పార్వతీ //

చెవులకు దుద్దులు చెనుకులీనంగ

తళుకుల ముక్కెర మిలమిలల దర్శింప

రంజింప జేసేటి చంపేశ్వరాలతో 

ధగ ధగల హారములు  జిగినీలు కురియంగ  ....   

                      // పార్వతీ //

ముంజేతి కడియములు మురిపములు తీర్చంగ

చమికీల గాజులు చేతినిండా తొడిగి

భుజమున వంకీలు బహుచక్క నొప్పంగ

భజియించి కీర్తనలు గావింతునమ్మా .... 

                     // పార్వతీ //

ముత్యాల దండలు నిత్యమై నిలువంగ                    

పచ్చల హారములు ఒప్పుగా సొంపంగ

కంఠమున హారములు  మురిపమై మెరువంగ

కమనీయ భక్తితో కొలుతునోయమ్మా .... 

                       // పార్వతీ //

నడుమున ఒడ్డాణం దండిగా ధరియించి

కాళ్లకు కడియములు  కమనీయ భరణాలు 

నవ రత్నములన్నియు సక్కంగ సవరించి

సాదరమ్ముగ నిన్ను పూజింతమమ్మా...