శిక్షణ .
తేది : 01-11-2023
నైపుణ్యం
అవసరార్థం అంతర్భాగమే
నిబిడీకృతమైన నైపుణ్యం..
ప్రకృతిసిద్ధమైన ప్రశిక్షణలు
విశ్వములోని వివిధాలకు ...
అవనిమాత అంతుచిక్కని
భ్రమణ పరిభ్రమణములు
ఆ ఖగోళములోని కక్ష్యలలో
కదలాడే గ్రహకూటములు ...
పశు పక్ష్యాదులకు పుట్టుకతోనే
పట్టు కలిగి పయనంలో పంక్తులు ...
ఆకారం అమురుకుని అధిగమించు
గాలికెదురీదుతూ గమ్యం చేరు ...
మారిన జీవనాన కనుమరుగైన
అసలు లక్షణాలతో మనిషికవసరమే
మాటిమాటికి ఈ శిక్షణల మతాబులు
పూటపూటకు ప్రశిక్షణల మెరుగులు ...
No comments:
Post a Comment