ఏమని చెప్పను...
తేది: 26-12-2020
ఏమని చెప్పను గురుడా...
సంఖ్య: 67
ఏమని చెప్పను గురుడా
ఎన్నని విప్పను నరుడా
మనిషి కూడా మలినపు తిత్తే
మలినం మనదైనా
మాటి మాటికి తాకమని
మలినమంటూ మిన్నకుండమని....
//ఏమని //
ఆచారాలన్ని అవపోషణలేనని
సంప్రదాయాలన్ని సంస్కారాలేనని
ఉరుకుల పరుగుల జీవితాన
ఉనికిని మరిచి ప్రశ్నిస్తామని.....
//ఏమని //
నీతి నియమం పక్కనపెట్టి
కోతి చేష్టలే చేస్తుంటామని
న్యాయం ధర్మం చూడకుండ
కాలం వెల్లబుచ్చుతుంటామని....
//ఏమని //
ముందున్న సమస్య మరిచిపోయి
కిందటి మనువును ప్రశ్నిస్తామని
చేసినదానికి వంకలు పెడుతూ
చేష్టలుడిగి చూస్తూంటామని.....
//ఏమని //
ఇల్లు వాకిలి గుల్లబారినా
ఆలి ముచ్చటే అక్కర్రాదని
మత్తువదలమని మొత్తుకుంటే
సుత్తి సుత్తని తీసేస్తామని.....
//ఏమని //
అంటు ముట్లను హ హ్హంటు
అవహేళన చేసినోళ్లంతా
అబ్బురపడి సబ్బునీళ్ళను
సుబ్బరంగా రుద్దుకున్నరని
//ఏమని //
కనపడిందల్లా నోట కరిస్తే
కాటువేసే కదా కరోనాగా
కంటికి తాను కనపడ పోగా
కనువిప్పులు మనకు కలిగించెనని.....
//ఏమని //
నగునూరి రాజన్న
కరినగరము.
No comments:
Post a Comment