బతుకు పయనం
తేది: 22-04-2021
శీర్షిక: భ్రమల తీరం
కవిత సంఖ్య: 646
అంతా తెలుసుననే మనిషికి
అసలు తెలియని జననం...
తోవ తెలియని గమనం...
తెలుసుననే భ్రమల ముగింపుకై ...
బతుకు పయనమనే నిజం
తెలియని బహుదూరపు బాటసారి...
చదునైన మైదానంలో
చలాకీగా సాగే వాహనం కాదు
కలల లోకంలో తేలియాడే
సప్త వర్ణాల సుందరం కాదు ....
ఎత్తుపల్లాల ఎగుడుదిగుడులు
ఒత్తుగా పెరిగిన చిత్తడి నేలలు
ఆలోచించుకున్నంత అందం కాదు
ఎదురై వచ్చే యక్ష కన్య కాదు ....
అనుక్షణం ఆరామమెరుగని
ఉరుకుల పరుగులతో
కనపడని వాస్తవాలను
కబంధ పరుచుకోవడమే ....
కనులముందు కదలాడే
కార్య సాధనలను చేరుకుంటూ
తెలుసనుకుంటున్న భ్రమల తీరం
చేరడమే మన బతుకు పయనం .....
నగునూరి రాజన్న
కరినగరము.
No comments:
Post a Comment