భావ గీతం
తేది: 10-04-2021
శీర్షిక: ఆరోగ్య నిలయం
కవిత సంఖ్య: 637
అంజలిదుగో అంజలిదుగో
ఆద్యులకు అంజలిదుగో
అంజలిదుగో అంజలిదుగో
పూజ్యులకు అంజలిదుగో
ఆధ్యాత్మికతలు అంటేనే
మిధ్యలంటూ కొట్టేసేవారికి
కట్టుబాటుగ దివ్యమైన
కట్టిపడేసే సమాధానం. //అంజలిదుగో//
హైందవాన దేవళమంటే
ఆరోగ్యాల నిలయమంటూ
ఋషుల బోధన నాటిదైతే
శాస్త్ర ఋజువులు నేడవేలే... //అంజలిదుగో//
రాతి విగ్రహం కానేకాదని
సామూహికమై వేడుకునే
ఆరోగ్య ప్రదాయినంటూ
చాటి చెబుదాం సోదరా //అంజలిదుగో//
ధ్వని తరంగం తోడనే
దండి ఉత్తేజం చూడరా
దాసోహం విశ్వమంతా
కాముక ఈనాడు మిత్రమా //అంజలిదుగో//
నిశ్చయమ్ముగ ధ్వనిపైన
నియంత్రణ నీవు సాధిస్తే....
నీళ్లయినా నిప్పులయినా
కణములైనా కదిలిపోవా. //అంజలిదుగో//
నాడీ వ్యవస్థలోన
నాట్యాలను మేళవించి
దిశలు మార్చి దండిగా
దివ్యమైన దశలు చేర్చ..... //అంజలిదుగో//
యంత్రమైనా మంత్రమైనా
తాళం పల్లవీ చరణములతో
చందోబద్దంగా సాగిపోయె
మేలు ఆరోగ్యాలు
మేఘమై కురియంగ // అంజలిదిగో //
నగునూరి రాజన్న
కరినగరము.
No comments:
Post a Comment