శీర్షిక: *మా నాన్న*
**********************
తెల్లనివన్నీ పాలని నమ్మి
నల్లనివన్నీ నీళ్ళని నమ్మేవాడు..
కల్లాకపటం తెలిసుకోగలిగినా
కసురుకునే వాడు కాదు....
లోకంలోని మాయా మర్మాలు
ఎరిగినా...
మనసుకు తీసుకునే వాడుకాదు....
ఎదుటివారిని అమాయకులు
కాదని తెలిసీ... నమ్మేసేవాడు..
ఇవ్వడమే తెలిసిన ఇగురశాలి
గంగి గోవు లాంటి మనసున్నవాడు..
ఇతరులకు చేతనైన సాయం చేసేవాడు..
మోసపూరిత వ్యక్తులను గుర్తించి
దూరముండేవాడు....
అతి శాంత స్వభావుడు..
అత్యంత సుందరుడు అతి మంచివాడు....
వృద్ధాప్యంలో మళ్ళీ పసిపిల్లవాడైనాడు..
అన్నదమ్ములను అక్కచెళ్ళెల్లను
అత్యంత ప్రేమతో ఆదరించినవాడు
ప్రత్యక్ష మైనా పరోక్షమైనా తనంత తానై
శత్రువులను సృష్టించుకోలేదు......
మాకు జన్మనిచ్చి....ఎలా బతకాలో
తన విధానాలతోనే నేర్పించాడు
జీవితాన్ని ప్రసాదించినాడు...
జీవహింస చేయనివాడు
ఎవరికీ హాని తలపెట్టనివాడు..
ఆజాత శత్రువు అతడే....
ప్రజాక్షేత్రంలో నాయకుడైనా
మలినాలను అంటిముట్టలేదు....
యుగాన్ని బట్టి ధర్మం మారినట్టే
పనిగట్టుకుని శత్రువులను సృష్టించుకోకుండా....
పదిలమయిన పరిస్థితులను
పరిపక్వతతో జయిస్తూ
ప్రజ్వలించి ఫరిడవిల్లడమే
కలి యుగపు నిర్వచనం.....
అతనెవరో కాదు..మా పితృదేవులు
శ్రీ దశరథరాములు నామధేయుడు....
*********************
No comments:
Post a Comment