అజాత శత్రువు
తేది: 09-04-2021
శీర్షిక: అటల్ బిహారి వాజ్పాయి
కవితసంఖ్య : 637
చిరు నవ్వుల చిన్మయుడు
కవితా ఛలోక్తులు తన్మయుడు
అపర భీష్ముడు అజాత శత్రువు
ఆజన్మ బ్రహ్మచారి .....
అనర్గళ వాచస్పతి అవిశ్రాంత దేశ భక్తుడు
ఆడంబరమెరుగని హిమశిఖరుడు
భారతీయ జనతా పార్టీ వ్యవస్థాపక అధ్యక్షుడు.
నిష్కళంక రాజకీయవేత్త
నిరుపమాన మానవతావాది .....
మహోన్నత పార్లమెంటేరియన్ గా
ప్రతిపక్షంలో ఉన్నప్పటికీ
పాలక పక్ష మెప్పులు పొందిన ప్రజ్ఞాశాలి.
అధికారంలో ఉన్నా
ప్రతిపక్షాలను గౌరవించిన మహనీయుడు....
స్వర్ణ చతుర్భుజి, సడక్ యోజన లాంటి
సమ సమాజ నిర్మాణాల ఆలోచనావాది.
పొరుగు వారితో మైత్రీకొరకు అవిశ్రాంతంగా
ప్రయత్నించిన అనితర సాధకుడు...
అగ్రదేశాలను ఢీకొట్టి
అణు పరీక్షలకు సై అన్న ధీశాలి .
కార్గిల్ కయ్యానికి
కఠిన వైఖరి చూపిన ధైర్యశాలి.
ప్రశాంత వదనుడు
ప్రసన్న ముఖ వర్చస్సుతో
పరిమళాలు వెదజల్లిన పండితుడు
ఆతడే మన అటల్ బిహారీ వాజ్ పాయి గారు
యుగాన్ని బట్టి ధర్మం మారినట్టే
పనిగట్టుకుని శత్రువులను సృష్టించుకోకుండా....
పరిస్థితులను జయిస్తూ ప్రజ్వలించి ఫరిడవిల్లడమే
కలి యుగపు నిర్వచనం.....
నగునూరి రాజన్న
కరినగరము
No comments:
Post a Comment