కరోనా వాక్సిన్
తేది: 10-04-2021
శీర్షిక: మాయం కాదా కరోనా...!
కవిత సంఖ్య : 104
ఒక్కసారి గుర్తు చేసుకో....
ఉహానునుండి ఉడాయించి
విశ్వమంతా వ్యాపించింది....
సూక్ష్మక్రిమే కదా అని నిరాదరిస్తే
మోక్ష మార్గాలను చూపించేసింది....
ఆత్మీయులను దూరంచేసింది....
బంధాలను బీటలు వార్చింది....
కష్టకాలంలో మనలను
కడుపులోన పెట్టుకుని
పబ్బతి పట్టిన నాయకులు
అమ్మలా బుజ్జగించి నాన్నలా
మందలించిన అధికారులు ఖాఖీలు
మానవత్వంతో మనకు సేవలందించిన
ధవళ వస్త్ర దేవదూతలు...
అహోరాత్రుల అవని శుభ్ర దూతలు
ఆరాలన్నీ అక్షరీకరించిన పాత్రికేయులు
ఎంతోమంది సేవలతో మాత్రమే
మనం బట్టకట్టి బతగ్గలిగాము ......
ఏడాది నరకానికి ఎరగని ప్రాణులన్నో
ఎనలేని సేవలతో సమిధలయ్యి
తలమునకల శాస్త్ర వేత్తలు
తన్నుక చచ్చారు మిత్రమా....
ఇష్టాలను విసర్జించి కష్టాలను శ్వాసించి
కనగొన్నరు వాక్సిను ఈనాటికి...విశ్వాన..
నీకొరకు నాకొరకు నిప్పుల కొలిమెక్కిన
నిజమైన దేవదూతలు వీరంత నమ్ము సోదరా!
కనపడని క్రిమికోసం కత్తిమీద సాములా
కవాతు చేస్తున్నారు కదిలిరా సోదరా!
పుట్టిన ప్రతివారికి మరణం తథ్యమైనా....
అనాథ మరణాలను అడ్డుకుందాం సోదరా!
స్వీయ నియంత్రణ సంయమనాలతో
శుచి శుభ్రతల విస్తారాలతో
మనుషుల దూరాలు పాటిస్తే
మటు మాయం కాదా కరోనా...!
నగునూరి రాజన్న
హైదరాబాదు.
No comments:
Post a Comment