చెత్త శుద్ది
తేది: 19-04-2021
శీర్షిక:: చిత్తశుద్ది కావాలి....
కవిత సంఖ్య : 643
పరమపద సోపానంలో
పరుచుకున్న చిన్నా పెద్దా
విషనాగులవలె విచ్చుకున్నది
విశ్వం నిండా వింత వింత చెత్త ....
అద్దాల భవంతి అందమైన ప్రకృతిలో
అమిరిపోయి ఉన్నది మురికి వాడల్లా
అడుగడుగున చెత్త అంతర్లీనంగా
అర్థం కాని విధంగా మనిషి ఆలోచనల్లా....
పల్లెలన లోగిళ్లన్నీ వెనక
చెత్త కుప్పలయితే ...
పట్టణాల వలయాలన్నీ
చెత్త నిండిన కంచెలే ...
పట్టింపులేని పాలకులు
ప్రణాలికల్లేని అధికారులు
ఆలోచలేని నాగరికులు
నడిపే అంధకార వాహనం ...
చిత్తశుద్ధి లేని శివపూజలేలంటూ
శుభ్రతను శ్రీమహాలక్ష్మిగా కొలిచారు
మన పూర్వీకులు ....
ఎవరో వచ్చి చేసినా ఎన్నాళ్ళని నీ వెంట ...
స్వీయ నియంత్రణలే శ్రీరామ రక్షా మంత్రం ...
చెత్త శుద్దయినా చిత్తశుద్దితో జయించాలి....
నగునూరి రాజన్న
కరినగరము.
No comments:
Post a Comment