కుదురు లేక
తేది: 20-04-2021
శీర్షిక : రాజకీయం...
కవిత సంఖ్య : 112
మేక తోళ్ళు కప్పకున్న దేశభక్తులు
దేశ భక్తే లేని దేవ దూతలు
పట్టాలు తప్పుతున్న ప్రణాళికలు
దూరదృష్టి కొరవడిన నాయకులు
ఉచిత కొక్కాల వేటల ఓటు గాలాలు .....
మూడు తరాలకు ముందే
మూలాలు పదిలపర్చుకుని
ప్రజలను రాజ్యాంగ పరిధిలో
పడగొట్టి విడగొట్టె కద పక్కగా...
పకడ్బందీ ప్రణాళికలతో ....
కాలం గడుస్తున్న కొద్దీ పాలకులకు
ప్రజలకన్నా పరమశ్రేష్ట మైనవింకెన్నో
పరమ గోప్యమైనవి ఎన్నెన్నో...అంటూ
పరోక్ష సూచనలు పంపిస్తున్నారు....
ప్రశ్నించ గలిగే విద్యలను
జీవించగలిగే వైద్యాలను
నాలుకలు ఊడిపడినా
ఉచితమని మాటివ్వరు ....
పనికి ఆహార పథకాలంటూ
పక్కదార్లు పట్టే ప్రజా ధనాల
పతనాలకు నాందీ పలుకుతూ
కుదురు లేని స్థితికి దిగజార్చుతున్నారు...
నగునూరి రాజన్న
కరినగరము.
No comments:
Post a Comment