హుషారు గేయం (2) తేది : 20-02-2021

 హుషారు గేయం 

తేది : 20-02-2021

శీర్షిక :  మెరిసే మేఘంలా..... 

కవిత సంఖ్య : 612

కదులు కదులు కదులు 

కదులు  ఓ  యువతా .... 

ఆనుపానులు  తెలుసుకో 

ఆకళింపు చేసుకో 

పదుగురి క్షేమాన్ని 

సదా నువ్వు కోరుకో....  // కదులు // 

నలుగురిని కలుపుకో 

నవ్యంగా  సాగిపో 

ముందుండి నడిపించు 

నాయకుడిగ గెలుపొందు // కదులు // 

అందొచ్చిన  అవకాశం 

అసలు వీడవద్దురా

కలిసొచ్చే కాలాన్ని 

కనిపెట్టు  సోదరా // కదులు // 

కదిలే కరి మబ్బులా 

కురిసే జడి  వానలా  .....   

ఉరికే జల పాతంలా 

మెరిసే ఓ మేఘంలా  // కదులు // 

భవిత నీదని గుర్తించు 

బాధ్యతగా నడచుకో 

బంధాలను చేరుకో

సుందరతను పెంచుకో  ....   // కదులు // 

నగునూరి రాజన్న 

కరినగరము