సూక్తి కవిత
తేది: 12-04-2021
శీర్షిక: కష్టే ఫలీ
కవిత సంఖ్య: 106
జరిగేది ప్రతీది దృష్టాంతమే
ఎప్పుడో జరిగిన చర్యకు...
ప్రతిఫలం నీకిప్పుడు గోచరమైతే
అదే అదృష్టం .....
అ " దృష్టo " అంటేనే మనం
సాంతంగా చూడలేనిదని......
చూడలేనప్పుడు జరిగిన విషయాలు
ఎందుకు ఎలా జరిగాయో తెలియక...
అయాచితంగా జరుగుతున్నాయని
నమ్ముతూ.... అన్నీ అదే కోవలో
జరుగాలనుకోవడం అవివేకం...
స్వయంకృషిని నమ్ముకుంటే
సాంతంగా జరిగే పరిణామమంతా
కళ్ళముందు కదలాడుతుంటే
సంతృప్తిగా సాగిపోవచ్చు .....
అంతేగాని ...
అరచేతి గీతలకు అంగలార్చకు
రంగురాళ్ళంటూ నీళ్ళు మింగబోకు
సంఖ్యా శాస్త్రమంటూ సాగదీయకు
నకిలీ బాబాల వలలకు చిక్కబోకు...
ఆశ “ఆశయ” నిర్ణయానికి ఊతమవ్వగ
గమ్యమెరిగి నీ గమనమెంచుకో....
స్వచ్చమైన మనసుతో సంకల్పించు...
సాధనలతోడనే సమకూరు ధరలోన
స్వయంకృషితోనే సాధించవచ్చు.....
నగునూరి రాజన్న
కరినగరము.
No comments:
Post a Comment