చిత్ర కవిత
కవిత సంఖ్య: 111
తేది: 19-04-2021
శీర్షిక: భూత దయ...
స్వార్థాలు భుజానికెత్తుకున్న
రాజకీయ రైతుల రెక్కల కష్టమో ...
కాలుష్యాల కార్చిచ్చులు
వదులుతున్న పరిణామాలో ....
మరకతమై వెలిగిన భూదేవి
కలి మాయల కైనీడలలో
హరితములు అంతరించి
మరకలమయమై కపిల వర్ణమాయె....
మకిలపు మనిషి చేష్టలకు
ఆకలి దప్పులకు అలమటిస్తూ
మలమల మాడుతున్న
మూగజీవాలెన్నో .. ఎన్నెన్నో ...
నోరు లేని జీవాలపై జాలితో
కొంతమంది మానవత్వాలను
తలకెత్తుకుని మహనీయతలను
ప్రదర్శిస్తూ మచ్చిక చేసుకుని ....
ఆహార పానీయాలను అందిస్తూ
భూతదయలను ప్రదర్శిస్తూ ...
ఇంకా మానవత్వపు ఆనవాళ్లు
మిగిలే ఉన్నాయని నిరూపిస్తున్నారు.....
నగునూరి రాజన్న
కరినగరము.
No comments:
Post a Comment