ఉడుత
అల్ప ప్రాణి శాఖాహారి
నిండుగ పండిన ఫలమే
నిత్యాహారం ....
పాపాయిలకు ప్రాణ స్నేహం...
మానవాళిని అనుసరించే
మనసున్న మహా మేధావి...
పూర్వీకుల మనసుదోచుకుని
పాటల్లో నిక్షిప్తమయ్యింది
వింత వింత పరుగులతో
పాపాయిలకు ప్రాణమయ్యింది ...
చిన్నా చితక ప్రాణులేకదా
చిత్రమైన పర్యావరణంలో
చింతలేని సమతుల్యతకు
చిరునామాగా నిలిచేది ....
వారధి బంధనానా రామునికే
తోడ్పడి లోకోత్తరమైనది...
రామాయణంలో రమణీయంగా
పొందుపరచబడింది ...
ప్రతి క్షణం ప్రకృతే
పదిలంగా సాకంగా ...
చింతలేని బతుకులే
మానవాళికి వరదాయినీలు ...
చేతనైన సాయంతో
చేయి చేయి కలుపుదాం
ప్రత్యక్షంగానైనా పరోక్షంగానైనా
ప్రకృతికి ఎల్లవేళలా తోడ్పడుదాం ...
నగునూరి రాజన్న
కరినగరము.
No comments:
Post a Comment