ఎదురీత
తేది: 15-04-2021
శీర్షిక: వటవృక్షం ఛాయ
కవిత సంఖ్య: 009
ఏటిలోని నీటి ప్రవాహంలా
జీవనయానంలో అతి సహజం
పచ్చని మొక్కల బంధుత్వాలకో
కొండశిలల లాంటి శతృత్వాలకో....
అమ్మ గర్భాన ఆవపోషణలలా
బాల్యములోని చెడుగుడులా
విద్యార్థిగా విద్యనభ్యసించడానికో
బతుకులాటలో కర్తవ్య నిర్వహణలో ....
నమ్ముకున్న విధానాలకో
నమ్మలేని నిజాలకొరకో
ఆత్మసాక్షికి అనుకూలమో
అందని న్యాయానికి ప్రతికూలమో
అడుగడుగున తారసపడేదే ....
అవమానాలను అధిగమిస్తూ
విజయాలను ఆస్వాదిస్తూ
అడుగులు వేయాల్సిందే
పడిలేచినా కూడదీసుకోవాల్సిందే ...
నెర్రెలూనిన కొండరాయిలో
మర్రిగింజలా దూరిపోయి
వటవృక్షంలా మారిపోయి
నమ్మినవారికి ఛాయనివ్వు ...
No comments:
Post a Comment