ఆమె ఓ నది
తేది:20-04-2021
శీర్షిక: మాతృమూర్తి
కవిత సంఖ్య: 644
స్వార్థాల జోలె పట్టుకున్న
కొంతమంది నాయకుల పనులో
అరాచకాల మూటలు విప్పే
కొంతమంది దళారీల దాష్టీకామో ...
పబ్బతి పట్టి గాని ప్రకృతి
ముట్టని తత్వాలు మాయమై ....
పట్ట పగలు కాదన్న వారి తలలు
తాకట్టుగ ట్రాక్టర్ల కింద వేసి ....
దృతరాష్ట్రుల అంధ పాలనలలో..
దుర్యోధన ప్రోద్బలాలతో ..అబలయైన
అతివ వలువలూడ్చిన.... దుశ్శాసనుల్లా
ఆసేతు హిమాచలమంతా ఆగమే ....
రాజకీయం... అధికారం... రౌడీయిజం
మొక్కవోని పట్టదలల ముప్పేట ఒక్కటై..
పెచ్చరిల్లి మాఫియాలుగ మాటేసి
అడ్డంగా గాయపరిచి నదీమ తల్లులను
వికటంగా గావుకేక పెడుతున్నరు....
తల్లి ధరణి క్షేమమే... పిల్లల క్షేమమనే...
మూల సూత్రం మాట మరిచిపోయినట్టున్నారు
మరోసారి హరి.. వరాహవతార మెత్తితేనే
*తల్లిని* కబంధ హస్తాలనుండి కాపాడుకోగలం....
నగునూరి రాజన్న
కరినగరము
No comments:
Post a Comment