లలిత గీతం
నాగార్జున సాగర్ .....
అంజలిదిగో అంజలిదిగో
ఆద్యులకు మా అంజలిదిగో
ఉమ్మడి మదరాసులోన
ఉనికి కట్టిన కృష్ణ పెన్నార్ లను
ఊరికన్నా ముందే పసిగట్టి
ఉసిగొలిపిన నిలిపిన ఆద్యులకు // అంజలి//
వేలమంది సంతకాలతో
వేలుబట్టి నడిపినోళ్లకు
నవాబునాటి ప్రణాళికలను
నడుంగట్టి చూపినోళ్లకు // అంజలి //
ప్రణాళిక సంఘ సభ్యుల
పక్క చూపుల ప్రస్తావనలను
దరికి తెచ్చి దారి చూపి
సందర్శనల సాకు చెబితే
సానుకూలత సాధించినోళ్లకు // అంజలి //
రాత్రింబవళ్ళు కష్టించి
రాచమార్గము వేయించి
ఖోస్లా కమిటీని తీసుకెళ్లి
భరోసాలు తీసుకున్నోళ్లకు // అంజలి //
రాజధాని డిల్లీ సాక్షిగా
రహస్యంగ తొక్కిపెడితే
గవర్నర్ తో కదిపించి
గాలోలె రూపు దిద్దించిన
పెద్దన్నలందరికి వందనాలు // అంజలి //
అల్లి బిల్లిగ అల్లుకున్న
ఆటవిక ప్రస్థానంలో
నందికొండ సాగర్
(నాగార్జున సాగర్)
సాధకులకు లందరికి // అంజలి //
నగునూరి రాజన్న
కరీనగరము
No comments:
Post a Comment