సూక్తి కవిత
తేది: 23-04-2021
శీర్షిక: సుందర పూవందం తోటకు
చక్కని భావనందం మనసుకు...
కవిత సంఖ్య : 114
సుందర పూవందం తోటకు
చక్కని భావనందం మనసుకు...
నిండుగ పూసిన పూదోటలు జూసిన
మెండుగ ఆరోగ్యాలు పంచు మహిలో
శుచి శుభ్రతల పరిసరాలే
ఆరోగ్య వృక్షాల పట్టుకొమ్మలు
కలుషితాల కలుపు మొక్కల్ని
తోటైనా మనసు మడిలోనైనా
ఎప్పటికప్పుడు ఏరేయాలి....
కుసుమ కోమలం మనసు కొలను
ప్రశాంత మస్తిశ్కం పన్నీరు నెలవు
మరువ దమానాల సువాసనం
మల్లెల గులాబీల పరిమళం .....
పరిసరాలెలా ప్రస్ఫుటిస్తే
పరితపనలలా ప్రతిబింబిస్తాయి
అడుగడుగున ఆచారాలందుకే
ఆదుకున్నాయి మనిషి తత్వాన్ని ....
మానవాళినే కాదు ప్రకృతిలో ప్రతీ దాన్ని...
చెట్టు చేమ పుట్ట పశు పక్ష్యాదులను
మానవత్వం ధార పోసి పెంచుదాం ....
మంచి ఆలోచనలను పెంచుదాం
మానవత్వ పరిమళాలు పంచుదాం ...
నగునూరి రాజన్న
కరినగరము.
No comments:
Post a Comment