మరువ లేని జ్ఞాపకం
తేది: 17-04-2021
శీర్షిక : ఎన్నో మధుర జ్ఞాపకాలు
కవిత సంఖ్య: 110
కలి మాయల క్రీనీడలలో
కష్ట సుఖాల జీవన పయనంలో
కలబోతలే చిన్నా పెద్దా కుదుపులు
కదం కలిపి నడవడమే కమ్మనైన జ్ఞాపకం...
ఆత్మీయతలు నిండిన అమ్మా నాన్నలతో
ఆకతాయిగ అలరించిన సంఘటనలు
అనురాగపు తోటలో తోబుట్టువులతో
తుంటరిగా వ్యవహరించిన సందర్భాలు...
అన్నెం పున్నెమెరుగని బాల్యంలో
ఆటకోయిలతనం చదువులలో
విరామమెరుగని ఉద్యోగ కాలంలో
షష్టి పూర్తి గడచిన జీవితములో ....
ప్రతి మలుపులో శ్రుతి చేసిన
సందర్భాలెన్నో..... ఎన్నెన్నో....
మస్తిష్కపు పొరలలో మురిసినా
కాలగమన రీతుల్లో మరువలేనివి....
ఎన్నో మధుర జ్ఞాపకాలు .....
నగునూరి రాజన్న
కరినగరము
No comments:
Post a Comment