ఆశల వాకిలి
శీర్షిక : ఊపిరులు....
కవిత సంఖ్య: 602
ఆశలే కద మనిషికి ఊపిరి
బతుకు బాటకు గమనం
భవిష్యత్తుకు చక్కని చుక్కాని
ఆశయాలకు మూలం..... !
ఆశలు అదుపుల పరిధిలో
అలంకరించి ఓలలాడితే
అందాలను ఒలకబోస్తూ
ఆనందాలను చిలకరిస్తాయి... !
ఆశలు అత్యాశలయితేనో...
పేరాశలయి పెనుగులాడితేనో.....
దురాశలై దునుమాడితేనో.....
స్వార్థాలను సంకనేసుకుని
సవారీ చేస్తేనో........
అసలు చిక్కులు ఆరంభం ..... !
పరిస్థితులో పరివార మిత్రమో
పురికొలుపే చిత్రాలు కొన్నయితే
పాశ బంధాలు పాదుకొలిపే
అంతరంగాల అనంత సాగరాలు
ఇంకొన్ని..... !
ఏది ఏమైనా ..
నేలవిడిచిన సాములు కాకుండా
అంబరాల నిచ్చెనలు వేయకుండా
వివేకాలను తోడు నిలుపుకుని
విచక్షణలను వెంటేసుకుని
విహరిస్తే జీవితమంత సప్తవర్ణ శోభితమే .... !
నగునూరి రాజన్న
కరినగరము.
No comments:
Post a Comment