అవయవాల పనితనం
తేది: 07-04-2021
కవిత సంఖ్య : 102
అత్యంత సుందరం
అమోఘమైన రక్షణం
అనువైన పొందికల
మానవ అవయవాల లక్షణం ...
చిన్న అనారోగ్యమైనా సరే....
కాలుకొస్తే చేతికంటూ
చేతికొస్తే కాలికంటూ
తికమల ఆలోచనలతో
తిప్పలు పడుతుంటాం....
చిటికెనేలయినా సరే పనిని
చిత్రంగా నెత్తికెత్తుకుంటది
కాలయినా సరే కలిసి రాపోతే
మనం కదలలేకపోతాం.....
పూలదండలో రంగుల పొందికలా
ఏర్చి కూర్చినట్టు అమరిన అంగములు
పరిమళాలు వెదజల్లిన చందంగా
పనితనాలు చక్కబెడుతుంటే .....
కొరతలు లేని కోటీశ్వరులమే .....
నగునూరి రాజన్న
కరినగరము.
No comments:
Post a Comment