చిత్ర కవిత
తేది: 17-04-2021
గులాబీ తీగ
కవిత సంఖ్య: 10
అల్లిబిల్లిగల్లుకున్న మల్లెతీగ కాదండోయి
సంరక్షణల ముళ్ళు తొడ సదురుకున్న
రాగాల సొగసరి రాణివాసపు పువ్వు ....
ఆడ మగ లై అందంగా కను ముక్కు
తీరుతో కలిపి పొదువుకున్న చిత్రాల
తోరణం గులాబీ పువ్వు తీగ....
మొగ్గేమో ముక్కు పుడకాయె
పువ్వేమో చిత్రంగా సింధూరమాయె
రెండు భాగాలుగా ఏర్పడిన తీగ
ఆడ మగల ముద్దు చిత్రమై
హత్తుకుంటున్నది మనసున.....
రంగురంగుల రమణీయతల
రారాజుగ నిలిచే రాణివాసపు పువ్వు
సువాసనలు దండిగా వెదజల్లే
సుందరమైన తోట పువ్వు తీగ....
మధుర ప్రేమల మనో చిహ్నం
మంచి ముత్యపు సౌరభం
సాగరాలు దాటించి కలల
సౌధాలను నిర్మించి కనిపెట్టుకునే
కమ్మని గులాబీల తీగ .....
కనులకు కనిపించే ఆహ్లాదాలు
మనసుకు హత్తుకునే భావాలు
ఎన్ని సొంతం చేసుకున్నా..దేవుని
గడప దాటలేని ముద్దబంతులకన్నా
ముదము గొలిపే గొప్ప గులాబీల తీగ ......
కనులకు అందాలను కుమ్మరిస్తూ
కమ్మని సువాసనలను వెదజల్లుతూ
కాంతలకు... దేవాలయాలకు ....
పరిమితం కాకుండా ఓషధులెన్నో
మూటకట్టుకున్న ఉషాసుందరి
గులాబీ తీగ ....
నగునూరి రాజన్న
కరీనగరము
No comments:
Post a Comment